- 'અજાણ્યું પાણી,લઇ જાય તાણી' કહેવત સાર્થક
- જલાલપોર અને ખંભાળીયામાં ડૂબ્યા યુવકો
- બારડોલી નજીક પણ બે દિવસ પહેલા ડૂબ્યા બે યુવક
દીપાવલીના દિવસોમાં તહેવારની મજા માણવી ક્યારેક જિંદગીની સજા બની જતી હોય છે.છેલ્લા ચાર-પાંચ દિવસમાં દરિયા-તળાવમાં નહાવા પડવા અને ડૂબવાની ઘટનામાં વધારો જોવા મળ્યો છે.ગત સપ્તાહમાં જ ઉભરાટનાં દરિયા કિનારે નહાવા ગયેલા સુરતના બે બેંક કર્મીઓ ડૂબી ગયાની ઘટના બની હતી.તો નવસારી પાસે પણ વધુ એક ડૂબવાની ઘટના સામે આવ્યા બાદ, આજે ફરી જલાલપોરના દાંડી બીચ પર એક યુવક ડૂબ્યો છે.બીજી તરફ સૌરાષ્ટ્રના દ્વારકા પાસે તળાવમાં બે યુવકો ડૂબ્યા હતા જેમાંથી એકનું મોત થયું હતું.
દાંડી બીચમાં ડૂબ્યો યુવક
દક્ષિણ ગુજરાતના જલાલપોરના દાંડી બીચ પર એક યુવક ફરવા અને નહાવાના ઈરાદે ગયો હતો. સાહિલ રાઠોડ નામનો 19 વર્ષનો આ યુવક દરિયામાં નહાવાની મજા લઇ રહ્યો હતો આ દરમિયાન પાણીનું ઊંડાણ વધી જતા,તેને ખ્યાલ જ ન રહ્યો. ભારે જહેમત છતાં આ યુવક પાણીના વહેણમાંથી બહાર ના નીકળી શક્યો. અને તરવૈયાઓ પહોચે તે પહેલા તો યુવક ડૂબી ચુક્યો હતો.સ્થાનિક તરવૈયાઓએ યુવકની લાશ બહાર કાઢી નવસારી હોસ્પિટલ ખસેડ્યો હતો.જ્યાં તેને ફરજ પરના તબીબોએ મૃત ઘોષિત કર્યો હતો.
બારડોલીના વાઘેચામાં બે ડૂબ્યા
બારડોલી તાલુકાના વાઘેચા ગામે આવેલા વાઘેશ્વર મહાદેવ તીર્થ સ્થાને મોટી સંખ્યામાં પ્રવાસીઓ મુલાકાત લેતા હોય છે.ત્યારે મંદિર પાસે આવેલી તાપી નદીમાં અવારનવાર પ્રવાસીઓ ન્હાવા માટે જતા હોય છે.ત્યારે અનેકવાર પ્રવાસીઓ અકસ્માતનો ભોગ બનતા હોય છે.આવો જ એક અકસ્માત સુરતના લીંબાયત વિસ્તારમાં રહેતા એક પરિવાર સાથે થયો હતો.પરિવારના 8 શખ્સો ન્હાવા માટે નદીમાં પડતા પરિવારના બે યુવાનો નદીમાં ડૂબી ગયા હતા. ફાયર વિભાગે તુરંત જ ઘટનાસ્થળે પહોંચી ગયો હતો. તે દરમિયાન એક યુવાનનો મૃતદેહ તો શનિવારે જ મળી આવ્યો હતો.પરંતુ એક યુવાનના મૃતદેહની શોધ-ખોળમાં આજે મળ્યો હતો
એકનો મૃતદેહ શનિવારે-બીજાનો રવિવારે મળ્યો
ઘટનાની જાણ ફાયર વિભાગને કરતા એક યુવાનનો મૃતદેહ શનિવારે મળી આવ્યો હતો.તથા બીજા યુવાનનો મૃતદેહ આજે મળી આવ્યો હતો.ઉલ્લેખનીય છે કે આ સ્થાન પર અવારનવાર અકસ્માતની ઘટના બનતી રહે છે. એક અંદાજ મુજબ નદીમાં ન્હાવા પડવાને કારણે અત્યાર સુધીમાં 250થી વધુ લોકોએ પોતાના જીવ ગુમાવ્યા છે.
ખંભાળીયામાં પણ ડૂબ્યો યુવક
આવી જ ઘટના સૌરાષ્ટ્રના દ્વારકા નજીક ખંભાળીયામાં બની છે.અહીના તળાવમાં બે યુવકો નહાવા પડ્યા હતા. વડાલીયા સિહણ તળાવમાં નહાવા પડેલા બે યુવકોમાંથી એક યુવક ડૂબી ગયો હતો.જ્યારે એકનો બચાવ થયો છે. તહેવારોમાં દરિયા કિનારે અને નાના-મોટા તળાવમાં યુવકો નહાવા જતા હોય છે પરંતુ છેલ્લા ચાર-પાંચ દિવસોમાં રાજ્યમાં જુદી-જુદી જગ્યાએ નહાવા પડેલા યુવકોના ડૂબવાની ઘટના વધી ગઈ છે.
