રાજનીતિમાં હડકંપ / કોંગ્રેસના ખાતામાંથી ચોરાઈ ગયાં 65 કરોડ ! કોણ લઈ ગયું? અજય માકનનો મોટો ધડાકો

કોંગ્રેસ નેતા અજય માકને એવો આક્ષેપ કર્યો છે કે ઈન્કમ ટેક્સ વિભાગે તેના બેન્ક ખાતાઓમાંથી 65 કરોડની રકમ ઉપાડી લીધી છે. ઈન્કમ ટેક્સ વિભાગે 210 કરોડનો અસધારણ ટેક્સ માગ્યો છે. જોકે હાલમાં ઈન્કમ ટેક્સ ટ્રિબ્યુનલ દ્વારા આ કેસ સાંભળવામાં આવી રહ્યો છે. અજય માકને કહ્યું કે રાષ્ટ્રીય રાજકીય પાર્ટીઓને ઈન્કમ ટેક્સ ચૂકવવામાંથી છૂટ છે જોકે તેમણે ટેક્સ રિટર્ન ફાઈલ કરવું જરુરી છે. શું ભાજપને પણ આવી ટેક્સ નોટીસ મળી છે? તેમણે કહ્યું કે ગઈ કાલે ઈન્કમ ટેક્સ ડિપાર્ટમેન્ટ ઈન્ડીયન નેશનલ કોંગ્રેસ, ઈન્ડીયન યુથ કોંગ્રેસ અને નેશનલ સ્ટુડન્ટ્સના 3 બેન્ક ખાતામાંથી 65 કરોડની રકમ ટ્રાન્સફર કરી છે. 

Yesterday, the Income Tax Department mandated banks to transfer over ₹65 crores from @INCIndia, IYC, and NSUI accounts to the government—₹5 crores from IYC and NSUI, and ₹60.25 crores from INC, marking a concerning move by the BJP Government.

Is it common for National… pic.twitter.com/eiObPTtO1D

— Ajay Maken (@ajaymaken) February 21, 2024

ક્યાંથી આવ્યાં 210 કરોડ? 
માકને કહ્યું કે શું કોઈ રાજકીય પાર્ટી માટે ઈન્કમ ટેક્સ ચુકવવો જરુરી છે? નહીં, તો પછી કોંગ્રેસને શા માટે અસધારણ ટેક્સની નોટીસ મળી રહી છે. જે પૈસા (210 કરોડ) પર ટેક્સ માગવામાં આવી રહ્યો છે તે ક્રાઉડ ફંડિંગ અને  IYC, NSUIની મેમ્બરશીપ ઝૂંબેશ દ્વારા ભેગા કરવામાં આવેલા છે. અમારી એકમાત્ર આશા હવે ન્યાયતંત્ર પાસે છે. જો તપાસનીસ એજન્સીઓને કાબુમાં નહીં લેવામાં આવે તો લોકશાહી પૂરી થઈ જશે. 

16 ફેબ્રુઆરીએ થયા હતા કોંગ્રેસના ખાતા ફ્રીઝ 
કોંગ્રેસના નેતા અજય માકને પત્રકાર પરિષદમાં સનસનીખેજ આરોપ કરીને રાજનીતિને ગરમાવી દીધી છે. તેમણે કહ્યું કે આઈટી વિભાગે કોંગ્રેસના તમામ બેન્ક ખાતાં ફ્રીઝ કરી દીધાં છે. સરકાર પર આરોપ લગાવતા અજય માકને કહ્યું કે માત્ર ખાતાઓ જ નહીં પરંતુ દેશની લોકશાહી પણ સ્થિર થઈ ગઈ છે. અમારી પાર્ટીનું ખાતું ફ્રીઝ કરવાનું કારણ હાસ્યાસ્પદ છે. ગઈકાલે સાંજે યુથ કોંગ્રેસના ખાતા પણ ફ્રીઝ કરી દેવામાં આવ્યા છે. આવકવેરા વિભાગે કોંગ્રેસ અને યુથ કોંગ્રેસ પાસેથી રૂ. 210 કરોડની રિકવરી માંગી છે. આ પૈસા કોઈ મોટા ઉદ્યોગપતિના નથી પરંતુ અમે જે ઓનલાઈન દાન એકત્રિત કર્યું છે તે છે.