ગુજરાતમાં વરસાદ / ભર ઉનાળે અંબાજીમાં કમોસમી વરસાદ: ભિલોડામાં તો મેઘરાજાએ બોલાવી ધડબડાટી, વાતાવરણમાં ઠંડક

આજે લોકશાહીના મહાન અને પવિત્ર પર્વ સમાન લોકસભાની સામાન્‍ય ચૂંટણી - 2024નો દિવસ છે. ચૂંટણી પ્રસંગે મત આપવાનો આપણને હક અને અધિકાર છે તે સાથે પવિત્ર ફરજ પણ છે. ત્યારે આ શુભ દિવસે ગરમીની વચ્ચે બનાસકાંઠાના અંબાજી અને અરવલ્લીમાં વાતાવરણમાં એકાએક પલટો આવ્યો હતો તેમજ અમી છાંટણી વરસ્યા હતાં.

અંબાજીમાં ચાલુ વરસાદે મતદારોએ મતદાન કર્યું

કાળઝાળ ગરમી વચ્ચે યાત્રાધામ અંબાજીના વાતાવરણમાં પલટો આવ્યો હતો. ગરમીની વચ્ચે અંબાજીમાં કમોસમી વરસાદ વરસ્યો હતો. ત્યારે ચાલુ વરસાદે પણ મતદારો મત આપવા પહોંચ્યા હતાં. જ્યાં વરસાદ કારણે તેઓ ભીંજાયા હતાં છતાં તેમનામાં અનેરો ઉત્સાહ જોવા મળ્યો હતો. મતદારોએ ચાલું વરસાદે મતદાન કરી પોતાની પવિત્ર ફરજ નિભાવી હતી.

વાંચવા જેવું: બનાસકાંઠાને ટક્કર આપી 3 વાગ્યા સુધીમાં 58.05 ટકા મતદાન સાથે વલસાડ ગુજરાતમાં અવ્વલ, સરેરાશ 47.03 ટકા વોટિંગ

ભિલોડા તાલુકામાં કમોસમી વરસાદ

તો બીજી તરફ અરવલ્લી જિલ્લામાં પણ કમોસમી વરસાદ વરસ્યો હતો. ભિલોડા તાલુકાના મોડાસાના ટીંટોઈ પંથકમાં વરસાદ વરસ્યો હતો. ભર ઉનાળે અચાનક વાતાવરણમાં પલટો આવી ગરમીના બફારા વચ્ચે કમોસમી વરસાદ વરસતા વાતાવરણમાં ઠંડક પ્રસરી હતી