ઘોર કળિયુગ! / લો બોલો! યજમાનની જ પત્નીને લઇ કથાકાર ધીરેન્દ્ર આચાર્યનો શિષ્ય રફુચક્કર, મહિલાનો પતિ સાથે રહેવા ઇનકાર

• મધ્યપ્રદેશના છતરપુરમાં યજમાનને રામ કથા કરાવવી મોંઘી
• કથાકારના શિષ્યએ યજમાનની પત્નીનું અપહરણ કર્યું 
• ધીરેન્દ્ર આચાર્યના શિષ્ય નરોત્તમ દાસ દુબે સામે ફરિયાદ 

મધ્યપ્રદેશના છતરપુરમાં યજમાનને રામ કથા કરાવવી મોંઘી પડી છે. વાત જાણે એમ છે કે, રામકથા કરવા આવેલ કથાકારના શિષ્યએ યજમાનની પત્નીનું અપહરણ કર્યું હતું. જેને લઈ પીડિતાના પતિએ આ અંગે કોતવાલી પોલીસ સ્ટેશનમાં ફરિયાદ નોંધાવી હતી. આ અંગે પોલીસે ગુમ થયાનો ગુનો નોંધ્યો હતો. એક મહિના બાદ ફરિયાદીની પત્ની મળી આવતા પોલીસે તેણીનું નિવેદન લેવા પોલીસ સ્ટેશન બોલાવી હતી. પરંતુ મહિલાએ તેના પતિ સાથે રહેવાની ના પાડી અને ચિત્રકૂટ ધામના ધીરેન્દ્ર આચાર્યના શિષ્ય નરોત્તમ દાસ દુબે સાથે રહેવાની ઈચ્છા વ્યક્ત કરી.

શું છે સમગ્ર મામલો ? 
વાસ્તવમાં આ મામલો વર્ષ 2021થી શરૂ થયો હતો. જ્યારે મહિલાના પતિ રાહુલ તિવારીએ ગૌરીશંકર મંદિરમાં રામકથાનું આયોજન કર્યું હતું. ચિત્રકૂટના કથાકાર ધીરેન્દ્ર આચાર્યને કથા કરવા બોલાવવામાં આવ્યા હતા. આચાર્ય તેમના શિષ્ય નરોત્તમ દાસ દુબે સાથે રામકથા કરવા આવ્યા હતા.  

શું છે આરોપ ? 
પતિ રાહુલનો આરોપ છે કે, કથા દરમિયાન તેની પત્નીને નરોત્તમ દાસ દુબેએ તેના પ્રેમપ્રકરણમાં ફસાવી હતી અને ત્યારબાદ બંનેએ તેનો મોબાઈલ નંબર લઈને વાત કરવાનું શરૂ કર્યું હતું. 5 એપ્રિલે નરોત્તમે તેની પત્નીનું અપહરણ કર્યું હતું. આ મામલામાં જિલ્લાના એસપી અમિત સાંઘીનું કહેવું છે કે, વિવાદને કારણે મહિલા તેના પતિ સાથે રહેવા માંગતી ન હતી, તેથી કોઈ કેસ બહાર આવતો નથી. હજુ પણ પોલીસ તપાસ કરી રહી છે.