દુર્ઘટના / શાહરૂખની ફિલ્મ 'સ્વદેશ'ની કો-સ્ટાર ગાયત્રી જોશીની કારનો જોરદાર અકસ્માત, સ્વિસ દંપતીનું મોત, Video વાયરલ

• સ્વદેશ ફેમ એક્ટ્રેસને નડ્યો અકસ્માત 
• પતિ સાથે હતી એક્ટ્રેસ ગાયત્રી જોશી
• અચાનક ફરારીને મારી ટક્કર 

શાહરૂખ ખાનની ફિલ્મ સ્વદેશથી ડેબ્યૂ કરનાર બોલિવુડ એક્ટ્રેસ ગાયત્રી જોશીની કાર ઈટલીમાં દુર્ઘટનાનો શિકાર થઈ હતી. તે સમયે તે પોતાના પતિ વિકાસ ઓબેરોયની સાથે લેમ્બોર્ગિનીમાં મુસાફરી કરી રહી હતી. જોકે બન્ને બચી ગયા છે. પરંતુ આ દુર્ઘટનામાં ફરારી કારમાં સવાર એક સ્વિસ દંપતીનું મોત થયું છે. 

સુચના મળવા પર ઘટના સ્થળ પર પહોંચેલી પોલીસ આગળની કાર્યવાહીમાં લાગી ગઈ છે. માહિતી અનુસાર એક્ટ્રેસ અને તેમના પતિ લક્ઝરી ગાડીઓની સાથે રેસ કરી રહ્યા હતા. 

Two deaths on a Ferrari in Sardina, Italy pic.twitter.com/skT3CaXg0T

— Globe Clips (@globeclip) October 3, 2023

મિની ટ્રકને ઓવરટેક કરતા બની દુર્ઘટના 
રિપોર્ટ અનુસાર દુર્ઘટના ઈટલીના સાર્ડિનિયા વિસ્તારમાં થઈ છે. ઘટના વખતે ગાયત્રી અને તેમના પતિ પોતાની લેમ્બોર્ગિનીમાં સવાર હતા. તેમની કારના આગળ પાછળ ઘણી અન્ય લક્ઝરી ગાડીઓ પણ ચાલી રહી હતી. 

આ સમયે આગળ જઈ રહેલા મિની ટ્રકને ઓવરટેક કરતી વખતે તેમની ગાડીને ફરારીએ ટક્કર મારી દીધી જે સાથે ચાલી રહેલા મિની ટ્રક સાથે અથડાઈ. આ ટક્કરથી મિની ટ્રક પલટી ગઈ અને ફરારીમાં આગ લગી ગઈ જેમાં સવાર દંપત્તીના મોત થઈ ગયા છે. 

સ્વિટ્ઝરલેન્ડના રહેવાસી હતા મૃત દંપત્તી 
મૃતકોની ઓળખ સ્વિટ્ઝરલેન્ડના 63 વર્ષીય મેલિસા ક્રોટલી અને 67 વર્ષીય માર્કસ ક્રોટલી તરીકે કરવામાં આવી છે. ગાયત્રીએ એક ન્યૂઝ વેબસાઈટને જણાવ્યું કે વિકાસ અને હું ઈટલીમાં છીએ. અમે અહીં એક દુર્ઘટનાનો શિકાર થયા છીએ. ભગવાનની કૃપાથી અમે બન્ને બિલકુલ ઠીક છીએ. 

ઘટનાનો લાઈવ વીડિયો આવ્યો સામે 
આ ઘટનાનો એક વીડિયો પણ સામે આવ્યો છે જે પાછળ ચાલી રહેલી એક ગાડીના ડેશબોર્ડ પર લાગેલા કેમેરામાં રેકોર્ડ થયો છે. આ વીડિયોમાં સ્પષ્ટ દેખાઈ રહ્યું છે કે કેવી રીતે ઘણી લક્ઝરી ગાડીઓ એક એક કરીને વીડિયો રેકોર્ડ કરી રહેલી ગાડીઓને ઓવરટેક કરી રહી છે. થોડા દૂર જતા જ એક મિની ટ્રકને ઓવરટેક કરતી વખતે તેને ટક્કર મારે છે તેનાથી ગાડી અને ટ્રક બન્ને પલટી જાય છે.