મિશન 2024 / મોટા સમાચાર: દેશના આ રાજ્યમાં 11 બેઠકોને લઇ સપા-કોંગ્રેસ વચ્ચે થયું ગઠબંધન, ટ્વિટ કરીને અપાઇ જાણકારી

• લોકસભા ચૂંટણી પહેલા ઉત્તરપ્રદેશથી મોટા સમાચાર
• ઉત્તર પ્રદેશમાં INDIA ગઠબંધનમાં સીટની વહેંચણી પર સમજૂતી 
• સમાજવાદી પાર્ટી અને કોંગ્રેસ વચ્ચે સીટો માટે ડીલ ફાઈનલ 
• કોંગ્રેસ યુપીમાં 11 સીટો પર ચૂંટણી લડશે

Akhilesh Yadav News : લોકસભા ચૂંટણી પહેલા ઉત્તરપ્રદેશથી એક મોટા સમાચાર સામે આવ્યા છે. વાત જાણે એમ છે કે, ઉત્તર પ્રદેશમાં INDIA ગઠબંધનમાં સીટની વહેંચણી પર સમજૂતી થઈ છે. સમાજવાદી પાર્ટી અને કોંગ્રેસ વચ્ચે સીટો માટે ડીલ ફાઈનલ થઈ ગઈ છે. કોંગ્રેસ યુપીમાં 11 સીટો પર ચૂંટણી લડશે. 

સમાજવાદી પાર્ટીના રાષ્ટ્રીય અધ્યક્ષ અખિલેશ યાદવે સોશિયલ મીડિયા એક્સ પર પોસ્ટ કરીને આ જાણકારી આપી છે. શનિવારે પોસ્ટ કરતી વખતે અખિલેશ યાદવે લખ્યું- કોંગ્રેસ સાથે અમારું સૌહાર્દપૂર્ણ ગઠબંધન 11 મજબૂત બેઠકો સાથે સારી શરૂઆત કરી રહ્યું છે. આ વલણ વિજેતા સમીકરણ સાથે આગળ ચાલુ રહેશે. ‘INDIA’ની ટીમ અને ‘PDA’ની રણનીતિ ઈતિહાસ બદલી નાખશે.

कांग्रेस के साथ 11 मज़बूत सीटों से हमारे सौहार्दपूर्ण गठबंधन की अच्छी शुरुआत हो रही है… ये सिलसिला जीत के समीकरण के साथ और भी आगे बढ़ेगा।

‘इंडिया’ की टीम और ‘पीडीए’ की रणनीति इतिहास बदल देगी।

— Akhilesh Yadav (@yadavakhilesh) January 27, 2024

છેલ્લી ત્રણ ચૂંટણીમાં કોંગ્રેસનું પ્રદર્શન

• 2009- કોંગ્રેસે 69 બેઠકો પર ચૂંટણી લડી અને 21 જીતી. આ ચૂંટણીમાં સપાએ 75 બેઠકો પર ચૂંટણી લડી હતી અને 23 બેઠકો પર અને બસપાએ 69 બેઠકો પર જીત મેળવી હતી અને 20 બેઠકો જીતી હતી.
• 2014- કોંગ્રેસ 67 સીટો પર લડ્યા બાદ માત્ર બે સીટો જીતી શકી. સપાએ 75માંથી પાંચ બેઠકો પર ચૂંટણી લડી હતી અને બસપાએ 80 બેઠકો પર ચૂંટણી લડી હતી અને એક પણ બેઠક જીતી શકી નહોતી.
• 2019- SP-BSPનું ગઠબંધન હતું. કોંગ્રેસે 67 બેઠકો પર ચૂંટણી લડી અને માત્ર રાયબરેલી જીતી શકી. એસપીએ 37 પર ચૂંટણી લડી હતી અને પાંચમાં જીત મેળવી હતી, જ્યારે બીએસપીએ 38 પર ચૂંટણી લડી હતી અને 10 જીતી હતી.

વધુ વાંચો: 'એટલો સરળતાથી બળવો નહીં થવા દઇએ', બિહારમાં ચાલતી રાજકીય અટકળો વચ્ચે તેજસ્વી યાદવની પ્રતિક્રિયા

રામપુર અને આઝમગઢ હાર્યા બાદ સપા પાસે માત્ર ત્રણ જ સાંસદ છે.