આક્ષેપ / 'SP વાત નથી સાંભળી રહ્યા', માતરના ભાજપના ધારાસભ્યના સમર્થનમાં આવ્યા કોંગ્રેસના ધારાસભ્યો

• ભાજપના ધારાસભ્યના સમર્થનમાં કોંગી સદસ્યો 
• ધારાસભ્ય કેસરી સિંહ સોલંકીને અપાયું સમર્થન 
• ખેડા જિલ્લા ઇન્ચાર્જ SP સામે કરાયા આક્ષેપ 

બુધવારે માતરના ધારાસભ્ય કેસરીસિંહ સોલંકીએ કેટલાક પ્રશ્નને લઈને રાજીનામાની ચીમકી આપી રાજ્યના ગૃહમંત્રીને મળવા સુધીની વાત કહી હતી. લીંબાસી પોલીસ મથકના કોન્સ્ટેબલ ને ખેડા જીલ્લાના પોલીસ અધિક્ષક ધારાસભ્યની વાત સાંભળતા કે પ્રશ્નોનું નિરાકરણ નહિ કરતા હોવાનો આક્ષેપ  લગાવ્યો હતો તેમના સમર્થનમાં આ પંથકના કોન્ગ્રેસના ધારાસભ્યો પણ ઉતરી આવ્યા છે. MLA ઇન્દ્રજીતસિંહ પરમાર અને MLA કાંતિ પરમારે, ખેડા જિલ્લા ઇન્ચાર્જ SP હપ્તા ઉઘરાવતા હોવાનો આક્ષેપ કરતા કહ્યું કે, વહીવટથી દારૂ-જુગાર સહિતનો વેપલો પણ ચાલી રહ્યો છે. ધારાસભ્યોની વાત SP સાંભળી ન રહ્યાં હોવાનો આક્ષેપ પણ કર્યો છે. 

શું કહ્યું હતું કેસરી સિંહે 

ગુજરાતમાં હમણાં-હમણાં પોતાની પાર્ટીથી નારાજગી દર્શાવી સીધી રાજીનામું આપવાની કે એ મતલબની ચીમકી ઉચ્ચારવાની જાણે ફેશન થઇ ગઈ છે. કોંગ્રેસ હોય કે ભાજપા ,ધાર્યું નાં થાય તો કહે આપી દુ રાજીનામું/ કે આપી દીધું રાજીનામું. આ જ શૃંખલામાં માતરના ધારાસભ્ય કેસરી સિંહ જોડાયા છે. ભાજપી ધારાસભ્ય કેસરી સિંહએ 4 શખસો વિરુદ્ધ  લીંબાસી પોલીસમાં ફરિયાદ નોંધાવી હતી. હવે કેસરી સિંહનો આરોપ છે કે, પોલીસે યોગ્ય કાર્યવાહી નથી કરી. આ મામલામાં પોલીસે માત્ર એક વ્યક્તિની અટકાયત કરતા કેસરી સિંહ ધૂઆ-પૂવા થઇ ગયા. ધારાસભ્ય એ ગર્જના કરતા કહ્યું કે, હું આવતીકાલે રાજીનામું આપીશ. સાથોસાથ ગૃહ મંત્રીને મળીને સમગ્ર મામલે રજૂઆત કરીશ.