IPL 2023 / નવીન-ઉલ-હકને મેદાન પર જોઈને ચાહકોએ લગાવ્યા કોહલી-કોહલીના નારા, અફઘાન બોલરની પ્રતિક્રિયા થઈ વાયરલ

• કોહલી અને નવીન-ઉલ-હક વચ્ચે જબરદસ્ત ટક્કર થઈ હતી
• નવીન ઉલ હકને જોઈ ચાહકો 'કોહલી-કોહલી'ની બૂમો પાડવા લાગ્યા
• તેનો એક વિડીયો સોશિયલ મીડિયા પર વાયરલ થઈ રહ્યો છે

IPL 2023: ભવિષ્યમાં જ્યારે પણ IPL 2023 ની વાત થશે એ સમયે વિરાટ કોહલી અને નવીન-ઉલ-હક વચ્ચેની ટક્કરનો ઉલ્લેખ ચોક્કસપણે થશે. જણાવી દઈએ કે 1 મેના રોજ લખનૌ સુપર જાયન્ટ્સ અને રોયલ ચેલેન્જર્સ બેંગ્લોર વચ્ચે રમાયેલી મેચ દરમિયાન આ બંને ખેલાડીઓ વચ્ચે જબરદસ્ત ટક્કર થઈ હતી અને 16 મેના રોજ, LSG એ એટલે કે લખનૌની ટીમે આ સિઝનની તેમની છેલ્લી મેચ મુંબઈ ઈન્ડિયન્સ સામે તેમના હોમ ગ્રાઉન્ડ પર રમી હતી, જેમાં તેને મુંબઈને 5 રનથી હરાવ્યું હતું.હવે વાત એમ છે કે આ મેચ દરમિયાન જ્યારે ફાસ્ટ બોલર નવીન ઉલ હક બાઉન્ડ્રી લાઈન પાસે ફિલ્ડિંગ કરી રહ્યો હતો ત્યારે તેને જોઈને ચાહકો 'કોહલી-કોહલી'ની બૂમો પાડવા લાગ્યા હતા.

Love this lucknow crowd😅😂#naveenulhaq #MIvsLSG #LSGBrigade #LSGvMI #LucknowSuperGiants pic.twitter.com/fvxlo5B3lN

— Ayush Verma (@khalnayak08) May 16, 2023

હાલ તેનો એક વિડીયો સોશિયલ મીડિયા પર વાયરલ થઈ રહ્યો છે જેમાં ફેન્સે નવીનને કોહલીના નામના નારા લગાવીને ચીડવવાનો પ્રયાસ કર્યો હતો. જ્યારે ચાહકો જોરથી કોહલીના નામનો નારો લગાવી રહ્યા હતા ત્યારે અફઘાન બોલર નવીને તેમને વધુ જોરથી બૂમો પાડવાનો ઈશારો કર્યો હતો.

Kohli Kohli chants right on the face of Naveen Ul Haq and the way guy reacts 💉

pic.twitter.com/pSlKIG30Vm

— feryy (@ffspari) May 17, 2023

નવીન જ્યારે મુંબઈ સામે તેના સ્પેલની બીજી ઓવર કરી રહ્યો હતો ત્યારે પણ ચાહકોએ કોહલીનું નામ બોલીને તેનું ધ્યાન હટાવવાનો પ્રયાસ કર્યો હતો. જો કે, નવીને તે સમયે પણ કોઈપણ રીતે પ્રતિક્રિયા આપી ન હતી અને તેનું સંપૂર્ણ ધ્યાન મેચ પર કેન્દ્રિત કર્યું હતું. જણાવી દઈએ કે 23 વર્ષીય નવીન MI સામે ઘણો મોંઘો સાબિત થયો હતો. તેણે પોતાની ચાર ઓવરના સ્પેલમાં કોઈ વિકેટ લીધા વિના 37 રન આપ્યા હતા.

મુંબઈ સામેની આ જીત સાથે કૃણાલ પંડ્યાની ટીમ 15 પોઈન્ટ સાથે પોઈન્ટ ટેબલમાં ત્રીજા સ્થાને પહોંચી ગઈ છે. લખનૌ હવે ટૂર્નામેન્ટમાં તેની છેલ્લી લીગ મેચ 20 મેના રોજ કોલકાતા નાઈટ રાઈડર્સ સામે રમશે.