પાકિસ્તાન / BREAKING : શાહબાઝ શરીફ બીજી વાર બન્યાં PM, બોલ્યાં- 'પાકિસ્તાનની નૈયા પાર લગાવીશું'

શહબાઝ શરીફ પાકિસ્તાનના 24મા વડાપ્રધાન તરીકે ચૂંટાયા છે. નેશનલ એસેમ્બલીમાં વડાપ્રધાનને ચૂંટવા માટે મતદાન યોજાયું હતું. નવા પ્રધાનમંત્રીને ચૂંટી કાઢવા માટે સંસદમાં મતદાન થયું હતું. સ્પીકર અયાઝ સાદિકે મતોનો રેકોર્ડ રજૂ કર્યો હતો. પરિણામો જાહેર કરતા અયાઝ સાદિકે કહ્યું કે શહબાઝ શરીફ 201 વોટ મેળવી સતત બીજી વાર પીએમ પદે ચૂંટાઈ આવ્યાં હતા. 

આવતીકાલે લેશે શપથ 

આવતીકાલે રાષ્ટ્રપતિ આવાસ એવાન એ સદ્રમાં શાહબાઝ શરીફ પીએમ પદના શપથ લેશે. 

2022માં પહેલી વાર બન્યાં પીએમ 
પંજાબના ત્રણ વખત મુખ્યમંત્રી રહી ચૂકેલા શહબાઝ શરીફ 2022માં પહેલીવાર પાકિસ્તાનના વડાપ્રધાન બન્યા હતા. વડા પ્રધાન તરીકેનો તેમનો પ્રથમ કાર્યકાળ માત્ર 16 મહિના સુધીનો જ હતો. 

Shahbaz Sharif elected as the PM of Pakistan! pic.twitter.com/pILuhC1tz8

— Rimsha Tahir (@rumshum12) March 3, 2024

પાકિસ્તાનને દેવામાંથી મુક્ત કર્યું-શરીફ
ઓગસ્ટ 2023માં તેમની સરકારનો કાર્યકાળ પૂર્ણ થવા પર શહબાઝ શરીફે દાવો કર્યો હતો કે તેમણે પાકિસ્તાનને દેવામાંથી મુક્ત કર્યું છે. તેમણે કહ્યું કે જે સંજોગોમાં તેમને અર્થવ્યવસ્થા મળી. તેઓએ 17 મહિનામાં શક્ય તેટલી કોશિશ કરી છે. 

પાકિસ્તાનની નૈયા પાર લગાવીશું 

પાકિસ્તાની સંસદમાં પીએમ તરીકે ચૂંટાયા બાદ તેમણે કહ્યું કે અમે પાકિસ્તાની નૈયા પાર લગાવીશું.