- BJP સાંસદ રમેશ બિધૂડીનાં વિવાદસ્પદ નિવેદનનો મામલો
- પાર્ટીનાં અધ્યક્ષ જે.પી નડ્ડાએ ફટકારી નોટિસ
- સંસદનાં સ્પીકર ઓમ બિરલા પણ થયાં નારાજ
ભારતીય જનતા પાર્ટીનાં લોકસભા સાંસદ રમેશ બિધૂડીએ પોતાના સંસદ સહયોગી બહુજન સમાજ પાર્ટીનાં દાનિશ અલીની સામે હિંસક મુસ્લિમ વિરોધી અપશબ્દોનો ઉપયોગ કર્યો. ગુરુવારે બિધૂડી દ્વારા સંસદમાં કહેવામાં આવેલી વાતો વાયરલ થઈ. જો કે સંસદયી કાર્યવાહીથી તેમની વિવાદસ્પદ ટિપ્પણીને હટાવી દેવામાં આવી છે. બસપાએ રમેશ બિધૂડીની સદસ્યતા રદ કરવાની માંગ કરી છે.
જે.પી નડ્ડાએ ફટકારી નોટિસ
ભારતીય જનતા પાર્ટીએ સાંસદ રમેશ બિધૂડીની સામે કારણ જણાવો નોટિસ ફટકારી છે. માહિતી અનુસાર પાર્ટી અધ્યક્ષ જે.પી. નડ્ડાનાં નિર્દેશ પર પાર્ટીએ આ નોટિસ જારી કરી છે. હવે બિધૂડીએ 15 દિવસની અંદર પાર્ટીને જવાબ આપવો પડશે.
સ્પીકર પણ થયાં નારાજ
સ્પીકર ઓમ બિરલાએ રમેશ બિધૂડી સાથએ વાત કરી અને તેમના નિવેદન પર ગંભીર નારાજગી વ્યક્ત કરી છે. ઓમ બિરલાએ રમેશ બિધૂડીને ફટકાર લગાડ્યાં બાદ તેમને ભાષાની મર્યાદા જાળવવાની ચેતવણી પણ આપી હતી.
શબ્દોને લોકસભા કાર્યવાહીનાં રેકોર્ડથી દૂર કરાયા
કહેવામાં આવી રહ્યું છે કે સ્પીકરને લખવામાં આવેલ પત્રમાં દાનિશ અલીએ રમેશ બિધૂડીનાં મામલાને વિશેષાધિકાર સમિતિને મોકલીને તપાસની માંગ કરી છે જેથી બિધૂડીને અનુશાસિત કરી શકાય અને દેશનો માહોલ ખરાબ ન થાય. ભાજપ સાંસદ રમેશ બિધૂડીનાં આપત્તિનજનક શબ્દોને ગઈકાલે લોકસભા કાર્યવાહીનાં રેકોર્ડથી દૂર કરી દેવામાં આવ્યું છે.
શું બોલ્યાં હતાં રમેશ બિધૂડી?
'ઓય..., ઓય આતંકવાદી, એ આતંકવાદી વચ્ચે ન બોલ, આ આતંકવાદી-ઉગ્રવાદી છે, આ મુલ્લો આતંકવાદી છે... આની વાત નોટ કરતા રહેજો, હું હવે આ મુલ્લાને બહાર જોઈ લઈશ.' આ શબ્દો છે કેન્દ્રમાં સત્તારૂઢ ભારતીય જનતા પાર્ટીના વરિષ્ઠ સાંસદ રમેશ બિધુરી (Ramesh Bidhuri)ના. તેઓ સંસદમાં દક્ષિણ દિલ્હીનું પ્રતિનિધિત્વ કરે છે. લોકસભામાં તેમણે જે પ્રકારના શબ્દોનો ઉપયોગ કર્યો અને જે રીતે તેમને સાંભળીને પૂર્વ કેન્દ્રીય મંત્રી હર્ષવર્ધન હસ્યા, આ દ્રશ્યથી ઘણા લોકોને નારાજ થયા છે. જો કે લોકસભામાં બસપા સાંસદ દાનિશ અલી સામે આપત્તિજનક શબ્દોનો ઉપયોગ કર્યા પર સદનનાં ઉપનેતા અને રક્ષામંત્રી રાજનાથસિંહે પણ નિંદા કરી હતી.
જાણો રમેશ બિધુરી વિશે
- દિલ્હીમાં જન્મેલા બિધુરી પાસે B.Com, LLBની ડિગ્રી છે. તેમણે તેમના પ્રોફેશનમાં વકીલ, બિઝનેસ, ખેડૂત અને સામાજિક કાર્યકર લખ્યું છે.
- તેઓ 2003થી મે 2014 સુધી દિલ્હીના ધારાસભ્ય રહ્યા હતા. 2014 અને 2019માં લોકસભાના સભ્ય તરીકે ચૂંટાયા.
- તેઓ શહેરી વિકાસ, ઓબીસી કલ્યાણ, શ્રમ અને રોજગાર સંબંધિત ઘણી સમિતિઓમાં સામેલ રહ્યા છે. તેઓ વૃદ્ધો માટે આરોગ્ય શિબિરોનું આયોજન કરતા રહે છે.
- તે ઘણીવાર વિવાદાસ્પદ નિવેદનો આપતા રહ્યા છે. થોડા સમય પહેલા તેમના એક નિવેદનની ખૂબ ચર્ચા થઈ હતી, જ્યારે એક વાલી શાળાની સમસ્યા લઈને તેમની પાસે પહોંચ્યા હતા. રમેશ બિધુરીએ ત્યારે કહ્યું હતું કે, તો છોકરાઓને જ કેમ જન્મ આપ્યો?
