- ઈસ્કોન બ્રિજ અકસ્માતમાં 6 લોકોની અટકાયત
- પોલીસ સ્ટેશનમાં 3 યુવતીઓ મોઢું છુપાવી હિબકે ચડી
- તથ્યના પિતા પ્રજ્ઞેશ પટેલ, કારમાં સવાર 3 યુવતીની અટકાયત
અમદાવાદ ઇસ્કોન બ્રિજ અકસ્માતમાં 9 લોકોનો મૃત્યું થયા છે. સમગ્ર શહેર શાંત હતું ત્યારે ઇસ્કોન બ્રિજ પર મોતનું તાંડવ ખેલાયું અને જેમાં નવ લોકો હોમાઈ ગયા છે. છેલ્લા એક દાયકાનો સૌથી મોટો અને ભયાનક અકસ્માત ગત મોડી રાતે ઇસ્કોન બ્રિજ પર થયો છે. જેમાં નવ લોકોના મોત અને 12 લોકો ઈજાગ્રસ્ત થયા છે. જે સમગ્ર મામલે ટ્રાફિક PI વી.બી. દેસાઈ અકસ્માત કેસમાં ફરિયાદી બન્યા છે અને કાર્યવાહીનો ધમધમાટ શરૂ કરી દીધો છે. અકસ્માત કેસમાં 6 લોકોની અટકાયત કરી છે. આપને જણાવીએ કે, આરોપી તથ્ય સહિત 6 લોકોની અટકાયત કરી છે જે તમામના પોલીસ સ્ટેશના દર્શ્યો સામે આવ્યા છે અને જે લોકો હવે મગરના આસું પડતા જોવા મળ્યા છે.
હવે રોવાનો શું મતલબ.!
GJ01WK0093ના નંબરની Jaguar કારમાં ફૂલ સ્પિડની મજા માણતા અને લોકોની જિંદગીને મજાક સમજતા સમયે ભાન ન આવી અને જે લોકો હવે પોલીસ સ્ટેશનમાં પહોંચતા જ મગરના આસું બતાવી રહ્યાં છે. આ Jaguar કારમાં ત્રણ યુવતીઓ પણ સવાર હતી જે પોલીસ સ્ટેશનમાં પહોંચતા પોતાનું મોઢું છુપાવી રડવા લાગી હતી અને હિબકે ચડી હતી પરંતુ આ લોકોએ કાર ધીરે ચલાવવાનું કહ્યું હોત તો કદાચ નવ લોકોની જિંદગી આ અકસ્માતમાં ન હોમાઈ હોત. પરંતુ મોડી રાત્રે ફરવાની શોખીન આ યુવતીએ બેફામ કાર સ્પિડની મજા લેતા સમય પોતાનું મોં સ્પિડ કંટ્રોલ કરવા ચલાવ્યું હોત તો આજે કદાચ તેમને મોઢું છુપાવવાનો વારો ન આવ્યો હોત.
3 યુવતી સહિત 6 લોકોની અટકાયત
અમદાવાદના ઇસ્કોન બ્રિજ અકસ્માત મામલે મુખ્ય આરોપી તથ્ય અને તેના પિતા પ્રજ્ઞેશ પટેલ તેમજ કારમાં સવાર 3 યુવતી સહિત 6 લોકોની અટકાયત કરી છે.
12 ઈજાગ્રસ્તો સારવાર હેઠળ
આ ભયાનક અકસ્માતમાં પોલીસ કોન્સ્ટેબલ સહિત 9 લોકોના મૃત્યુ નિપજ્યાં છે. જ્યારે આ અકસ્માતમાં 12 લોકોને ઈજાઓ પહોંચી છે. ઈજાગ્રસ્તોને સારવાર અર્થે સોલા સિવિલ લઈ જવામાં આવી હતા. જ્યાં તેઓની સારવાર ચાલી રહી છે.
શું હતી સમગ્ર ઘટના ?
ગઈકાલે રાત્રે શહેરના ઇસ્કોન બ્રિજ પર ડમ્પરની પાછળ મહેન્દ્રા થાર ઘૂસી જતા અકસ્માત સર્જાયો હતો. અકસ્માતને જોવા માટે મોટી સંખ્યામાં લોકો એકઠા થયા હતા. અકસ્માત બાદ પોલીસ તપાસ કરવા માટે બ્રિજ પર પહોંચી હતી. આ દરમિયાન કર્ણાવતી ક્લબ પાસે પૂર ઝડપે આવતી લક્ઝ્યૂરિયસ કારે અકસ્માત જોવા ઉભેલા લોકોને અડફેટે લીધા હતા. 160થી વધુની સ્પીડમાં આવેલા કાર ચાલકે ટોળા પર કાર ચડાવી દીધી હતી.
આ ભયાનક અકસ્માતમાં પોલીસ કોન્સ્ટેબલ સહિત 9 લોકોના મૃત્યુ નિપજ્યાં છે. જ્યારે આ અકસ્માતમાં 10થી વધુ લોકોને ઈજાઓ પહોંચી છે. ઈજાગ્રસ્તોને સારવાર અર્થે સોલા સિવિલ લઈ જવામાં આવ્યા છે. તથ્ય પટેલ નામના કાર ચાલકે અકસ્માત સર્જ્યો હોવાનું સામે આવ્યું છે. અકસ્માત સર્જનાર જગુઆર ચાલક પણ ઘાયલ થતા સિમ્સ હોસ્પિટલમાં ખસેડવામાં આવ્યો હતો.
