ક્રિકેટ / BCCIએ છેલ્લી ઘડીએ વિચાર બદલ્યો! રાહુલ દ્રવિડની જગ્યાએ હેડ કોચ બનવા માટે આ દિગ્ગજ ખેલાડીને આપી ઓફર

• રાહુલ દ્રવિડ વર્ષ 2021માં ભારતીય ટીમના કોચ બન્યા હતા
• રાહુલ દ્રવિડનો કાર્યકાળ સમાપ્ત
• આ ખેલાડીને ભારતીય ટીમના કોચ બનવાની ઓફર આપી

ICC વર્લ્ડ કપ 2023 પૂર્ણ થવાની સાથે ભારતીય ટીમના મુખ્ય કોચ રાહુલ દ્રવિડનો કાર્યકાળ સમાપ્ત થઈ ગયો છે. રાહુલ દ્રવિડ વર્ષ 2021માં ભારતીય ટીમના કોચ બન્યા હતા, 2 વર્ષના કાર્યકાળ પછી તેમનો કરાર પૂર્ણ થઈ ગયો છે. આવી સ્થિતિમાં ભારતને વહેલી તકે મુખ્ય કોચની જરૂર છે. હાલમાં પૂર્વ દિગ્ગજ ક્રિકેટર વી. વી. એસ લક્ષ્મણ ઓસ્ટ્રેલિયા સામેની શ્રેણીમાં ભારતના કોચ છે, પરંતુ તેઓ કાયમી કોચ નથી. BCCIએ ભારતીય ટીમના કોચ બાબતે મહત્ત્વપૂર્ણ અપડેટ આપી છે. ભારતે આ અનુભવી ખેલાડીને ભારતીય ટીમના કોચ બનવાની ઓફર આપી છે.

BCCIએ કોચ બનવાની ઓફર આપી
કહેવામાં આવી રહ્યું હતું કે, રાહુલ દ્રવિડ પછી વી. વી. એસ લક્ષ્મણ ભારતીય ક્રિકેટ ટીમના કાયમી કોચ બનશે, પરંતુ હવે BCCIએ નિર્ણય બદલ્યો છે. માનવામાં આવી રહ્યું હતું કે, શ્રીલંકાના દિગ્ગજ ખેલાડી કુમાર સંગાકારાને ભારતીય ટીમના કોચ બનાવવામાં આવશે. હવે કુમાર સંગાકારા પણ ભારતીય ટીમના કોચ નહીં બને. BCCIએ ફરી એકવાર રાહુલ દ્રવિડને ભારતના કોચ બનવાની ઓફર આપી છે. ભારતીય ટીમ ભલે વર્લ્ડ કપ હારી ગઈ હોય પરંતુ, BCCIએ ફરી એકવાર રાહુલ દ્રવિડ પર વિશ્વાસ વ્યક્ત કર્યો છે.

રાહુલ દ્રવિડનું નિવેદન
BCCIની આ ઓફર પર રાહુલ દ્રવિડ તરફથી કોઈ રિએક્શન આપવામાં આવ્યું નથી. રાહુલ દ્રવિડ વર્લ્ડ કપ પછી ઘરે પરત આવ્યા છે. રાહુલ દ્રવિડે જણાવ્યું હતું કે, તે ક્રિકેટથી થોડું દૂર રહેવા માંગે છે અને પરિવાર સાથે સમય વિતાવવા માંગે છે. આ પરિસ્થિતિમાં, રાહુલ દ્રવિડ BCCIની આ ઓફર સ્વીકારશે કે નહીં તે અંગે હજુ સુધી કોઈ પુષ્ટી કરવામાં આવી નથી.