- કેન્દ્રીય કેબિનેટ મંત્રી સ્મૃતિ ઈરાનીએ કર્યો મોટો ખુલાસો
- અભિનયની દુનિયામાં ઘણી વખત મુશ્કેલીનો સામનો કરવો પડ્યો: સ્મૃતિ ઈરાની
- પાન-મસાલા વાળા કરોડો રૂપિયા આપી રહ્યા હતા પણ મે ના પાડી: સ્મૃતિ ઈરાની
કેન્દ્રીય કેબિનેટ મંત્રી સ્મૃતિ ઈરાની તે એક સમયે ભારતીય ટેલિવિઝનના સૌથી મોટા નામોમાં નું એક હતું. તે પ્રખ્યાત શો "ક્યૂં કી સાસ ભી કભી બહુ થી" માં તુલસી વિરાણીની ભૂમિકા માટે પ્રખ્યાત હતા. સ્મૃતિ ઈરાની જ્યારે અભિનયની દુનિયામાં હતા ત્યારે તેમને ઘણી વખત અનેક મુશ્કેલીનો સામનો કરવો પડ્યો હતો. જેમાં તેમને પાન મસાલા જાહેરાતો ઓફર કરવામાં આવી હતી, પરંતુ તેમણે દરેક વખતે ઇનકાર કર્યો હતો.
સ્મૃતિ ઈરાનીએ શું કર્યો ખુલાસો ?
મહિલા અને બાળ વિકાસ અને લઘુમતી બાબતોના કેન્દ્રીય કેબિનેટ મંત્રીએ ખુલાસો કર્યો છે કે, તેમણે આવો નિર્ણય કેમ લીધો. રણવીર અલ્હાબાદિયાના પોડકાસ્ટ પર વાતચીત દરમિયાન સ્મૃતિ ઈરાનીએ કહ્યું, "મને યાદ છે કે જ્યારે મેં મારી સફર શરૂ કરી ત્યારે મારી પાસે બિલકુલ પૈસા નહોતા. હું નવી પરણેલી હતી અને મારા બેંક ખાતામાં 20-30 હજાર રૂપિયા હતા. ઘર ખરીદવા માટે બેંક પાસેથી પૈસા ઉછીના લીધા હતા. તે લગભગ રૂ. 25-27 લાખ હતા. તે જ સમયે પાન મસાલા જાહેરાત કરવા માટે ઓફર કરવામાં આવી હતી. પણ મેં તેને ઠુકરાવી દીધી હતી.
સ્મૃતિ ઈરાનીએ જણાવ્યું કે, પાન મસાલાની જાહેરાત માટે તેમને જે પૈસા ઓફર કરવામાં આવ્યા હતા તે તેમની બેંકમાંથી લીધેલી લોન કરતા 10 ગણા વધુ હતા. ઑફર નકારવાના નિર્ણય પર સ્મૃતિ ઈરાનીએ કહ્યું, મને ખબર હતી કે ત્યાં પરિવારો જોઈ રહ્યાં છે, યુવાનો જોઈ રહ્યાં છે, અને મને લાગ્યું કે શું તમે કલ્પના કરી શકો છો કે કોઈ તેમને એવું અહેસાસ કરાવે કે તમે પરિવારનો ભાગ છો અને તમે અચાનક પાન મસાલા વેચી રહ્યાં છો. તેથી મેં પ્રામાણિકપણે ના કહ્યું. મેં દારૂ કંપનીઓ દ્વારા વેચાતી પ્રોડક્ટ્સને પણ ના કહ્યું. કારણ કે મને ખબર હતી કે બાળકો જોઈ રહ્યા છે.
પોતાના બાળકો વિશે શું કહ્યું ?
આ દરમિયાન સ્મૃતિ ઈરાનીએ પોતાના બાળકો વિશે પણ વાત કરી. તેણીએ કહ્યું, હું તૂટેલા ઘરમાંથી આવી છું. આમાંથી મારી સૌથી મોટી શીખ એ છે કે, હું ઈચ્છું છું કે મારા બાળકોને ખબર પડે કે હું તેમની સુરક્ષા માટે મૃત્યુ સુધી લડીશ. મને લાગે છે કે, બાળકની શ્રેષ્ઠ લાગણી છે કે, તમારી પાસે માતા-પિતા હોય. તેમના માટે દુનિયા સામે લડી શકે છે.
આ સાથે તેમણે ઉમેર્યું કે, એક માતા તરીકે ભગવાને મને જે સૌથી મોટો આશીર્વાદ આપ્યો છે તેમાંનો એક એ છે કે, જો મારા બાળકો મારાથી દૂર જશે, તો મને કોઈ વાંધો નહીં આવે કારણ કે તેઓ ઘણું પસાર કરી ચૂક્યા છે. હું તેમના માટે લડી શકું છું. અને હું તેમને જવા પણ આપી શકું છું. હું મરતા સુધી બાળકોને પ્રેમ કરીશ અને 24 કલાક તેમના માથા પર બેસીશ નહીં. તેમને જગ્યા આપો અને હું મારી જાતને એટલી જગ્યા આપું છું.
