અફઘાનિસ્તાન / સાત દિવસથી ગુરુદ્વારામાં બંધ હતા, ભારત આવેલા શીખ સરદાર આપવીતી જણાવતા રડી પડ્યા, જુઓ VIDEO

અફઘાનિસ્તાનની રાજધાની કાબુલથી 168 યાત્રીકોને લઈને વાયુસેનાનું વીમાન C-17 ગ્લોબમાસ્ટર ગાઝિયાબાદનાં હિંડન એરબેઝ પર પહોંચ્યું હતું. આ યાત્રિકોમાં 24 અફઘાન શીખ પણ સામેલ છે. આમાં બે અફઘાન સાંસદ એટલે કે સેનેટર અનારકલી અને નરેન્દ્ર સિંહ ખાલસા પણ સામેલ છે. અનારકલી તાલિબાનો સામે અવાજ ઉઠાવી રહી છે અને હવે કદાચ તે ક્યારેય કાબૂલ પછી નહીં જાય. 

તાલિબાનો ત્યાં લોકોને શોધી શોધીને તપાસ કરી રહ્યા

હીંડન એરબેઝ પહોંચેલા એક શીખ સરદારે કહ્યું હતું કે ત્યાંની હાલત એવી છે કે આઠ આઠ દિવસથી લોકો ગુરુદ્વારામાં કેદ થઈ ગયા છે. સરદારે કહ્યું હતું કે તાલિબાનો ત્યાં લોકોને શોધી શોધીને તપાસ કરી રહ્યા છે . તેમણે જણાવ્યું હતું કે  એરપોર્ટ પર જ્યારે લોકો રાહ જોઈ રહ્યા છે ત્યારે તાલિબાનીઓ લોકોને ઉઠાવી ઉઠાવીને લઈ જઈ રહ્યા છે. ત્યાર બાદ નરેન્દ્ર સિંહ પણ પોતાની આપવીતી કહીને રડી પડ્યા હતા. 

#WATCH | Afghanistan's MP Narender Singh Khalsa breaks down as he reaches India from Kabul.

"I feel like crying...Everything that was built in the last 20 years is now finished. It's zero now," he says. pic.twitter.com/R4Cti5MCMv

— ANI (@ANI) August 22, 2021

વતનની માટી પર પગ રાખીને જ અમે રાહતનો દમ લીધો

કાબૂલથી આવી રહેલા એક યુવકે કહ્યું હતું કે તેઓ સ્ટીલના એક પ્લાન્ટમાં કામ કરતાં હતા. વતનની માટી પર પગ રાખીને જ અમે રાહતનો દમ લીધો હતો. હવે કદી અમે ફરી અફઘાનિસ્તાન જવા નથી માંગતા. એક અફઘાન મહિલાએ જણાવ્યું હતું કે તેઓનાં ઘર તાલિબાનોએ સળગાવી દીધા છે અને તેઓ કોઈ પણ રીતે ભારત આવવા માંગતા હતા અને હવે જ્યારે તેઓ ભારત આવી ચૂક્યા છે ત્યારે તેમણે ઘણી રાહત અનુભવાય છે. 

રડી પડ્યા સાંસદ 

અફઘાનિસ્તાનથી પરત ભારત આવેલા  નરેન્દ્ર સિંહ ખાલસા પણ વાતચીત દરમિયાન રડી પડ્યા હતા. તેમણે જણાવ્યું હતું કે છેલ્લા 20 વર્ષમાં જે ઊભું કર્યું હતું તે ખતમ થઈ ગયું. બધુ શૂન્ય થઈ ગયું હતું.