જાણવા જેવું / TTE અને TCમાં માત્ર સ્પેલિંગનો જ નહીં, બંનેના કામથી લઇને ડ્રેસકોડમાં પણ છે મોટો તફાવત, જાણો કઇ રીતે

• TTE અને TC વચ્ચે શું ભેદ છે?
• મોટાભાગના લોકો TTE અને TCને એક જ માને છે
• TTE અને TC વચ્ચે ખૂબ જ અંતર છે

ભારતીય રેલવેમાં ટ્રાવેલ કરતા સમયે હંમેશા ટ્રેન અને પ્લેટફોર્મ પર TTE તથા TCનો સામનો થાય છે. ટિકીટ વગર યાત્રા કરવાને કારણે દંડ ભોગવવો પડી શકે છે. શું તમને ખબર છે કે, TTE અને TC વચ્ચે શું ભેદ છે? TTE અને TC યાત્રીકોની ટિકીટ ચેક કરે છે, તેમ છતાં TTE અને TC વચ્ચે ખૂબ જ અંતર છે. મોટાભાગના લોકો TTE અને TCને એક જ માને છે, પરંતુ આ બંને અધિકારીઓ વચ્ચે શું ભેદ છે, તે અંગે અહીંયા જણાવવામાં આવ્યું છે. 

TTE અને TC
ભારતીય રેલવેમાં TTEને ટ્રાવેલ ટિકીટ એક્ઝામિનર તરીકે ઓળખવામાં આવે છે. આ રેલવે અધિકારીને પ્રીમિયમ ટ્રેનથી લઈને મેલ એક્સપ્રેસ ટ્રેનમાં યાત્રા કરનારા લોકોની ટિકીટ ચેક કરવાની જવાબદારી સોંપવામાં આવે છે. TTE ટ્રાવેલ કરનાર યાત્રીકોની ઓળખ કરે છે, ID અને સીટ સાથે જોડાયેલ જાણકારી ચેક કરે છે. TTE ટ્રેનની અંદર યાત્રીકોની ટિકીટ ચેક કરે છે. TTE  ટ્રેનની અંદર ટિકીટ ચેક કરે છે અને TC (Ticket Collector) પ્લેટફોર્મ પર ટિકીટ ચેક કરે છે. 

TTE છે કે, TC કેવી રીતે ઓળખી શકાય?
રેલવેમાં સફર કરવા દરમિયાન TTE છે કે, TC કેવી રીતે ઓળખી શકાય? ટ્રેનની અંદર ટિકીટ ચેક કરનાર TTE કાળો કોટ પહેરે એછ અને તેમની બેચ પર TTE લખેલ હોય છે. TC રેલવે સ્ટેશન પરિસરમાં પ્લેટફોર્મ ને સ્ટેશનના ગેટ પર તહેનાત રહે છે, તેઓ હંમેશા કાળુ પેન્ટ અને સફેદ શર્ટ પહેરે છે.