દુઃખ / વર્લ્ડ કપની હારનું દર્દ હજુ નથી ભૂલ્યો રોહિત, કહ્યું... સાઉથ આફ્રિકાની જીતથી ભરપાઈ નહીં થાય

• 26મીથી ભારત અને દક્ષિણ આફ્રિકા વચ્ચેની ટેસ્ટ સિરીઝનો પ્રારંભ
• વર્લ્ડ કપની હારને નથી ભૂલી શક્યો રોહિત શર્મા
• દક્ષિણ આફ્રિકા સામેની જીતએ અ દુઃખનો ઈલાજ નથી:રોહિત શર્મા

ODI વર્લ્ડ કપમાં ભારતીય ટીમેં જોરદાર પ્રદર્શન કર્યું હતું અને સતત 10 મેચ જીતી દુનિયામાં ડંકો વગાડી દીધો હતો. પરંતુ ફાઇનલ દરમિયાન ઇન્ડિયાની ટીમ વર્લ્ડ કપથી સહેજ ચૂકી ગઈ હતી.  પરિણામે ઓસ્ટ્રેલિયાની ટીમે વર્લ્ડ કપમાં જીત પોતાને નામ કરી હતી. આમ એક પણ મેચ ન હારનાર ટીમ ઇન્ડિયાને ઓસ્ટ્રેલિયાએ હરાવી વર્લ્ડ કપ જીતી લીધો હતો. ત્યારબાદ કેપ્ટન રોહિત શર્મા સહિત મોટાભાગના ખેલાડીઓ ભાવુક બન્યા હતા. આ દુઃખ કેપ્ટન રોહિત શર્મા આજ સુધી ભૂલ્યો ન હોય તેમ તેમણે ફરી આ દર્દને ઉજાગર કરી અને કહ્યું હતું કે દક્ષિણ આફ્રિકામાં જીત એ કદાચ આ દુઃખનો ઈલાજ નથી.

અહીં જીતીશું તો પણ...
ભારત અને દક્ષિણ આફ્રિકા વચ્ચેની ટેસ્ટ સિરીઝ 26 ડિસેમ્બર થી પ્રારંભ થશે. ત્યારે ટીમ ઇન્ડિયા કેપ્ટન રોહિત શર્માએ સિરીઝના પ્રારંભ અગાઉ મીડિયા સાથે વાતચીત કરી હતી અને તેમણે આ દરમિયાન વર્લ્ડ કપની ફાઇનલના હાર વિષેના સવાલ વેળાએ તે ભાવુક થઈ ગયો હતો. તેમણે સ્પષ્ટપણે કહ્યું હતું કે અમે અહીં જીતીશું તો પણ વર્લ્ડ કપમાં મળેલી હારનો ભરપાઈ થઈ શકે તેમ નથી કારણ કે એ દર્દ ખૂબ મોટું છે.

કોઈપણ જીતથી સરભર થઈ શકે તેમ નથી
કેપ્ટન રોહિત શર્માએ સાઉથ આફ્રિકા સામેની ટેસ્ટ સિરીઝ વિશે જણાવતા કહ્યું હતું કે આ સિરીઝ ખૂબ મોટી છે. અમને અત્યાર સુધી અહીં કોઈ ટેસ્ટ સીરીઝમાં જીતનો જશ્ન મનાવવાનો અવસર મળ્યો નથી. પરંતુ અમે જીતના વિશ્વાસ સાથે મેદાને ઉતરશુ. તેઓએ એમ પણ કહ્યું હતું કે સાઉથ આફ્રિકામાં ટેસ્ટ સિરીઝમાં જીત એ ઓડીઆઇ વર્લ્ડ કપની ફાઇનલમાં હારનું દુઃખને અટકાવી શકશે નહીં! કારણ કે વર્લ્ડ કપથી મોટું કોઈ ન હોઈ શકે અને તેની હાર એ કોઈપણ જીતથી સરભર થઈ શકે તેમ નથી.