મનોરંજન / બિટકોઈન કૌભાંડમાં રાજ કુન્દ્રાની 98 કરોડની સંપત્તિ જપ્ત થયા બાદ શિલ્પા અને તેના પતિની ઈન્સ્ટા પોસ્ટ વાયરલ

દુનિયાની સૌથી મોટી ક્રિપ્ટોકરન્સી બિટકોઈનની પોંઝી સ્કિમના ઘોટાળામાં શિલ્પા શેટ્ટીના પતિ રાજ કુન્દ્રાનો જુહૂમાં આવેલો ફ્લેટ સહિત 98 કરોડની સંપત્તિ EDએ ગતરોજ કબ્જે કરી છે.   મની લોન્ડ્રિંગ એક્ટ 2002ની જોગવાઈઓ મુજબ રાજ કુન્દ્રાની ચળ-અચળ સંપત્તિને જપ્ત કરી દીધી છે. EDની આ કાર્યવાહી બાદ શિલ્પા શેટ્ટી અને રાજ કુન્દ્રાએ ઈન્સ્ટાગ્રામ પર આ મુદ્દે પહેલી પોસ્ટ કરી છે. તેમની આ પોસ્ટના કારણે સોશિયલ મીડિયામાં તેમની ખૂબ ચર્ચા થવા લાગી છે.

ઈન્સ્ટામાં શેર કરી ફિલીંગ
રાજ કુન્દ્રાની સંપત્તિ જપ્ત થઈ જતા તેમના વકીલે એક સ્ટેટમેન્ટ જાહેર કર્યુ હતુ. ત્યાર બાદ હવે શિલ્પા શેટ્ટી અને રાજ કુન્દ્રાએ ઈન્સ્ટામાં પોતાની ફિલીંગ શેર કરી છે. જેમાં રાજ કુન્દ્રાએ ગર્જના કરતા સિંહનો ફોટો શેર કરીને અપમાનિત મહેસૂસ થયા બાદ શાંત રહેવાની અને સફળતાની વાત કહી. તો શિલ્પા શેટ્ટીએ સાંઈ બાબાની તસ્વીર શેર કરી #સમર્પણ ની સાથે ઓમ સાંઈ રામ તેમ લખ્યુ હતુ.

સ્ટાર કપલે ન્યાય પ્રણાલી પર વિશ્વાસ વ્યક્ત કર્યો

આ પહેલા શિલ્પા અને રાજ કુન્દ્રાના વકીલે કહ્યુ હતુ કે, આ મામલા સાથે જોડાયેલા અધિકારીઓને શિલ્પા અને રાજ કુન્દ્રા દરેક સચ્ચાઈ જણાવશે, બન્ને તે અધિકારીઓનો સહયોગ કરવા તૈયાર છે. બન્નેએ નિષ્પક્ષ તપાસની માંગની સાથે ન્યાયપ્રણાલી પર વિશ્વાસ વ્યક્ત કર્યો હતો. તેમને પોતાના ગ્રાહકોની સ્વતંત્રતા અને સંપત્તિ માટે EDને સચ્ચાઈ જણાવશે તેમ જણાવ્યુ હતુ.

રાજ કુન્દ્રા પર આરોપ શું ?
આ મામલો 2018માં સામે આવ્યો હતો જ્યારે કેટલાક ઈન્વેસ્ટરોએ છેતરપિંડીની ફરિયાદ કરી હતી. જેમાં વેરિએબલ ટેકના પ્રમોટર્સ વિરૂદ્ધ મની લોન્ડ્રિંગનો કેસ ચાલુ થયો હતો. આરોપ મુજબ રાજ કુન્દ્રાને યુક્રેનમાં બિટકોઈન માઈનિંગ ફાર્મ સ્થાપિત કરવા અમિત ભારદ્વાજ પાસેથી 285 બિટકોઈન મળ્યા હતા. ભારદ્વાજે આ બિટકોઈન લોકોને છેતરીને મેળવ્યા હતા. આ બિટકોઈન હજુ પણ કુન્દ્રા પાસે જ પડ્યા છે. જેની કીંમત 150 કરોડથી પણ વધુની થાય છે.


VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો