BIG NEWS / દિવાળી પહેલા 'ધમાકા': ભારતે સમુદ્રશક્તિ બતાવી, સબમરીન INS Arihant થી બેલેસ્ટિક મિસાઇલનું પરીક્ષણ

• ભારતની સમુદ્ર શક્તિ વધી 
• સબમરીન INS અરિહંત પરથી મિસાઇલનું પરીક્ષણ 
• રક્ષા મંત્રાલયે આપી જાણકારી 

સૌથી મોટા સમાચાર 
ભારતની પરમાણુ ક્ષમતાથી લેસ સબમરીન INS અરિહંત પરથી શુક્રવારે બેલેસ્ટિક મિસાઇલ લોન્ચ કરવામાં આવી છે અને જેનું પરીક્ષણ સફળ રહ્યું. મિસાઇલનું પરીક્ષણ બંગાળની ખાડીથી નક્કી કરેલ સીમા સુધી કરવામાં આવ્યું છે. ભારત સરકારના રક્ષા મંત્રાલય દ્વારા આ મુદ્દે આધિકારિક નિવેદન પણ આપવામાં આવ્યું છે જે અનુસાર મિસાઇલ તમામ પેરામીટર સર કરીને સટીક પહોંચી હતી. 

Submarine Launched Ballistic Missile by nuclear submarine INS Arihant successful. The missile was today tested to a predetermined range & it impacted the target area in the Bay of Bengal with high accuracy, validating all operational and technological parameters: Defence Ministry pic.twitter.com/rleg4Q4ehJ

— ANI (@ANI) October 14, 2022

અરિહંત છે ભારતની મોટી તાકાત 
નોંધનીય છે કે INS અરિહંત ભારત માટે સમુદ્રમાં એક મહત્વપૂર્ણ પરમાણુ સબમરીન છે જેને વર્ષ 2009માં ભારતના તત્કાલીન પ્રધાનમંત્રી મનમોહન સિંહે લોન્ચ કરી હતી અને 2016માં પ્રધાનમંત્રી મોદીએ તેને નૌસેનામાં સામેલ કરાવી હતી. અરિહંતના સામેલ થવાની સાથે જ ભારત પાસે જમીન, નભ બાદ જળમાં પણ પરમાણુ શક્તિ મળી હતી. ભારત ત્રણેય જગ્યાએથી પરમાણુ છોડી શકે છે. 

તમને જાણીને આશ્ચર્ય થશે કે INS અરિહંત પાસે એટલી તાકાત છે કે તે સમુદ્રના કોઈ પણ ખૂણામાંથી દુશ્મન દેશના કોઈ પણ શહેર પર હુમલો કરી શકે છે. ત્યાંથી બેઠા બેઠા સમુદ્ર, જમીન અથવા હવામાં પણ હુમલો કરી શકાય છે અને દુશ્મન દેશને ધૂળ ચટાડી શકાય છે. 

દુશ્મન દેશોને મળશે ટક્કર 
આ સિવાય ભારતના સૌથી મોટા દુશ્મન દેશ પાકિસ્તાન પાસે પરમાણુ હથિયારો વધી રહ્યા છે અને ચીને પણ ન્યૂક્લિયર વેપન્સ તૈનાત કરવાની પોલિસી અપનાવી છે. હિન્દ મહાસાગરમાં ચીનના વધતાં વર્ચસ્વ સામે ભારતની સુરક્ષાને લઈને પરમાણુ હથિયાર ખૂબ જ જરૂરી છે.