અણધારી ઘટના / PM મોદીના આવાસમાં દેખાયું અજાણ્યું પક્ષી, સુરક્ષા એજન્સીઓ થઈ એલર્ટ, આખરે થયો આવો ખુલાસો

• પીએમ મોદીના આવાસમાં જોવા મળી કાળી સમડી
• સુરક્ષા એજન્સીઓ થઈ સતર્ક
• વનખાતાના અધિકારીઓને બોલાવાયા
• અધિકારી સમડી લઈને જતા રહ્યાં 

દેશનું સૌથી સુરક્ષિત અને લોખંડી સુરક્ષા વ્યવસ્થા ધરાવતું ઘર જો કોઈનું હોય તો તે પીએમ મોદીનું હોય છે. પ્રધાનમંત્રી આવાસની સુરક્ષા એટલી બધી કડક હોય છે તેને ભેદવી મુશ્કેલી હોતી નથી પરંતુ મંગળવારે એક નાના પક્ષીએ પીએમના આવાસની સુરક્ષાને ભેદી નાખી હતી જોકે સમડી અજાણતા પીએમ આવાસમાં ઘુસી આવી હોવાનું સામે આવતા સુરક્ષા એજન્સીઓને ઢાઢક વળી હતી. 

પીએમ મોદીના આવાસમાં જોવા મળી દુર્બળ સમડી 
પીએમ મોદીના આવાસ પર મંગળવારે એક કાળી સમડી પડેલી હાલતમાં મળી આવતા સુરક્ષા એજન્સીઓ સતર્ક થઈ ગઈ હતી. ઘટના સ્થળે હાજર સુરક્ષાકર્મીઓ દ્વારા વન્યજીવ અધિકારીઓને જાણ કરવામાં આવી હતી કે સમડી પીએમ આવાસમાં પડેલી છે. માહિતી મળતા જ બે અધિકારીઓ પીએમ આવાસમાં આવ્યાં હતા અને સમડીને પાણી પીવડાવ્યું હતું આ પછી તેને થોડુંક ઠીક લાગતા તેને સાથે લઈ ગયા હતા. 

કાળી સમડી હાલમાં જંગલ ખાતાની દેખરેખ હેઠળ 
વન્યપ્રાણી અધિકારીઓએ જણાવ્યું હતું કે કાળી સમડી હાલમાં તેમની દેખરેખ હેઠળ છે. એક વખત ફિટ જાહેર થયા બાદ તેને જંગલમાં છોડી મૂકવામાં આવશે. જાણકારી અનુસાર મંગળવારે સવારે સુરક્ષાકર્મીઓએ જોયું કે પીએમ (પીએમ નરેન્દ્ર મોદી હાઉસ) પરિસરમાં એક કાળી સમડી બેઠી હતી, તેને ઈજા થઈ હોય કે પછી ભૂખ-તરસથી અધમુઈ થઈ હોય હોય પરંતુ તે ઉડી શકતી નહોતી.  એજન્સીઓએ તરત જ વન્યપ્રાણી અધિકારીઓને જાણ કરી હતી અને અન્ય એજન્સીઓને ચેતવણી આપી હતી. વાઇલ્ડલાઇફ ઇન્સ્ટિટ્યૂટના સેક્રેટરી અને અન્ય એક સાથી ગીતા શેષમાનીએ જણાવ્યું હતું કે, "અમને દિલ્હી-એનસીઆરથી પતંગથી ઘાયલ થયેલા ઘણા પક્ષીઓને બચાવવા માટે ઘણા ફોન આવે છે. જો કે આવું થવું સામાન્ય ઘટના છે. સામાન્ય રીતે પાણીના અભાવે પક્ષીઓ જમીન પર જોવા મળે છે. જ્યારે ઘણા પક્ષીઓ પાણી મેળવી શકતા નથી, ત્યારે તેઓ જમીન પર બેસી જાય છે અને પાણી પીછા પીધા પછી ત્યાંથી ઉડી જાય છે.