નવસારી / ગણદેવીના રહેજ ગામે વિચિત્ર અકસ્માત , બે બાઇક ચાલકે પગપાળા જતા 11થી વધુ ભક્તોને લીધા અડફટે, જુઓ શું બન્યું?

Vishal Khamar

Last Updated: 11:29 PM, 14 November 2023

FOLLOW ON

શેર કરો

નવા વર્ષની શરૂઆતમાં જ રાજ્યમાં નાની મોટી અકસ્માતની ઘટનાઓ સામે આવી છે. જેમાં શિરડી સાંઈબાબાનાં દર્શનાર્થે જતા ભક્તોને નડ્યો અકસ્માત તો અમદાવાદમાં કાર ચાલકે કિશોરને ટક્કર મારતા કિશોરને સારવાર અર્થે હોસ્પિટલ ખસેડાયો હતો.

નવસારીનાં ગણદેવીનાં રહેજ ગામે સર્જાયો વિચિત્ર અકસ્માત
શિરડી સાંઈબાબાનાં દર્શનાર્થે જતા 11થી વધુ ભક્તિને ઇજા
અમદાવાદમાં કાર ચાલકે કિશોરને ટક્કર મારતા કિશોર ઘાયલ

નવસારીનાં ગણદેવીનાં રહેજ ગામ પાસે વિચિત્ર અકસ્માત સર્જાયો હતો. જેમાં શિરડી સાંઈબાબા દર્શનાર્થે જતા ભક્તોને બે બાઈક ચાલકોએ અડફેટે લીધા હતા. પગપાળા જતા 11 થી વધુ ભક્તોને ઈજાઓ થવા પામી હતી. શિરડી પગપાળા જતા પહેલા ગામમાં પાલખીયાત્રા નીકળી હતી. ઈજાગ્રસ્તોને તાત્કાલીક બીલીમોરા અને નવસારીની ખાનગી હોસ્પિટલમાં સારવાર હેઠળ ખસેડાયો હતો. અકસ્માત કરનારા બાઈક ચાલકોની હાલત ગંભીર છે. અકસ્માતની ઘટનાને લઈ ગણદેવી પોલીસે તપાસ શરૂ કરી છે.

કિશોરને ટક્કર માર્યા બાદ કાર ખાડામાં ખાબકી
અમદાવાદનાં રામોલમાં બેફામ કાર ચાલકે એક કિશોરને અડફેટે લીધો હતો. ન્યૂ આરટીઓ માર્ગ પર જતી કારે કિશોરને ટક્કર મારી હતી. આકૃતિ એપાર્ટમેન્ટમાં રહેતા કિશોરને ટક્કર માર્યા બાદ કાર ખાડામાં ખાબકી હતી. કાર ચાલકને સ્થાનિકોએ ઝડપી લીધો હતો. તેમજ ઈજાગ્રસ્ત કિશોરને હોસ્પિટલમાં સારવાર માટે લઈ જવાયો હતો.

સંકળાયેલા મુદ્દાઓ

Ganadevi Rahej ahmedabad car driver અમદાવાદ કાર ચાલક ગણદેવી ઘાયલ બાઈક ચાલક Accident