આવી કેવી બેદરકારી? / ઓક્સિજન બોટલના વાલ્વ કીટમાં બ્લાસ્ટ થતા ડ્રાઇવર અધવચ્ચે જ દર્દીને મૂકીને ભાગ્યો, પછી જુઓ શું થયું?

• રાજકોટમાં એમ્બ્યુલન્સમાંથી દર્દીને રિક્ષામાં ખસેડવાની ફરજ પડી
• ઓક્સિજન બોટલના વાલ્વ કીટમાં બ્લાસ્ટ થતા રિક્ષામાં દર્દીને ખસેડાયો
• વાલ્વ કીટ વિખેરાઈ જતા સગાઓ દર્દીને રિક્ષામાં લઇ ગયા

રાજકોટમાં એમ્બ્લુસન્સમાં દર્દીને લઈ જતા હતા. તે દરમ્યાન અચાનક ઓક્સિજન વાલ્વ કીટમાં બ્લાસ્ટ થતા તાત્કાલીક રીક્ષામાં સારવાર અર્થે દવાખાને ખસેડવામાં આવ્યો હતો. ત્યારે અચાનક ઓક્સિજન બોટલના વાલ્વ કીટમાં બ્લાસ્ટ થતા ડ્રાઈવર એમ્બ્યુલન્સ મુકી ફરાર થઈ ગયો હતો. ઘટના બનતા રોડ ઉપર લોકોનાં ટોળે ટોલા ઉમટી પડ્યા હતા. દર્દીને તાત્કાલીક સારવાર અર્થે રીક્ષામાં હોસ્પિટલ લઈ જવામાં આવ્યા હતા. 

રસ્તા વચ્ચે એમ્બ્યુલન્સ રોકી દર્દીને રીક્ષામાં લઇ જવાયો
રાજકોટમાં એમ્બ્યુલન્સમાં એક દર્દીને સારવાર અર્થે એમ્બ્યુલન્સમાં લઈ જતા હતા. તે દરમ્યાન બહુમાળી ચોક નજીક અચાનક એમ્બ્યુલન્સમાં લગાવેલ ઓક્સિજનની બોટલના વાલ્વ કીટમાં બ્લાસ્ટ થતા દર્દી તેમજ તેના સગા-સબંધીનો જીવ પડીકે બંધાઈ જવા પામ્યો હતો. ત્યારે દર્દીને તાત્કાલીક એમ્બ્યુલન્સમાંથી ઉતારી રીક્ષા મારફતે હોસ્પિટલ મોકલવાની ફરજ પડી હતી. રોડ વચ્ચે રેલવે હોસ્પિટલની એમ્બ્યુલન્સમાં ઘટના બનતા ચકચાર મચી જવા પામી હતી. ઘટના બનતા  એમ્બ્યુલન્સનો ડ્રાયવર એમ્બ્યુલન્સ મુક ફરાર થઈ ગયો હતો. દર્દીઓ રામ ભરોસે હોવાની ચર્ચા લોકોમાં વહેતી થવા પામી હતી.