Rape Case: ભારતીય ક્રિકેટર નિખિલ ચૌધરીની બળાત્કાર કેસમાં મુશ્કેલીઓ વધી શકે છે. નીખીલ પર એક ઓસ્ટ્રેલિયન મહિલાએ રેપનો આરોપ લગાવ્યો છે. નિખિલ બિગ બેશ લીગમાં હોબાર્ટ હરિકેન્સ તરફથી રમે છે. પીડિત મહિલાના મિત્રોએ ડિસ્ટ્રિક્ટ કોર્ટમાં જણાવ્યું કે નિખિલે કારમાં તેની સાથે બળાત્કાર કર્યો હતો. જોકે ક્રિકેટરે આ વાતને નકારી કાઢી છે.
ભારતીય મૂળના ક્રિકેટર નિખિલ ચૌધરી હવે મુશ્કેલીમાં ફસાયેલા જણાય છે. ઓસ્ટ્રેલિયાની એક મહિલાએ તેના પર બળાત્કારનો આરોપ લગાવ્યો છે. નિખિલે આ આરોપોને પાયાવિહોણા ગણાવ્યા છે. આ કેસની સુનાવણી ટાઉન્સવિલે ડિસ્ટ્રિક્ટ કોર્ટમાં થશે. 27 વર્ષીય નિખિલ બિગ બેશ લીગમાં હોબાર્ટ હરિકેન્સ તરફથી રમે છે. તમને જણાવી દઈએ કે આ આખો મામલો મે 2021નો છે. ત્યારબાદ નિખિલ પર ટાઉન્સવિલેની નાઈટક્લબ સ્ટ્રીપમાં નાઈટ આઉટ દરમિયાન એક મહિલાનું જાતીય શોષણ કરવાનો આરોપ મૂકવામાં આવ્યો હતો. પીડિત મહિલાના મિત્રોએ કોર્ટમાં કહ્યું કે તેઓએ મહિલાને રડતી જોઈ અને કહ્યું કે તેની સાથે બળાત્કાર થયો છે. તેણે જણાવ્યું કે નિખિલે કારમાં મહિલા સાથે રેપ કર્યો હતો. જ્યારે ક્રિકેટરે આ વાતને નકારી કાઢી છે.
મહિલાનું કારમાં યૌન શોષણ કરાયું
આ ઘટના ફ્લિન્ડર્સ સ્ટ્રીટ પર બની હતી.નિખિલે કારમાં મહિલાનું યૌન શોષણ કર્યું જેના કારણે મહિલા ઘાયલ થઇ હતી અને લોહી નીકળી રહ્યુ હતું. બીજી તરફ બચાવ પક્ષનું કહેવું છે કે ડિઝિટલ પ્રવેશ થયો હતો. શું મહિલાએ સંમતી આપી હતી.
નિખિલ અને પીડિતાએ પણ ડાન્સ કર્યો અને કિસ પણ કરી
માહિતી અનુસાર નિખિલ ચૌધરી અને 20 વર્ષીય પીડિતાની મુલાકાત ધ બેંક નાઈટ ક્લબના ડાન્સ ફ્લોર પર થઈ હતી. ત્યારબાદ બંનેએ ડાન્સ કર્યો અને કિસ પણ કરી. આ પછી રાત્રે લગભગ 3 વાગે નિખિલ અને પીડિતા કારમાં બેસીને નીકળી ગયા હતા. પીડિતાના મિત્રોએ જણાવ્યું કે બંનેને કારમાં જતા જોઈને તેઓ ચિંતિત થઈ ગયા હતા. તેઓએ જોયું કે જ્યારે મિત્ર કારની બારી સાથે અથડાયો ત્યારે પીડિત મહિલા કારમાંથી બહાર આવી હતી. મહિલા ખરાબ અનુભવી રહી હતી અને તેણે તેના મિત્રોને કહ્યું કે તેની સાથે બળાત્કાર થયો છે.
પીડિતાએ આ વાત તેની માતાને ફોન પર કહી હતી
ફોરેન્સિક નર્સએ કહ્યું કે તેણે કથિત બળાત્કારના કલાકોમાં પીડિતાની તપાસ કરી. તેણે કહ્યું કે કીસ સહમતીથી થઇ હતી પરંતુ સંબંધ માટે સહમતિ ન હતી તેમ છતાં બળજબરી કરવામાં આવી છે. જેને કારણે પીડિતાને આંતરિક ઈજાઓ થઈ હતી. બીજી તરફ પીડિતાની માતાએ જણાવ્યું કે 23 મેના રોજ વહેલી સવારે પુત્રીનો ફોન આવ્યો હતો. તે ખૂબ રડી રહી હતી તેણે જણાવ્યુ કે મારપીટ તેની સાથે કરવામાં આવી છે. તે પોલીસ સાથે હોસ્પિટલ જઈ રહી હતી.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
