નિવેદન / કર્ણાટકમા ભાજપને હાર મળ્યા બાદ પ્રવકતા બોલ્યા, હારનું ઠીકરું EVM પર ફોડશું નહીં 2024માં દેશમાં પ્રચંડ જીત મેળવીશું

• કર્ણાટકના પરિણામ અંગે હિતેન્દ્ર પટેલનું નિવેદન
• "અમે હારનો સ્વીકાર કરીએ છીએ"
• "હાર માટે EVMને જવાબદાર નહીં ઠેરવીએ"

કર્ણાટક વિધાનસભા ચૂંટણીના વલણોમાં કોંગ્રેસને સ્પષ્ટ બહુમતી મળી છે, ત્યારે ગુજરાત ભાજપના સહ પ્રવક્તા હિતેન્દ્ર પટેલ અને કોંગ્રેસ નેતા અમિત ચાવડાએ વલણ અંગે પોતાનું નિવેદન આપ્યું છે. હિતેન્દ્ર પટેલે કહ્યું કે, ચૂંટણીમાં જનતાનો જનાદેશ સર્વોપરી છે. અમે જનતાના જનાદેશનો સ્વીકાર કરીએ છીએ. પાર્ટીની હાર-જીત સતત ચાલતી પ્રક્રિયા છે. અમે હાર અંગ મંથન કરીશું અને 2024માં દેશમાં પ્રચંડ જીત મેળવીશું, પરંતુ હારનું ઠીકરું EVM પર ફોડશું નહીં, જ્યારે કોંગ્રેસ નેતા અમિત ચાવડાએ કહ્યું કે, અસત્ય પર સત્યનો વિજય થયો છે. અધર્મ સામે ધર્મનો વિજય થયો છે. ભાજપે કર્ણાટકમાં સરકાર બનાવવા ભગવાનનો ખૂબ ઉપયોગ કર્યો, ત્યારે બજરંગ બલીના આશીર્વાદ કોંગ્રેસને મળ્યા છે.

ભાજપના સહ પ્રવકતા હિતેન્દ્ર પટેલનું નિવેદન 
કર્ણાટક ચૂંટણી પરિણામ મુદ્દે ભાજપના સહ પ્રવકતા હિતેન્દ્ર પટેલનું નિવેદન સામે આવ્યું છે તેમણે કહ્યું કે, ચૂંટણીમાં જનતા જનાર્ધન સર્વોપરી છે તેમજ કર્ણાટકની જનતાના જન આદેશને માથે ચડાવીએ છીએ. ભાજપ સતત કામ કરતી પાર્ટી છે તેમજ કર્ણાટકમાં અમે ડબલ એન્જિનથી કામ કર્યું છે પરંતુ જનતાને તેમની કાર્ય પદ્ધતિથી સમજાવવા ક્યાં કચાશ રહી ગઈ છે તો તે બાબતે જનતા પાસે જઈ ફરી જનતાનો વિશ્વાસ પુન:પાપ્ત કરવાનો પ્રયાસ કરીશું. તેમણે કહ્યું કે, હાર-જીતએ ભાજપ માટે સતત ચાલતી પ્રક્રિયા છે. 2થી282 સુધીની સફરમાં ભાજપ ક્યારે ડગી નથી. તેમણે ઉમેર્યું કે, પંચાયતથી લઈ પાર્લામેન્ટ સુધી ભાજના કાર્યકરોએ પરિશ્રમની પરાકાષ્ઠા કરી સેવા કરી રહ્યાં છે.

અમિત ચાવડાનું નિવેદન
અમિત ચાવડા જણાવ્યું કે, અસત્ય સામે સત્યનો વિજય થવા જઈ રહ્યો છે તેમજ અધર્મ સામે ધર્મનો વિજય થવા જઈ રહ્યો છે. તેમણે ઉમેર્યું કે, ચૂંટણીમાં ભગવાનનો ખૂબ ઉપયોગ કર્યો પરંતુ બજરંગબલીના આશીર્વાદ કોંગ્રેસને મળ્યા છે. તેમણે પ્રહાર કરતા કહ્યું કે, કર્ણાટકની પ્રજાએ 40 ટકા કમિશનવાળી પાર્ટીને જાકારો આપ્યો છે તેમણે કહ્યું કે, આ કર્ણાટકથી શરૂઆત થઈ છે આવનાર સમયમાં પ્રજા જૂઠની, ભાગલાવાદી રાજનીતિને જાકારો આપશે.