નામ શબાના / એક નહીં પાંચ વખત નેશનલ ઍવોર્ડ જીતી ચૂકી છે આ અભિનેત્રી, ચાહકોને અદાઓથી કર્યા ઘાયલ

• શબાના આઝમીએ અત્યાર સુધી 100 થી વધુ ફિલ્મોમાં કામ કર્યું છે
• તેમની બોલ્ડ કિરદારોની પસંદગીએ તેમની કેટલીક યાદગાર ફિલ્મો બનાવી છે.
• પાંચ વખત જીત્યો છે બેસ્ટ એક્ટ્રેસનો નેશનલ એવોર્ડ 

પોતાના શ્રેષ્ઠ અભિનયથી સિનેમા જગતમાં એક અલગ છાપ છોડનાર શબાના આઝમી ફિલ્મ ઈન્ડસ્ટ્રીની શ્રેષ્ઠ અભિનેત્રીઓમાંની એક છે.1974માં ફિલ્મ 'અંકુર'થી ડેબ્યૂ કર્યા પછીથી શબાના આઝમી ઘણા દાયકાઓથી દર્શકોનું મનોરંજન કરી રહી છે. જણાવી દઈએ કે શબાના આઝમીએ અત્યાર સુધી 100 થી વધુ ફિલ્મોમાં કામ કર્યું છે. એમને તેમના ફિલ્મી કરિયરમાં ઘણી વાર એવા પાત્રો પસંદ કર્યા જેઓ સમય કરતા ઘણા આગળ હતા અને તેઓ આજે પણ લોકોના માનસપટ પર જીવે છે. ફિલ્મોમાં તેમની બોલ્ડ કિરદારોની પસંદગીએ તેમની કેટલીક યાદગાર ફિલ્મો બનાવી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Shabana Azmi (@azmishabana18)

અભિનેત્રી શબાના આઝમીનો આજે એટલે કે 18 સપ્ટેમ્બરના એમનો જન્મદિવસ છે. એમનો જન્મ 18 સપ્ટેમ્બર 1950ના રોજ હૈદરાબાદમાં થયો હતો અને આજ એમના જન્મદિવસના અવસર પર તમને શબાના આઝમી વિશે કેટલીક ખાસ વાતો જણાવીએ...

શરૂઆતી સમય 
શબાના આઝમીના માતા-પિતા કૈફી આઝમી (ભારતીય કવિ) અને શૌકત આઝમી (ભારતીય જન નાટ્ય સંઘના અભિનેત્રી) હતા. શ્યામ બેનેગલના નિર્દેશનમાં બનેલ  ફિલ્મ અંકુર 1974માં રિલીઝ થયેલી ફિલ્મ હતી અને આ ફિલ્મ સાથે શબાનાએ તેના ફિલ્મી કરિયરની શરૂઆત હતી. જો કે એક મીડિયા  રિપોર્ટમાં આ વાત બહાર આવી હતી કે આ ફિલ્મ માટે તે પહેલી પસંદગી નહતી, ઘણી અભિનેત્રીઓએ આ ફિલ્મને કરવાની ના કહી ત્યારે શબાનાને આ રોલ મળ્યો હતો. જણાવી દઈએ કે શબાનાએ 1984માં જાવેદ અખ્તર સાથે લગ્ન કર્યા હતા.

 

 

 

 

View this post on Instagram

 

 

 

 

 

 

 

 

 

 

 

A post shared by Shabana Azmi (@azmishabana18)

પાંચ વખત જીત્યો છે બેસ્ટ એક્ટ્રેસનો નેશનલ એવોર્ડ 
શબાના આઝમી એક દમદાર અભિનેત્રી છે. કોઈ પણ પાત્ર ભજવે છે, તેમાં તે એક અલગ જ છાપ છોડી દે છે. શબાના આઝમીએ 1974માં ફિલ્મ અંકુરથી ફિલ્મી કરિયરની શરૂઆત હતી અને શબાનાને પહેલી જ ફિલ્મ માટે  બેસ્ટ એક્ટ્રેસનો નેશનલ એવોર્ડ પણ મળ્યો હતો.આ પછી શબાનાને 1983માં ફિલ્મ પૃથ્વી માટે, 1984માં ખંડાર, 1985માં પાર અને 1999માં ગોડમધરનો બેસ્ટ એક્ટ્રેસનો નેશનલ એવોર્ડ મળ્યો હતો. નેશનલ એવોર્ડની સાથે સાથે શબાનાને ફિલ્મફેર સહિત બીજા ઘણા આંતરરાષ્ટ્રીય એવોર્ડ પણ મળ્યા છે. શબાના આઝમીને પદ્મ ભૂષણ અને પદ્મશ્રીથી પણ સન્માનિત કરવામાં આવી છે.