IND vs AUS / VIDEO : કોહલી આઉટ થતાની સાથે જ રવિન્દ્ર જાડેજા થયો નિરાશ, બેટ પછાડી કાઢ્યો ગુસ્સો

• ભારત - ઓસ્ટ્રેલિયા વચ્ચે વિશાખાપટનમ ખાતે બીજી વન-ડે મેચ રમાઈ
• 117 રનમા જ ટીમ ઇન્ડિયાનો ધબડકો
• કોહલી આઉટ થતા નારાજ થયો રવિન્દ્ર જાડેજા

ભારત અને ઓસ્ટ્રેલિયા વચ્ચે આજે વિશાખાપટનમ ખાતે બીજી વન-ડે મેચ રમાઈ હતી. જેમાં ભારતની હાર થઈ છે. આજે રોહિત શર્મા, વિરાટ કોહલી અને કેએલ રાહુલ જેવા બલ્લેબાજો સસ્તામાં આઉટ થઈ જતા પરિણામે ટીમ ઇન્ડિયા માત્ર 117 રન જ બનાવી શકી હતી. ટીમ ઇન્ડિયાની શરૂઆત ખરાબ રહી હતી. ચાહકોને વિરાટ કોહલી અને રવિન્દ્ર જાડેજા પાસેથી ઘણાં રનની અપેક્ષા હતી. પરંતુ તેમા સફળ ન થતા દર્શકોમા નારાજગી છવાઈ હતી. વિરાટ કોહલીને નાથન એલિસે આઉટ કર્યો હતો. જેને લઈને રવિન્દ્ર જાડેજામાં પણ નારાજગી જોવા મળી હતી. 

pic.twitter.com/GwEH9HeGXg

— Main Dheet Hoon (@MainDheetHoon69) March 19, 2023

પ્રથમ ઓવરમાં જ ભારતીય ટીમએ શુભમન ગીલની વિકેટ ગુમાવી હતી. ત્યારબાદ તો જાણે તું ચલ મેં આયા તેવી સ્થિતી સર્જાઇ હોય તેમ એક પછી એક ટપાટપ વિકેટો ખડવા લાગી હતી અને ભારતે 49 રનના સ્કોર પર પાંચ વિકેટ ગુમાવી દીધી હતી તે સમયે મેદાનમાં વિરાટ કોહલી અને રવિન્દ્ર જાડેજા નવા બેસ્ટમેન તરીકે ઉતર્યા હતા આથી ચાલકોમા પણ નવી આશા જાગી હતી.

કોહલીની ભૂલ હોવાનું ગાવસ્કરે જણાવ્યું

આ દરમિયાન 16મી ઓવરમાં બંને વચ્ચે 22 રનની ભાગીદારી નોંધાઈ હતી. ત્યારબાદ નાથન એલિસની બોલિંગના બીજા જ બોલ પર વિરાટ કોહલીને એલબીડબલ્યુ આઉટ જાહેર કરાયો હતો. આ સાથે જ રવિન્દ્ર જાડેજા પણ નિરાશા ધકેલાઈ ગયો હતો.  અને તેમણે ગુસ્સામાં બેટને જમીન પર પછાડ્યો હતો. બાદમાં વિરાટે રિવ્યુ માટે રવિન્દ્ર જાડેજાની સલાહ લેવા છતાં જાડેજાએ તેની મનાઈ કરતા કોહલી પેવલિયન પરત ફર્યો હતો.જોકે આ મામલે કોહલીની ભૂલ હોવાનું ગાવસ્કરે જણાવ્યું હતું.