માન્યતા / જીવનનો બેડો પાર કરવો હોય તો શનિદેવની કૃપા જરૂરી, એકવાર આશીર્વાદ મળ્યા તો જીવનભર શાંતિ, જાણો શું છે ઉપાય

• શનિદેવની કૃપા પ્રાપ્ત થાય તો જીવન પાવન થઈ જાય છે
• શનિદેવની કુદ્રષ્ટી પડે તો જીવનમાં અપાર દુ:ખ અને કષ્ટ આવે છે
• જીવનમાં અનેક દુખ આવે છે અને ઘરમાં કલેશ થાય છે

શનિદેવ જે વ્યક્તિ પર મહેરબાન થાય તે વ્યક્તિનું જીવન પાવન થઈ જાય છે. તે વ્યક્તિને જીવનમાં ધન, સંપત્તિ, સુખ, શાંતિ અને સમૃદ્ધિ પ્રાપ્ત થાય છે. જીવનમાં પ્રગતિ મળે છે. કોઈ વ્યક્તિ પર શનિદેવની કુદ્રષ્ટી પડે તો જીવનમાં અપાર દુ:ખ અને કષ્ટ આવે છે. વ્યક્તિની પ્રગતિ થતી નથી. જીવનમાં અનેક દુખ આવે છે. ઘરમાં કલેશ થાય છે અને માન સમ્માનને દુ:ખ પહોંચે છે. 

કેટલાક દૈનિક કામ અને સરળ ઉપાયની મદદથી શનિદેવની અપાર કૃપા પ્રાપ્ત થાય છે. કયા ઉપાય કરવાથી શનિદેવની કૃપા અને મહિમા પ્રાપ્ત થાય છે, તે અંગે અહીંયા જાણકારી આપવામાં આવી છે. 

શનિદેવની કૃપા ક્યારે પ્રાપ્ત થાય છે

• જ્યારે વ્યક્તિ સત્ય બોલે અને અનુશાસનમાં રહે. 
• નબળા અને ગરીબ વ્યક્તિની સેવા કરવાથી શનિદેવની કૃપા પ્રાપ્ત થાય છે.
• વડીલની સેવા કરવાથી શનિદેવની કૃપા પ્રાપ્ત થાય છે.
• વૃક્ષનું વાવેતર અને પશુ પક્ષીઓ પ્રત્યે સદ્ભાવ દાખવવાથી શનિદેવની કૃપા પ્રાપ્ત થાય છે.
• શિવ, કૃષ્ણ અને હનુમાનજીની ભક્તિ કરવાથી શનિદેવ પ્રસન્ન થાય છે. 
• દાંત, કપડા અને વિચાર સાફ હોય તો શનિદેવના આશીર્વાદ પ્રાપ્ત થાય છે. 
• પરસ્ત્રી પ્રત્યે ખરાબ વિચાર ના લાવવા અને કુદ્રષ્ટી ના લાવવી જેથી શનિદેવનો અપાર મહિમા રહે છે. 
• રોગીઓની સેવા કરવાથી શનિદેવ પ્રસન્ન થાય છે. 
• ગરીબ, નબળા અને મજૂર વ્યક્તિનું શોષણ ના કરવાથી શનિદેવની કૃપા રહે છે. 

શનિદેવને પ્રસન્ન કરવાના ઉપાય

• શનિવારના દિવસે પીપળાના ઝાડ પાસે તલના તેલનો દીવો કરો.
• શનિવારના દિવસે કાળી અડદની દાળનું દાન કરો.  
• કાળા શ્વાનને રોટલી ખવડાવો. 
• એક મોટા પાન પર ઉંમરને બરાબર કાળી અડદની દાળ વહેતા પાણીમાં વિસર્જિત કરો. આ પ્રકારે કરવાથી નકારાત્મકતા દૂર થશે. ટ
• શનિ અને હનુમાન ચાલીસાના પાઠ કરવાથી, શનિવારના દિવસે દૂધ, ગંગાજળ અને તલ મિશ્ર કરીને શિવલિંગ પર અર્પણ કરો.