તમારા કામનું / ઓફિસમાં રોજ કરજો આ નાના-નાના કામ, ડાયાબિટીસ અને વજન રહેશે તમારા કંટ્રોલમાં, રિસર્ચમાં મળ્યું જોરદાર રિઝલ્ટ

• વર્કપ્લેસ પર બેઠાડુ જીવનને લીધે આવે છે બીમારીઓ
• ડાયાબિટીઝ, બ્લડ પ્રેશન, ઓવર વેઈટ વગેરે શારીરિક સમસ્યાઓ
• હેલ્ધી વર્કપ્લેસ હેબિટ રાખવાથી રહી શકે છે શરીર સ્વસ્થ

લાંબા સમય સુધી એક જ જગ્યાએ બેસી રહેવાથી શરીરમાં બીમારીઓ જન્મ લેવા માંડે છે. તેથી એ જરૂરી છે કે શરીર મૂવ કરતું રહે. પરંતુ આજકાલ મોટાભાગનાં લોકોનું જીવન બેઠાડુ બન્યું છે કારણકે વર્કપ્લેસ પર કામ કરતાં સમયે હરવું-ફરવું શક્ય નથી બનતું હોતું. પરંતુ એક રિસર્ચમાં દાવો કરવામાં આવ્યો છે કે વર્કપ્લેસ પર નાનાં-નાનાં બ્રેક લઈને હેલ્ધી આદતો નાખવાથી શરીરમાં બીમારીઓ આવતી નથી અને સ્વસ્થતા જળવાઈ રહે છે.

પબ્લિક હેલ્થ ફાઉંડેશન ઑફ ઈન્ડિયા, મદ્રાસ ડાયાબિટીઝ રિસર્ચ ફાઉંડેશન, એમોરી અને હાર્વર્ડ યૂનિવર્સિટીએ સંયુક્તરૂપે એક સર્વે બાદ પોતાનું રિપોર્ટ ઈન્ડિયા વર્ક્સમાં રિલીઝ કરતાં જણાવ્યું કે હેલ્ધી વર્કપ્લેસ હેબિટ્સ, કર્મચારીઓને આ બીમારીઓ સામે લડવામાં મદદ કરે છે. તેમણે જાણ્યું કે નાનાં-નાનાં બ્રેકની આદતો અને પોર્શન કંટ્રોલે અનેક કર્મચારીઓને ટાઈપ 2 ડાયાબિટીઝનાં સ્તરને સામાન્ય કરવા, વજન ઓછું કરવા અને બ્લડ પ્રેશર કાબૂ કરવામાં મદદ કરી.

આ આદતોથી સ્વસ્થ રહેશે શરીર

• એક સપ્તાહમાં બ્રિસ્ક એટલે કે ફાસ્ટ વૉકને 150 મિનીટ સુધી વધારવું. એટલે કે એક દિવસમાં આશરે 22 મિનીટ જેટલું સ્પીડ વૉક કરવાથી ઓવરઓલ વજન 7% જેટલું ઘટાડી શકાય છે.
• ઓફિસમાં કામની વચ્ચે શારીરિક રૂપે જેટલા વધુ સક્રિય રહી શકાય તેટલું રહેવું જોઈએ.
• કેન્ટિનનાં ફુડની જગ્યાએ હેલ્ધી ફ્રુટ કે અન્ય હેલ્ધી ફુડનાં સેવનથી બિનજરૂરી સમસ્યાઓને ટાળી શકાય છે.

રિસર્ચનાં સવાલો
આ રિપોર્ટમાં - ઑફિસ કેન્ટિનમાં ખાવાનાં પોર્શનમાં ફેરફાર કરવાથી બ્લડ શુગરને મેનેજ કરવામાં મદદ મળે છે કે કેમ? અને શઉં હેલ્ધી વર્કિંગ હેબિટ્સ આપણાં સ્વાસ્થ્યને સારું કરવામાં મદદ કરે છે કે કેમ? વગેરે પ્રશ્નોનો જવાબ શોધવામાં આવ્યો છે.

રિસર્ચમાં મળ્યાં ચોંકાવનારાં પરિણામો
INDIA WORKSમાં કહેવામાં આવ્યું કે 18 મહિનાની રિસર્ચમાં સામે આવ્યું છે કે આ આદતોનાં કારણે ઓછામાં ઓછા 25% લોકોનું HBA1C સામાન્ય થઈ ગયું અને તેમણે એ આંકડો લગભગ 2 વર્ષો સુધી મેઈનટેઈન પણ કર્યો. આ રિપોર્ટ એટલા માટે પણ મહત્વપૂર્ણ છે કારણકે તે જીવનશૈલીમાં સુધારો કરવાની એક સારી રીત રજૂ કરે છે. તે જણાવે છે કે કોર્પોરેટ વર્ક કલ્ચરમાં પોતાની રોજિંદી વર્કિંગ હેબિટ્સમાં થોડાઘણાં સુધારા કરીને પણ કર્મચારીઓ સ્વાસ્થ્યને સારું રાખી શકે છે.

ડોક્ટર વી મોહને આપી રિસર્ચ અંગેની માહિતી
મદ્રાસ ડાયાબિટીઝ રિસર્ચ ફાઉંડેશનનાં પ્રેસિડેંટ અને ચેરમેન ડોક્ટર વી મોહને જણાવ્યું કે આ કોર્પોરેટ જગતમાં સૌથી લાંબા સમય સુધી કરવામાં આવેલા સર્વે રિપોર્ટમાંનું એક છે. આ વર્કપ્લેસ પર હેલ્ધી આદતો અને વાતાવરણને પ્રોત્સાહન આપતું શાનદાર ઉદાહરણ છે કે કેવી રીતે કર્મચારીઓ કાર્યસ્થળ પર પોતાની લાઈફસ્ટાઈમાં નાના-મોટા સુધારા કરીને અનેક બીમારીઓથી પોતાને બચાવી શકે છે.