- દેવાધિદેવ મહાદેવને પ્રસન્ન કરવા માટે ભૌમ પ્રદોષ વ્રત માનવામાં આવે છે શુભ
- 12 સપ્ટેમ્બર 2023ના રોજ ઉજવાશે આ વ્રત
- ભગવાન મહાદેવ અને હનુમાનજીની કૃપા મેળવવા આટલું કરો
ભગવાન ભોળાનાથની આરાધનાના શ્રાવણ માણસને પૂર્ણ થવામાં હવે ગણતરીના દિવસો બાકી છે. ત્યારે દેવાધિદેવ મહાદેવને પ્રસન્ન કરવા માટે ભૌમ પ્રદોષ વ્રત ખૂબ શુભ માનવામાં આવે છે. માન્યતા તો એવી પણ છે કે આ વ્રતની અસરથી આશક્ત વસ્તુ પણ શક્ય બની જાય છે. શાસ્ત્રોમાં આ શુભ પ્રદોષ વ્રતને ભૌમ પ્રદોષ વ્રત કહેવામાં આવે છે. ત્યારે આ વર્ષનું પહેલુ અને છેલ્લું ગણાતુ ભૌમ પ્રદોષ વ્રત 12 સપ્ટેમ્બર 2023ના રોજ એટલે કે આવતા મંગળવારે મનાવવામાં આવશે.
ભગવાન શિવની પૂજાનું ખૂબ મહત્વ
માન્યતા એવી છે કે આ દિવસે ભગવાન શિવની પૂજાનું ખૂબ મહત્વ છે. મહાદેવની પૂજા કરવાથી ભક્તને બજરંગબલીની વિશેષ કૃપા પણ મળે છે, જે પાછળનું કારણ કે હનુમાન ભગવાન શિવના રુદ્રાવતાર છે. તેમાં પણ આ વ્રતના દિવસે ગ્રહો અને નક્ષત્રોનો વિશેષ સંયોગ બની રહ્યો છે. જેના કારણે ભક્તોને બમણો લાભ મળી શકે છે. વ્રતની વાત કરવામાં આવે તો શ્રવણ માસના કૃષ્ણ પક્ષના ભૌમ પ્રદોષ વ્રતના દિવસે મંગળવારે સાંજે 06:30 થી 08:49 સુધી શિવ ઉપાસનાનો શુભ સમય છે. પ્રદોષકાળ એટલે કે સૂર્યાસ્તના 45 મિનિટ પહેલાં અને સૂર્યાસ્ત પછી 45 મિનિટ પછી મહાદેવની પૂજા કરવી શુભ માનવામાં આવે છે.
આ વખતે ભૌમ પ્રદોષ વ્રતના રોજ સર્વાર્થ સિદ્ધિ યોગ, શિવ યોગ અને બુધાદિત્ય યોગનો સંગમ થઇ રહ્યો છે. જેથી આ વિશેષ દિવસે પૂજા કરવાથી ભગવાન પ્રસંન્ન થશે.12 સપ્ટેમ્બર 2023ના રોજ સર્વાર્થ સિદ્ધિ યોગ સવારે 06:04 થી રાત્રીના 11.01 સુધી છે. જ્યારે 12 તારીખના રોજ જ શિવ યોગ સવારે 12:14 થી 13 સપ્ટેમ્બર 2023,ના રોજ સવારે 01:12 છે.
વ્રતના દિવસે આટલું કરો
ભૌમ પ્રદોષ વ્રત રાખ્યું હોય આ દિવસે પાણીમાં કેસર નાખીને નહાવું જોઈએ.જેની પાછળની માન્યતા એવી છે કે આમ કરવાથી આર્થિક સંકટમાંથી રાહત મળે છે. કર્જથી છુટકારો મેળવવા આ ખૂબ સારો ઉપાય છે. આ દિવસે માછલીઓને લોટ અને ગરીબોને ભોજન આપવી જોઈએ તથા કપડાં દાન કરવાથી શિવની સાથે હનુમાનજીની પણ કૃપા વરસે છે. સાથે ભૌમ પ્રદોષ વ્રત મંત્રનો જાપ કરવો.
- ઓમ નમઃ શિવાય
- ઓમ આશુતોષાય નમઃ
- ઓમ નમો ધનદાય સ્વાહા
- ઓમ હ્રીં નમઃ શિવાય હ્રીં ઓમ
