નવું નજરાણું / આખરે અમદાવાદીઓએ રિવરફ્રન્ટ ક્રૂઝને વધાવી લીધું, જુલાઈ સુધીનું બુકિંગ ‘હાઉસ ફુલ’, આ રીતે કરો ઓનલાઇન પેમેન્ટ

• રિવરફ્રન્ટ ક્રૂઝ રેસ્ટોરાંની શરૂઆત થઈ ચૂકી
• જુલાઈ સુધીનું બુકિંગ ‘હાઉસ ફુલ’
• ડિનર બુક કરાવો તો 2,000 રૂપિયા ચાર્જ

અમદાવાદીઓ માટે હવે નવું આકર્ષણ રંગ જમાવી રહ્યું છે. ગત 10 જુલાઇથી અમદાવાદમાં રિવરફ્રન્ટ ક્રૂઝ રેસ્ટોરાંની શરૂઆત થઈ ચૂકી છે, જેની તૈયારીઓના ભાગરૂપે રેસ્ટોરાંને જોરદાર રીતે સજાવવામાં આવી હતી. રિવરફ્રન્ટ ક્રૂઝ રેસ્ટોરાંમાં જમવા માટે અગાઉથી બુકિંગ કરાવવું પડે છે. જુલાઈ મહિનામાં બુકિંગ ફુલ થઈ જવાના કારણે હવે સ્વાદશોખીનોએ ઓગસ્ટ મહિના સુધી રાહ જોવી પડશે. રેસ્ટોરાંમાં લંચ માટે એક વ્યક્તિદીઠ 1,800 રૂપિયા ચૂકવવા પડશે અને ડિનર બુક કરાવો તો 2,000 રૂપિયા ચાર્જ થશે. અમદાવાદીઓ ડિનર કરતાં લંચનું બુકિંગ વધારે કરાવી રહ્યાં છે.

ઓનલાઈન બુકિંગ
જો તમારે અહીં સાબરમતી નદીમાં જમવાનો આનંદ લેવો હોય તેના માટે તેમે ઓનલાઈન બુકિંગ પણ કરાવી શકો છો. અત્યારે લોકો ડિનર કરતાં લંચનું બુકિંગ વધારે કરી રહ્યા છે. જો તમારે પણ બુક કરવું હોય તો https://www.aksharrivercruise.com/booking-form પર આધાર કાર્ડ અને ત્યાર બાદ તમારી જરૂરી માહિતી ભરીને ઓનલાઈ પેમેન્ટ કરવાનું રહેશે

રિવર ક્રૂઝ અને ફ્લોટિંગ રેસ્ટોરન્ટ 
અત્યાર સુધી લોકો સાબરમતી નદીમાં બોટિંગ રાઈડનો આનંદ માણતા હતા. હવે સાબરમતી નદીમાં રિવર ક્રૂઝ અને ફ્લોટિંગ રેસ્ટોરન્ટની મોજ માણી રહ્યાં છે. જેમાં 150 જેટલા લોકો એકસાથે બેસીને રિવરફ્રન્ટનો નજારો માણી શકે છે. હવે લોકોને આવી ક્રૂઝ રેસ્ટોરન્ટની મજા માણવા બહાર જવાની જરૂર જ નથી. 

ક્રૂઝની વિશષેતા
- બે માળની ક્રૂઝ કમ ફ્લોટિંગ રેસ્ટોરાં. જેમાં પહેલા માળે એસી કેબિન અને ઉપરના માળે ઓપન સ્પેસ છે
- આ રિવરફ્રન્ટ ક્રૂઝમાં એક સાથે 125થી 150 લોકો બેસી શકે છે, ક્રૂઝમાં મનોરંજનની પણ સુવિધા.
- રિવરક્રુઝ રેસ્ટોરન્ટમાં બર્થડે પાર્ટી, ઓફિસની મિટિંગ થઈ શકે.
- ક્રૂઝમાં વાઈફાઈ, હાઈ રીજ્યોલુયશન સીસીટીવી કેમેરા, પ્રોપર સિક્યુરિટી. 
- સરદાર બ્રિજથી ગાંધી બ્રિજ સુધીના એક રાઉન્ડ માટે દોઢ કલાકનો સમય છે.