જબરા ફેન / સલમાન ખાનને મળવા કડકડતી ઠંડીમાં 11 હજાર કિમી સાઇકલ ચલાવી પહોંચ્યો ફેન, મુલાકાતની તસવીરોએ જીત્યા ફેન્સના દિલ

• સલમાન ખાનને મળવાનો અનોખો ક્રેજ
• સલમાને 57મો જન્મદિવસ ઉજવ્યો હતો
• ભાઈજાનને મળવા 1100 કિમી સાઇકલ ચલાવી

સલમાન ખાને 27 ડિસેમ્બરે પોતાનો 57મો જન્મદિવસ ઉજવ્યો હતો. આ અવસર પર ભાઈજાનની એક ઝલક મેળવવા હજારો ચાહકોની ભીડ તેમના ઘરની બહાર ઉભી હતી. જો કે દરેક જણ સલમાનને મળી શકતું નથી, પરંતુ તેના ફેન સમીરનો ક્રેઝ જોઈને તે પોતાને મળવાથી રોકી શક્યો નહીં. વાસ્તવમાં જબલપુરના રહેવાસી સમીરે સલમાન ખાનને મળવા માટે ઠંડીમાં 1100 કિલોમીટર સાઇકલ ચલાવી હતી. સલમાન ખાને પણ પોતાના ફેન્સની ભાવનાઓનું સન્માન કર્યું અને તેને મળીને ફોટો ક્લિક કરાવ્યો.

5 દિવસ સુધી સતત સાયકલ ચલાવી
મીડિયા રિપોર્ટ્સ અનુસાર, સમીર બાળપણથી જ ભાઈજાનનો મોટો ફેન છે. 22 ડિસેમ્બરે સમીર શિયાળાની ઋતુમાં સાયકલ પર જબલપુરથી નીકળ્યો અને 29 ડિસેમ્બરે મુંબઈ પહોંચ્યો. જ્યારે સલમાનને તેના આ ફેન વિશે ખબર પડી તો તે તેના ફેન્સને મળવા માટે ઘરની બહાર આવ્યો હતો.

સલમાન ખાને ફેન સાથે તસવીર માટે પોઝ આપ્યો 
સલમાન ખાનના ફેન પેજ પર ભાઈજાન અને તેના ફેન સમીરના ફોટા શેર કર્યા છે. આ તસવીરોમાં સલમાન તેના ફેન સમીરને મળતો જોવા મળી રહ્યો છે. આ દરમિયાન તે સમીરની સાઇકલ સાથે પોઝ પણ આપી રહ્યો છે. સમીરે મીડિયાને જણાવ્યું કે સલમાનને તેની હાલત વિશે ખબર પડી અને તેણે તેને તેના ઘરે ખાવાનું પણ ખવડાવ્યું.