Raksha Bandhan 2023 / શું તમારે ભાઈ નથી? તો ગભરાશો નહીં, આ 7 ચીજો સહિત તમે આ ઇશ્વરને પણ બાંધી શકો રાખડી, પળેપળ કરશે રક્ષા

• શ્રાવણ માસ બે મહિનાનો હતો જે 31 ઓગસ્ટ 2023ના રોજ સમાપ્ત થઈ રહ્યો છે
• રાખડી બાંધવાનો શુભ સમય 30 ઓગસ્ટે રાત્રે 9:02 વાગ્યાથી બીજા દિવસે સવારે 7:05 વાગ્યા સુધીનો રહેશે
• આ વૃક્ષોને રાખડી બાંધો તો ત્રણેય દેવતાઓ ખૂબ જ પ્રસન્ન થાય છે.

Raksha Bandhan 2023 : હોળી દિવાળીની જેમ રક્ષાબંધનનો તહેવાર પણ મહત્વપૂર્ણ માનવામાં આવે છે. રક્ષાબંધનનો તહેવાર દર વર્ષે શ્રાવણ માસના શુક્લ પક્ષની પૂર્ણિમાની તિથિએ ઉજવવામાં આવે છે.આ વર્ષે અધિક માસના કારણે શ્રાવણ માસ બે મહિનાનો હતો જે 31 ઓગસ્ટ 2023ના રોજ સમાપ્ત થઈ રહ્યો છે. આ વખતે રક્ષાબંધનનો તહેવાર બે દિવસ એટલે કે 30 અને 31 ઓગસ્ટે મનાવવામાં આવી રહ્યો છે. રક્ષાબંધનના દિવસે ભદ્રા આવતી હોવાથી, રાખડી બાંધવાનો શુભ સમય 30 ઓગસ્ટે રાત્રે 9:02 વાગ્યાથી બીજા દિવસે સવારે 7:05 વાગ્યા સુધીનો રહેશે. જેમને ભાઈ નથી તેમણે નિરાશ થવાની જરૂર નથી, જ્યોતિષ જણાવી રહ્યા છે કે, જે બહેનોને ભાઈ નથી તેઓ કોને રાખડી બાંધી શકે છે.

6 ઝાડ-છોડને બાંધી શકો છો રાખડી
ધાર્મિક માન્યતાઓ અનુસાર, જો તમારો કોઈ ભાઈ ન હોય તો તમે લીમડો, વડ, આમળા, કેળા, શમી અને તુલસીને રાખડી બાંધી શકો છો. આમળા, લીમડો અને વડમાં ત્રિદેવ એટલે કે બ્રહ્મા વિષ્ણુ અને મહેશ વાસ માનવામાં આવે છે. જો તમે આ વૃક્ષોને રાખડી બાંધો તો ત્રણેય દેવતાઓ ખૂબ જ પ્રસન્ન થાય છે. બીજી તરફ, જો તમે તુલસીને રાખડી બાંધો છો, તો દેવી લક્ષ્મી પ્રસન્ન થાય છે અને તમારે ક્યારેય આર્થિક સંકટનો સામનો કરવો પડતો નથી. જો શમીના છોડ સાથે રાખડી બાંધવામાં આવે તો મહાદેવ તેનાથી પ્રસન્ન થાય છે અને તમારી રક્ષા માટે વરદાન આપે છે. કેળાના ઝાડમાં ભગવાન વિષ્ણુનો વાસ માનવામાં આવે છે. જો તમે કેળાના ઝાડ પર રાખડી બાંધશો તો ભગવાન વિષ્ણુના આશીર્વાદ હંમેશા તમારી સાથે રહેશે.

બજરંગબલીને બાંધી શકો છો રાખડી
રક્ષાબંધનના દિવસે બજરંગબલીને રાખડી બાંધવાથી તમારી કુંડળીમાં હાજર મંગલ દોષની નકારાત્મક અસર ધીમે ધીમે ઓછી થાય છે. હનુમાનજીને રાખડી બાંધવાથી બુદ્ધિની પ્રાપ્તિ થાય છે અને ક્રોધ પર નિયંત્રણ આવે છે.

કળશને બાંધો રાખડી
ધાર્મિક પૌરાણિક કથાઓ કહે છે કે, પૂજાના કલરમાં રાખડી બાંધવી ખૂબ જ શુભ છે. ભગવાન વિષ્ણુ કળશના મુખ પર, ભગવાન શિવ કળશના ગળાના ભાગમાં અને બ્રહ્મદેવ કળશના મૂળ ભાગમાં નિવાસ કરે છે. આ સિવાય કળશની મધ્યમાં માતાની શક્તિઓ બેઠી છે. એટલા માટે જો તમે પૂજાના કળશમાં રાખડી બાંધો છો તો તમને બધા દેવી-દેવતાઓની કૃપા પ્રાપ્ત થાય છે.