તર્ક-વિતર્ક / રાજકોટ ભાજપના પૂર્વ પ્રમુખ ડી.કે સખીયાના પુત્રએ કર્યો આપઘાતનો પ્રયાસ

• બેડી માર્કેટ યાર્ડના ચેરમેનનો આત્મહત્યાનો પ્રયાસ 
• રાજકોટ જિલ્લા ભાજપના પૂર્વ પ્રમુખ ડી.કે. સખિયાના પુત્ર
• મંગળવારે જ સગાઇ થઇ હતી.પગલું ભર્યાનું કારણ અકબંધ 

રાજકોટ જિલ્લા ભાજપના પૂર્વ પ્રમુખ ડી.કે. સખિયાના પુત્રએ આપઘાત પ્રયાસ કરતાં સનસનાટી મચી ગઈ છે. ડી કે સખીયાના પુત્ર જીતેન્દ્રએ  ઝેરી દવા પી આપઘાતનો પ્રયાસ કર્યો છે.આત્મ હત્યાનો પ્રયાસ કરનારા જીતેન્દ્ર સખિયા ને  તાત્કાલિક  સારવાર માટે ખાનગી હોસ્પિટલમાં ખસેડાયો હતો. નોંધનીય છે કે, જીતેન્દ્ર સખિયા રાજકોટ માર્કેટ યાર્ડમાં ડિરેક્ટર છે.આત્મ હત્યાના પ્રયાસની ઘટનાની જાણ થતા ડી.કે. સખિયાના મોટી સંખ્યામાં સમર્થકો હોસ્પિટલ પાસે ઉમટી આવ્યા હતા. હજુ ગઇકાલે જ તો  જીતેન્દ્ર સખિયાના પુત્ર સાહિલની સગાઈ હતી. સગાઈના બીજા જ દિવસે આવું પગલું ભરાતા ચર્ચા જાગી છે. જો કે, આત્મ હત્યાના પ્રયાસનું કારણ હજુ પણ અકબંધ છે. 

રાજકોટ બેડી યાર્ડમાં ડિરેક્ટર છે જીતેન્દ્ર સખિયા 

હાલમાં જ  રાજકોટ બેડી માર્કેટ યાર્ડની ચૂંટણી યોજાઈ હતી. આ ચૂંટણીમાં  ભાજપના પ્રદેશ અધ્યક્ષ C.R.પાટીલ દ્વારા નો રિપીટની થિયરી અપનાવાતા  ડિ.કે. સખિયાનું પત્તુ કપાઈ ગયું હતું . સખીયા પોતે આ ચૂંટણીમાં ના રહેતા ,પોતાના   પુત્ર જીતેન્દ્રને ટિકિટ આપવા માટે જોર-આજ્માઈશ કરાઈ હતી.  બેડી માર્કેટ યાર્ડની ચૂંટણીમાં  જીતેન્દ્રની જીત થઈ હતી. ઉલ્લેખનીય છે કે, ડી.કે. સખિયા રાજકોટ માર્કેટ યાર્ડમાં અગાઉ ચેરમેન પદે રહી ચૂક્યા છે.