દુર્ઘટના / સુરેન્દ્રનગર: મૂળી-સરલા રોડ પર ડમ્પરની પાછળ કાર ઘૂસી જતા જોરદાર અકસ્માત, 3નાં કરૂણ મોત

• સુરેન્દ્રનગરમાં મુળી-સરલા રોડ પરના અકસ્માતમાં 3 ના મોત
• ડમ્પર પાછળ કાર ઘૂસી જતા બની ઘટના 
• ડમ્પરમાં રિફ્લેક્ટર લાઈટ ન હોવાથી અકસ્માત થયાનું તારણ

સુરેન્દ્રનગરમાં કાર અને ડમ્પર વચ્ચે અકસ્માત સર્જાયો હતો. મુળી-સરલા રોડ પર સર્જાયેલા ગંભીર અકસ્માતમાં 3 લોકોના મોત નિપજ્યા હતા. રેતી ભરેલા ડમ્પર પાછળ કાર ઘૂસી જતા ઘટના બની હતી.  ત્યારે ત્રણેય મૃતદેહને પીએમ અર્થે હોસ્પિટલ ખસેડાયા હતા. 

એક વ્યક્તિને ગંભીર ઈજા પહોંચતા સારવાર અર્થે ખસેડાયો
સુરેન્દ્રનગરમાં ડમ્પર પાછળ કાર ઘૂસી જતા ત્રણ લોકોએ પોતાનો જીવ ગુમાવ્યો હતો. ડમ્પરની પાછળ કાર ઘુસી જતા કારનો કચ્ચરઘાણ વળી જવા પામ્યો હતો. આ અકસ્માતમાં ત્રણ લોકોનાં મોત થયા હતા. જ્યારે એક વ્યક્તિને ગંભીર ઈજા પહોંચી હતી. જેને વધુ સારવાર અર્થે રાજકોટ ખસેડવામાં આવ્યો હતો. જ્યારે પાંચ વર્ષનાં બાળકનો આબાદ બચાવ થયો હતો. 

વધુ વાંચોઃ ગુજરાતીઓને ગેરકાયદે વિદેશ લઈ જવા મામલે પોલીસની મોટી જાહેરાત, બાતમી આપનારને અપાશે આટલાં હજારનું ઇનામ

ડમ્પરમાં રિફ્લેક્ટર લાઈટ ન હોવાથી અકસ્માત થયાનું તારણ
મૂળી-સરલા રોડ પર ડમ્પર અને કાર વચ્ચે સર્જાયેલા અકસ્માતમાં ડમ્પર પાછળ રિફલેક્ટર લાઈટ નહી હોવાથી પાછળ આવતી કાર ઘૂસી ગઈ હતી. ત્યારે ત્રણેય મૃતકો મોરબી જીલ્લાનાં વાંકાનેર તાલુકાના લાકડદાના રહેવાસી હતી. ડમ્પરમાં રિફલેક્ટર લાઈટ નહી હોવાથી અવાર નવાર અકસ્માત સર્જાય છે. જેમાં નિર્દોષ લોકોએ પોતાનો જીવ ગુમાવવો પડે છે.