- T20 વર્લ્ડ કપમાં કોણ કરશે ટીમ ઈન્ડિયાની કેપ્ટન્સી?
- જાણો હાર્દિક પંડ્યા અને રોહિત શર્મામાં કોનું પલડું ભારે
- ક્રિકેટ ફેંસ માટે સૌથી મોટો સવાલ
ICC પુરૂષ ટી20 વર્લ્ડ કપ 2024માં હવે વધારે દિવસ બાકી નથી રહ્યા. બધી ટીમોએ હવે તૈયારીઓ શરૂ કરી દીધી છે. ભારતીય ટીમની નજર પણ આ ટ્રોફી પર છે. આ પહેલા એક મોટો સવાલ લોકોના મગજમાં છે. આગામી ટૂર્નામેન્ટમાં ટીમ ઈન્ડિયાની આગેવાની કોણ કરશે? જો તમારો પણ આ સવાલ છે તો તેનો જવાબ અહીં છે.
ઝહીર ખાને રોહિત શર્માનું કર્યું સમર્થન
દેશના દિગ્ગજ ક્રિકેટરોએ આ સવાલનો જવાબ આપ્યો છે. પૂર્વ ક્રિકેટર જહીર ખાને એક ઈન્ટરવ્યૂમાં જણા્યું કે, "ટી20 વર્લ્ડ કપમાં જ્યારે વધારે દિવસ નથી રહ્યા. મને લાગે છે કે ટીમને અનુભવની સાથે આગળ વધવું જોઈએ. સિલેક્ટર્સને અનુભવી ખેલાડીઓની પસંદગી કરવી જોઈએ. "
તેમણે આગળ જણાવ્યું, "મને બિલકુલ આશ્ચર્ય નહીં થાય જો રોહિત શર્મા ટી20 વર્લ્ડ કપ 2024માં ભારતીય ટીમની આગેવાની કરે. તે લાંબા સમયથી કેપ્ટન છે અને ખેલાડીઓને સારી રીતે સમજે છે. મેચ વખતે ખરાબ પરિસ્થિતિઓ અને પ્રેશરને તે સારી રીતે સંભાળી શકે છે. બાકી ખેલાડીઓને તમે ભવિષ્ય માટે તૈયાર કરી શકો છો. મારા હિસાબથી તેમને જ ટી20 વર્લ્ડ કપ 2024માં ભારતીય ટીમની કેપ્ટન્સી કરવી જોઈએ."
પાર્થિવ પટેલે શું કહ્યું?
ભારતીય ટીમના પૂર્વ ક્રિકેટર પાર્થિવ પટેલે પણ આ મુદ્દા પર પોતાનો વિચાર મુક્યો છે. તેમણે પણ મોટી ટૂર્નામેન્ટ માટે અનુભવ પર ભાર આપ્યો છે. પૂર્વ વિકેટકીપરે બેટિંગ પર વાત કરતા કહ્યું, "બિલકુલ રોહિત શર્માને ટી20 વર્લ્ડ કપ 2024 માટે કેપ્ટન્સી કરવી જોઈએ. બધાએ માની લીધુ છે કે વર્લ્ડ કપની સમાપ્તિ બાદ હાર્દિક પંડ્યા ભારતના નેક્સ્ટ ટી20 કેપ્ટન રહેશે. પરંતુ તેમની ઈજાને જોતા તમે અંદાજો નહીં લગાવી શકો કે ફરી વખત તે મેદાનમાં ક્યારે વાપસી કરશે."
