રાજકારણ / રાજસ્થાનનાં રાજકારણમાં ભૂકંપ, શું તમામ મંત્રીઓના રાજીનામાં માંગી લેવામાં આવશે?

• રાજસ્થાન સરકારમાં નવજૂનીના એંધાણ 
• આજે મંત્રી પરિષદની બેઠક
• ત્રણ મંત્રીઓએ રાજીનામું આપી દીધું

છેલ્લા કેટલાક દિવસોમાં રાજસ્થાનના રાજકારણમાં નવાજૂનીના એંધાણ છે. મુખ્યમંત્રી અશોક ગેહલોત અને સચિન પાયલટ ગ્રૂપમાં ખેંચતાણ વધી રહી છે. એવામાં રાજસ્થાન સરકારમાં મોટા ફેરફાર થવાની શકયતા છે. 

મંત્રી પરિષદની બેઠક્

રાજસ્થાનના મુખ્યમંત્રી અશોક ગેહલોત દ્વારા આજે સાંજે પાંચ વાગ્યે મુખ્યમંત્રી નિવાસ પર કેબિનેટ બેઠક્ અને મંત્રી પરિષદની બેઠક્ બોલાવવામાં આવી છે. એવું માનવામાં આવી રહ્યું છે કે આ બેઠકમાં તમામ મંત્રીઓનું રાજીનામું માંગી લેવામાં આવે તેવી સંભાવના છે. અને ત્યાર બાદ મંત્રીમંડળનું પુનર્ગઠન થશે અને એવું માનવામાં આવે છે 21 નવેમ્બર બાદ ગહલોત સરકાર મંત્રીમંડળના શપથ ગ્રહણ થશે. 

રાજસ્થાન સરકારના ત્રણ મંત્રીઓએ રાજીનામું આપી દીધું છે. જેમાં રાજ્યના શિક્ષણ મંત્રી ગોવિંદ સિંહ દોતાસરા, સ્વાસ્થ્ય મંત્રી રઘુ શર્મા અને મહેસૂલ મંત્રી હરીશ ચૌધરીના નામ સામેલ છે. કોંગ્રેસના સૂત્રો પાસેથી મળેલી માહિતી મુજબ 22 નવેમ્બરે કેબિનેટનું પુનર્ગઠન થઈ શકે છે. સચિન પાયલટ કેમ્પના ધારાસભ્યોને આ નવા મંત્રીમંડળમાં સ્થાન મળી શકે છે.

મંત્રીઓ બે હોદ્દા સંભાળતા હતા
આ ત્રણેય મંત્રીઓ બે-બે હોદ્દા ધરાવતા હતા. ત્રણેય પાસે મંત્રીની સાથે પાર્ટી સંગઠનનું પદ પણ હતું. દોતાસરામાં શિક્ષણ મંત્રીની સાથે કોંગ્રેસ પ્રદેશ પ્રમુખનો ચાર્જ સંભાળ્યો હતો, જ્યારે મહેસૂલ મંત્રી હરીશ ચૌધરીને પંજાબ અને આરોગ્ય મંત્રી રઘુ શર્માને ગુજરાત કોંગ્રેસના પ્રભારી બનાવવામાં આવ્યા હતા.

અજય માકન જયપુર ટૂર પર પહોંચ્યા હતા
કોંગ્રેસના નેતા અને પાર્ટીના રાજસ્થાન પ્રભારી અજય માકન શુક્રવારે અચાનક જયપુર પહોંચી ગયા હતા.
તેમની મુલાકાત બાદ રાજકીય અટકળોનો દોર શરૂ થયો હતો. આ વાત પર જોર  ત્યારે મુકાયું જ્યારે માકને કહ્યું કે રાજસ્થાનમાં ત્રણ મંત્રીઓએ પદ છોડવાની ઓફર કરી છે.