બ્રેકિંગ ન્યુઝ
ચાર ધામ યાત્રાને લઇ સરકારે કરી ગાઇડલાઇન જાહેર
આણંદના બોરસદના બોચાસણમાં ટ્રાન્સફોર્મરમાં બ્લાસ્ટ થતા ડીપીમાં લાગી ભયંકર આગ, છવાયો અંધારપટ
ક્ષત્રિય સમાજના આગેવાનો સાથે ભાજપ પ્રદેશ પ્રમુખની બેઠક, ગાંધીનગરમાં ભાજપ કાર્યાલય ખાતે બેઠક, સી.આર.પાટીલ અને ક્ષત્રિય આગેવાનો સાથે બેઠક
રાજનાથ સિંહ ગુજરાતની મુલાકાતે, રાહુલ ગાંધીની વિવાદીત ટીપ્પણીથી લઈને ક્ષત્રિય સમાજના વિરોધ મામલે કરી વાત
લોકસભા ચૂંટણી 2024: 'પ્રિયંકાબેન ભૂલી ગયા કે મોદી સરકારે દેશના પ્રથમ આદિવાસી મહિલાને રાષ્ટ્રપતિ બનાવ્યા' હર્ષ સંઘવીના રાહુલ-પ્રિયંકા પર પ્રહાર
લોકસભા ચૂંટણી 2024: 'કોંગ્રેસના શહેઝાદામાં નવાબો વિરુદ્ધ બોલવાની તાકાત નથી', PM મોદીનો રાહુલ ગાંધીના નિવેદન પર પલટવાર
Malay
Last Updated: 03:35 PM, 27 September 2023
Ahmedabad News: આંગડિયા પેઢીમાંથી રૂપિયા લઇને નીકળનાર વેપારી તેમજ કર્મચારીને ટાર્ગેટ કરતી ટોળકી શહેરમાં સક્રિય થઇ છે. અકસ્માત કર્યો છે તેમ કહીને રૂપિયા લઇને નીકળનાર વ્યક્તિને ગઠિયાઓ આંતરે છે અને બાદમાં લૂંટની ઘટનાને અંજામ આપીને નાસી જાય છે. ગઈકાલે નહેરુનગર સર્કલ નજીક આવેલા માણેકબાગ પાસે એક વેપારીની કારને આંતરીને ગઠીયા 5.50 લાખ રૂપિયાની લૂંટ ચલાવીને નાસી ગયા હતા. ગઠીયો કારનો સતત પીછો કરી રહ્યો હતો અને તેણે ચાલુ રસ્તા પર કારના કાચ ખખડાવવાનો પણ પ્રયાસ કર્યો હતો.
પી.જિતેન્દ્ર આંગડિયા પેઢીમાં લેવા ગયા હતા રૂપિયા
આંબાવાડી વિસ્તારમાં આવેલા રુક્ષ્મણી વલ્લભ સોસાયટીમાં રહેતા વૃદ્ધ દેવેશભાઇ શાહે સેટેલાઇટ પોલીસ સ્ટેશનમાં 5.50 લાખની લૂંટની ફરિયાદ કરી છે. દેવેશભાઇ પીરાણા રોડ પર આવેલા ઓડ ગામમાં કેમિકલ મેન્યુફેક્ચરિંગની ફેક્ટરી ધરાવી ધંધો કરે છે. ગઇકાલે કંપનીમાં ઇલેક્ટ્રિક પાવર સપ્લાય બંધ હોવાના કારણે ફેક્ટરીમાં રજા હતી. જેના કારણે દેવેશભાઇ પોતાના ઘરે હતા. સાંજે ચાર વાગ્યાની આસપાસ દેવેશભાઇના વેપારી મિત્ર કિષ્ણકાન્તભાઇને મુંબઇથી ફોન આવ્યો હતો. જેમાં તેણે ધંધાના પાંચ લાખ રૂપિયા આંગડિયા પેઢી મારફતે મોકલાવ્યા હોવાનું કહ્યું હતું. દેવેશભાઇ સીજી રોડ પર આવેલી પી.જિતેન્દ્ર આંગડિયા પેઢીમાં રૂપિયા લેવા માટે ગયા હતા.
એક્ટિવા પર આવેલા બે શખ્સે કારને આંતરી
દેવેશભાઇ રૂપિયા ભરેલી બેગ કારમાં મૂકીને ઘર તરફ જતા હતા ત્યારે પાંજરાપોળ ચાર રસ્તા પાસે નંબર પ્લેટ વગરનું એક્ટિવા લઇને એક યુવક આવ્યો હતો. જેણે હેલ્મેટ પહેરી હતી. યુવકે દેવેશભાઇની કારનો કાચ ખખડાવ્યો હતો પરંતુ કોઇ ઘટના બને તેવી બીકથી દેવેશભાઇએ કાચ ખોલ્યો નહીં. ત્યાર બાદ સહજાનંદ કોલેજ પાસે તે જ એક્ટિવાચાલકે ફરીથી કાચ ખખડાવ્યો હતો. જોકે તે સમયે પણ દેવેશભાઇએ કાચ ખોલ્યો નહીં. ત્રણ વખત અલગ અલગ જગ્યા પર કાચ ખખડાવ્યા બાદ દેવેશભાઇને દાળમાં કાંઇક કાળું હોય તેવું લાગ્યું હતું. જેથી તેમણે પોતાની કાર ભગાવી હતી અને ઘરે જવા માટે નીકળ્યા હતા. આ દરમિયાનમાં માણેકબાગથી તપોવન સર્કલ તરફ જવાના સર્વિસ રોડ પર દેવેશભાઇએ તેમની કાર લીધી હતી તે સમયે એક્ટિવા પર બે શખ્સ આવ્યા હતા. જેમણે કારને આંતરી લીધી હતી. દેવેશભાઇ કાર લોક કરીને નીચે ઊતર્યા ત્યારે બંને શખ્સ કહેવા લાગ્યા હતા કે તમે અકસ્માત કરીને જતા રહ્યા છો મને પગમાં ઇજા થઇ છે.
સેટેલાઈટ પોલીસ સ્ટેશનમાં નોંધાવી ફરિયાદ
બંને શખ્સ સાથે વાતચીત કરી રહ્યા હતા ત્યારે દેવેશભાઇનો પીછો કરી રહેલો યુવક પણ ત્યાં આવી પહોંચ્યો હતો. યુવક કારના આંટાફેરા કરી રહ્યો હતો ત્યારે દેવેશભાઇ કાર પાસે પહોંચી ગયા હતા. યુવકે કારનો કાચ તોડીને તેમાં રહેલી બેગ કાઢી લીધી હતી. બેગમાં પાંચ લાખ રૂપિયા આંગડિયા પેઢીમાંથી લીધેલા હતા. તે અને બીજા ૫૦ હજાર રૂપિયા હતા. દેવેશભાઇએ બેગ યુવકના હાથમાંથી લઇ લીધી હતી પણ તે યુવક બળજબરીપૂર્વક બેગ લૂંટીને નાસી ગયા હતા. દેવેશભાઇએ ત્રણેય શખ્સનો પીછો કર્યો હતો પરંતુ તે ધૂમ સ્ટાઇલથી નાસી ગયા હતા. દેવેશભાઇએ આ મામલે સેટેલાઇટ પોલીસ સ્ટેશનમાં ફરિયાદ કરી છે. સેટેલાઇટ પોલીસે આ મામલે ગુનો દાખલ કરીને તપાસ શરૂ કરી છે.
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
મનોરંજન / શું તારક મહેતાના સોઢીનું અપહરણ થયું? પોલીસે નોંધ્યો અપહરણનો કેસ, ફોનમાંથી થયા અનેક ટ્રાન્ઝેક્શન
Gurucharan Singh
લોકસભા ચૂંટણી 2024 / 'વિરોધ કરે છે તે જ ભાજપ સાથે મળેલા' કોંગ્રેસે સસ્પેન્ડ કર્યા બાદ નિલેશ કુંભાણીએ વીડિયો જાહેર કર્યો
Lok Sabha Election 2024
પ્રચાર
ટોપ સ્ટોરીઝ
મનોરંજન / શું તારક મહેતાના સોઢીનું અપહરણ થયું? પોલીસે નોંધ્યો અપહરણનો કેસ, ફોનમાંથી થયા અનેક ટ્રાન્ઝેક્શન
Gurucharan Singh
સાસુ-વહુનો લવ / પરણીને તરત સાસુના પ્રેમમાં પડી વહુ, બોલી- 'મારી સાથે સંબંધ બાંધ', દીકરામાં રસ નથી'
up crime