4 માર્ચથી એટલે કે આજથી શરૂ થતું અઠવાડિયું IPOના સંદર્ભમાં ખૂબ જ વ્યસ્ત રહેવાનું છે. આ અઠવાડિયામાં 8 નવા IPO ખુલવા જઈ રહ્યા છે. આ ઉપરાંત, પહેલાથી જ બે IPO ખુલ્લા છે જેમાં નાણાં રોકાણ કરવાની તક 4 માર્ચ સુધી રહેશે.
એવામાં અઠવાડિયાના પહેલા દિવસે એટલે કે સોમવારે 2 કંપનીઓ પ્રાઇમરી માર્કેટમાં તેમનું નસીબ અજમાવવા જઈ રહી છે. આજે RK સ્વામી અને VR Infraspace નો IPO સબસ્ક્રિપ્શન માટે ખુલી રહ્યો છે. તે જ સમયે, ઓવેસ મેટલ અને મિનરલ પ્રોસેસિંગના શેર સ્ટોક એક્સચેન્જમાં લિસ્ટેડ થશે. આ શેર્સ ગ્રે માર્કેટમાં સારા પ્રીમિયમ સાથે ટ્રેડ થતા જોવા મળે છે. ઓવેસ મેટલ અને મિનરલના શેર્સ ગ્રે માર્કેટમાં 164 ટકાના બમ્પર પ્રીમિયમ પર ટ્રેડ થઈ રહ્યા છે.
RK સ્વામી IPO
મેઇનબોર્ડ ઇશ્યૂ આરકે સ્વામી IPO આજે, 4 માર્ચ, 2024 થી સબ્સ્ક્રિપ્શન માટે ખુલે છે. આ IPO 6 માર્ચ 2024 સુધી સબસ્ક્રાઇબ કરી શકાય છે. આ કંપની આ સેક્ટરમાં લગભગ 50 વર્ષથી કામ કરી રહી છે. IPOમાં પ્રાઇસ બેન્ડ રૂ. 270-288 પ્રતિ શેર છે. કંપનીના શેર ગ્રે માર્કેટમાં રૂ. 288ની ઇશ્યૂ કિંમતની સરખામણીમાં રૂ. 90ના પ્રીમિયમ પર ટ્રેડ થતા જોવા મળે છે. આ રીતે, આ શેર 31.25 ટકાના પ્રીમિયમ પર સ્ટોક એક્સચેન્જમાં લિસ્ટ થઈ શકે છે.
VR Infraspace IPO
VR ઇન્ફ્રાસ્પેસ આ એક SME IPO છે. આ IPO આજે 4 માર્ચ, 2024ના રોજ સબસ્ક્રિપ્શન માટે ખુલશે. આ IPO 6 માર્ચ 2024 સુધી સબસ્ક્રાઇબ કરી શકાય છે. IPOમાં લઘુત્તમ લોટ સાઈઝ 1600 શેર છે. રિટેલ રોકાણકારોએ IPOમાં ઓછામાં ઓછા 1,36,000 રૂપિયાનું રોકાણ કરવું પડશે. આ રિયલ એસ્ટેટ સેક્ટરની કંપની છે. કંપનીના શેર ગ્રે માર્કેટમાં રૂ. 85ની ઇશ્યૂ કિંમતની સરખામણીમાં રૂ. 15ના પ્રીમિયમ પર ટ્રેડ થતા જોવા મળે છે. આ રીતે આ શેર 17.65 ટકાના પ્રીમિયમ પર લિસ્ટ થઈ શકે છે.
વધુ વાંચો: પગરખાં બનાવતી આ બ્રાન્ડેડ કંપનીએ કરાવી છપ્પરફાડ કમાણી, 1200 ટકાનું આપ્યું રિર્ટન
આ સિવાય 6 માર્ચના રોજ ગોપાલ સ્નેક્સ આઈપીઓ ખુલશે અને 11 માર્ચે બંધ થશે. કંપનીએ પ્રતિ શેર 381-401 રૂપિયાની પ્રાઇસ બેન્ડ રાખી છે. લઘુત્તમ લોટ સાઈઝ 37 શેર નક્કી કરવામાં આવી છે. BSE અને NSE પર 14 માર્ચે શેરનું લિસ્ટિંગ થઈ શકે છે. ઉપરાંત 6 માર્ચના રોજ શ્રી કરણી ફેબકોમ IPO અને કૌરા ફાઇન ડાયમંડ જ્વેલરી IPO પણ ખુલશે. જેજી કેમિકલ્સનો આઈપીઓ 5 માર્ચ ખુલશે તો પુણે ઇ-સ્ટોક બ્રોકિંગ IPO 7 માર્ચના ખૂલવા જઈ રહ્યો છે.
એમ.વી.કે. એગ્રો ફૂડ IPO અને મુક્કા પ્રોટીનનો IPO હાલ ખુલ્લા છે અને આજના દિવસ સુધીમાં તમે તેમાં રોકાણ કરી શકો છો.
