ન્યાયની માંગ / 'ગુનેગારોનું એન્કાઉન્ટર કરો, નહીં તો એક અવાજ પર...', સુખદેવસિંહને ન્યાય અપાવવા હવે પત્ની રણમેદાને

• અપરાધિઓનું કરવામાં આવે એન્કાઉન્ટર 
• સુખદેવ સિંહ ગોગામેડીની પત્નીની ચેતાવણી
• આખા દેશમાં ઉગ્ર આંદોલનની ચિમકી

રાજસ્થાનમાં શ્રી રાષ્ટ્રીય રાજપૂત કરણી સેનાના અધ્યક્ષ સુખદેવ સિંહ ગોગામેડીની હત્યા બાદ તેમના સમર્થક વિરોધ કરી રહ્યા છે. હવે સુખદેવ સિંહ ગોગામેડીની પત્ની શીલા શેખાવતે કહ્યું છે કે રાજસ્થાન પોલીસ પતિની હત્યા કરનારનું એનકાઉન્ટર કરી નાખે. તેમણે કહ્યું કે જો એક અવાજ કર્યો તો પણ સ્થિતિ ખરાબ થઈ જશે. તેના માટે 72 કલાકમાં આરોપીઓનું એનકાઉન્ટર કરી દેવામાં આવે, નહીં તો આખા દેશમાં ઉગ્ર આંદોલન કરવામાં આવશે.

એન્કાઉન્ટરની કરી માંગ
થોડા દિવસો પહેલા શીલા શેખાવતે વાતચીતમાં કહ્યું હતું કે એક સિંહને દગો આપીને ઘરમાં ઘુસીને માર્યો છે. અમને તેનો ન્યાય જોઈએ છે. અપરાધીઓનું એનકાઉન્ટર થવું જોઈએ. તેના શિવાય મારી કોઈ માંગ નથી. મારી પહેલી અને છેલ્લી માંગ એન્કાઉન્ટર જ છે. 

જો અમારી માંગ સાંભળવામાં આવે તો ઠીક છે નહીં તો અમારી રીતે સમજાવતા અમને આવડે છે. પહેલા મારા પતિએ સમજાવ્યું હતું. હવે હું સમજાવીશ. શીલાએ કહ્યું કે અમે ઘણી વખત પ્રશાસનને જણાવ્યું હતું કે મારા પતિને ખતરો છે. ધમકીઓ આપવામાં આવી રહી હતી. ઘણી વખત લેટર જાહેર કરવામાં આવતા હતા. 

શીલા શેખાવતે કહ્યું કે મેં ઘણી વખત પ્રશાસન પાસે સુરક્ષાની માંગ કરી હતી. સુરક્ષાની માંગને લઈને અમે વર્ષ 2016માં આંદોલન કહ્યા હતા. પરંતુ તેમ છતાં સરકારને કોઈ ફેર ન પડ્યો. આ મામલામાં સરકારે અવગણના કરી છે. સરકારની તરફથી જો અમને સુરક્ષા મળી હોત તો આટલી મોટી ઘટના ન બની હોત. 

શીલાએ કહ્યું કે રાજનીતિનું તો મને ખબર નથી પરંતુ જે ષડયંત્ર છે તેમાં મોટા મોટા લોકો શામેલ છે. જે દિવસે આ મામલાની ચિઠ્ઠી ખુલસે. તે દિવસ બધુ સામે આવી જશે. શીલા શેખાવતે કહ્યુ કે અત્યાર સુધી મારા પતિ સુખદેવ સિંહ શ્રી રાષ્ટ્રીય રાજપૂત કરણી સેનાના માધ્યમથી ગરીબોનો સાથ આપતા હતા. હવે હું લોકોની સાથે કરણી સેનાના માધ્યમથી તેમના સુખ દુખમાં ઉભી રહીશ.