પંજાબ પોલિટિક્સ / હાર થતા કોંગ્રેસ અંદરોઅંદર બાખડી, સિદ્ધુ કહ્યું- મને નીચો બતાવનારા કુવામાં ખાબક્યા, તો નેતાઓએ આપ્યો જડબાતોડ જવાબ

• પંજાબમાં કોંગ્રેસની થઇ છે કારમી હાર
• માત્ર 18 સીટો પર કોંગ્રેસનો થયો વિજય
• વધુ એક રાજ્ય કોંગ્રેસે પોતાના હાથમાંથી ખોયું

પંજાબમાં કારમી હાર બાદ નવજોત સિદ્ધુએ કહ્યું કે, આ ચૂંટણી પરિવર્તન માટેની હતી. લોકોએ એક મહાન નિર્ણય કર્યો છે. લોકોએ સત્તા પરિવર્તન માટે મત આપ્યો છે. વિનમ્ર ભાવે પ્રજાનો આદેશ સ્વીકારવો જોઇએ. પંજાબના ઉત્થાન માટે કામ કરવું પડશે.  

'મને નીચો બતાવનારા ખુદ કુવામાં ખાબક્યા'
સિદ્ધૂએ ઇશારાઓમાં ચરણજીતસિંહ ચન્ની પર કટાક્ષ કર્યો છે. નવજોત સિંહ સિદ્ધુએ કહ્યું કે, જે લોકો મને નીચો બતાવવાના પ્રયત્નો કરી રહ્યા હતા. જુઓ તે તમામ મુખ્યમંત્રી રહી ચૂકેલા લોકો ખુદ જ નીચે આવી ગયા છે અને કુવામાં ખાબક્યા. સાથે જ નવજોત સિંહ સિદ્ધુએ કહ્યું કે તેઓ પંજાબની જનતાને અભિંનદન આપે છે કે તેમણે રૂઢિગત રાજનીતિ અને પાર્ટીઓને છોડીને પંજાબમાં એક નવો ઑપ્શન પસંદ કર્યો. પંજાબની રાજનીતિ બદલાવની હતી અને પંજાબના લોકોને અભિનંદન આપું છું કે તેમણે સુંદર નિર્ણય લીધો. જેવું બીજ વાવશો તેવું ફળ મેળવશો.

'સિદ્ધૂ લગામ વગરનો ઘોડો'
ત્યારે પંજાબના ત્રણ પૂર્વ કેબિનેટ મંત્રીઓને સિદ્ધુએ બેલગામ ઘોડા ગણાવ્યા છે. તેમણે કહ્યું કે, સિદ્ધુએ કોંગ્રેસનું પોલિટિકલી મર્ડર કરી નાખ્યું છે અને કોંગ્રેસને બરબાદ કરી દીધી છે. રાહુલ ગાંધી અને પ્રિયંકા ગાંધીને બહુ પહેલા જ ચરણજીત સિંહ ચન્ની અને કોંગ્રેસ પાર્ટીની સરકારના કામકાજ પર સવાલ ઉભા કરવા પર સિદ્ધુને બહારનો રસ્તો દેખાડવો જોઇતો હતો.

સિદ્ધુના DNAમાં જ કોંગ્રેસ નથી
પૂર્વે નાયબ મુખ્યમંત્રી સુખજિંદરસિંહ રંધાવાએ કહ્યું કે, નવજોતસિંહ સિદ્ધુના ડીએનએમાં જ કોંગ્રેસ નથી. તેમણે કોંગ્રેસનું કલ્ચર નથી ખબર. કોંગ્રેસને ભાજપથી સીખ લેવી જોઇએ કે બહારથી બીજી પાર્ટીઓ છોડીને ભાજપમાં આવનારા મંત્રી, ધારાસભ્ય કે સાંસદ ભલે બનાવી દે પરંતુ સંગઠનમાં જૂના ભાજપ નેતાઓને જ જગ્યા આપે. પરંતુ અહીં કોંગ્રેસે તો નવજોતસિંહ સિદ્ધુને અધ્યક્ષ બનાવીને આખી થાળી પિરસીને રાખી દીધી અને તેમણે પોતાની નિવેદનબાજીથી કોંગ્રેસના રાજકારણનું મર્ડર કરી નાખ્યું અને કોંગ્રેસને બરબાદ કરી નાખી. નવજોત લગામ વગરના ઘોડા જેવા છે.