આસ્થા / નોકરીમાં પ્રગતિ અને ધંધામાં લાભ જોઇએ છે? તો શ્રાવણ માસમાં અવશ્ય કરો આ 6 ચીજોનું દાન, ને જુઓ પછી

• શ્રાવણ મહિનાની શરૂઆત
• દાન કરવાથી શિવ પૂજા અને વ્રત કરવા સમાન ફળ મળે છે
• ગુજરાતમાં 18 જુલાઇથી શ્રાવણ મહિનો શરૂ થશે

આજથી શ્રાવણ મહિનાની શરૂઆત થઈ ચૂકી છે. શાસ્ત્રો અનુસાર શ્રાવણ મહિનામાં કેટલીક કાસ વસ્તુઓનું દાન કરવાથી શિવ પૂજા અને વ્રત કરવા સમાન ફળ મળે છે. આ દાન શ્રાવણ મહિનાના સોમવારે કરવું તે શ્રેષ્ઠ ગણાય છે. તમને જણાવી દઈએ કે, હિન્દી કેલેન્ડર મુજબ શ્રાવણ મહિનો 4 જુલાઇ (આજ) થી શરૂ થઈ ગયો છે. ગુજરાતમાં 17મીએ સોમવતી અમાસ છે, જેથી 18 જુલાઇથી શ્રાવણ મહિનો શરૂ થશે.

ચોખા- શ્રાવણ મહિનામાં ચોખાનું દાન કરવું તે પુણ્યશાળી માનવામાં આવે છે. શિવપુરાણ અનુસાર શ્રાવણ મહિનાના સોમવારની પૂજા દરમિયાન એક મુટ્ઠી અશ્રત શિવલિંગ પર અર્પણ કરો જરૂરિયાતમંદોને ચોખાનું દાન કરો, જેથી પ્રગતિ થવાના રસ્તા ખુલે છે. 

કાળા તલ- ભગવાન શિવ અને શનિને ખૂબ જ પ્રિય છે. શ્રાવણ મહિનાના સોમવાર અથવા શનિવારે કાળા તલનું દાન કરવાથી શનિ ઢૈય્યા અને શનિ સાડેસાતીથી રાહત મળે છે. રાહુ અને કેતુ દોષ પણ દૂર થાય છે. 

મીઠુ- શિવપુરાણ અનુસાર મીઠાનું દાન કરવાથી ખરાબ સમય દૂર થાય છે અને ઘરમાં સુખ સમૃદ્ધિ આવે છે. શાસ્ત્રો અનુસાર મીઠાને સકારાત્મક ઊર્જાનું પ્રતિક માનવામાં આવે છે. 

રૂદ્રાક્ષ- શાસ્ત્રોમાં રૂદ્રાક્ષને શિવનો અંશ માનવામાં આવ્યો છે. કહેવામાં આવે છે કે, શિવના આંસુઓથી રૂદ્રાક્ષની ઉત્પત્તિ થઈ છે. શ્રાવણ મહિનામાં રૂદ્રાક્ષના દાનથી ઉંમર વૃદ્ધિ થાય છે. દાંપત્ય જીવનમાં ખુશીઓ આવે છે અને અકાળ મૃત્યુનો ભય દૂર થાય છે. 

ચાંદી- સંતાનપ્રાપ્તિ માટે અને કાળસર્પ દોષથી મુક્તિ મેળવવા માટે શ્રાવણ મહિનામાં ચાંદીની વસ્તુનું દાન કરો. 

નોંધ- હિન્દી કેલેન્ડર મુજબ શ્રાવણ મહિનો 4 જુલાઇ (આજ) થી શરૂ થઈ ગયો છે. ગુજરાતમાં 17મીએ સોમવતી અમાસ અને 18 જુલાઇથી શ્રાવણ મહિનો શરૂ થશે.