લોકસભાની ચૂંટણી નજીક આવતા જ ચૂંટાયેલા નેતાઓ હવે ખાતમુર્હતનાં કામ કરવામાં વ્યસ્ત બન્યા છે. હિંમતનગરમાં છેલ્લા ઘણા સમયથી રહીશોની રજૂઆત પણ ધારાસભ્ય દ્વારા વાત ધ્યાન ઉપર ન લેતા આજે ધારાસભ્યએ મહિલાઓનાં રોષનો ભોગ બનવું પડ્યું હતું.
Share
હિંમતનગરમાં મહિલાઓના રોષનો ભોગ બન્યા નેતાજી
MLA વી. ડી. ઝાલાનો સ્થાનિક મહિલાઓએ કર્યો વિરોધ
12 વર્ષ જેટલો સમય થવા છતાં ફાઈનલ ટીપી રોડ ન થતા સ્થાનિકોનો વિરોધ
સાબરકાઠાનાં હિંમતનગરમાં ધારાસભ્ય વી.ડી.ઝાલા મહિલાઓનાં રોષનો ભોગ બન્યા હતા. ધારાસભ્ય વી.ડી.ઝાલા 1 કરોડથી વધુનાં વિકાસ કાર્યોનાં ખાતમુર્હત કરવા પહોંચ્યા હતા. ત્યારે ધારાસભ્ય વી.ડી.ઝાલાનો સ્થાનિક મહિલાઓએ વિરોધ કર્યો હતો. જેમાં હિંમતનગરનાં રણછોડરાય નગરમાં ધારાસભ્યોનો મહિલાઓએ વિરોધ કર્યો હતો. છેલ્લા 12 વર્ષ જેટલો સમય થવા છતાં ફાઈનલ ટીપી રોડ ન થતા સ્થાનિકોએ વિરોધ નોંધાવ્યો હતો.
ધારાસભ્યને મુર્હૂર્ત વિધિ પતાવી ચાલતી પકડી
આ બાબતે મહિલાઓએ જણાવ્યું હતું કે મોટા માથાઓનાં મકાનો હોવાથી ટીપી રોડનું સ્થાન બદલાયાનો આક્ષેપ કર્યો હતો. તેમજ પાલિકા સહિત સંગઠનની હાજરીમાં સોસાયટીની મહિલાઓએ વિરોધ કર્યો હતો. ધારાસભ્ય ખાતમુર્હૂર્ત વિધિ કરી રહ્યા હતા. ત્યારે સોસાયટીની મહિલાઓએ આવી ધારાસભ્યનો વિરોધ કર્યો હતો. ત્યારે મહિલાઓનો રોષનો ભોગ બનેલા ધારાસભ્યએ મુર્હૂર્તવિધિ પતાવી ચાલતી પકડી હતી.
કોઈ રહીશને નુકશાન થતું હશે તો ચર્ચા કરી પ્રશ્નનો હલ લાવવામાં આવશેઃ વી.ડી.ઝાલા (ધારાસભ્ય)
આ સમગ્ર મામલે પાલિકા પ્રમુખ વિમલભાઈ ઉપાધ્યાયે જણાવ્યું હતું કે, આ સમગ્ર મામલે રહીશોએ લેખિત રજૂઆત કરી છે. તેમજ ધારાસભ્ય વી.ડી.ઝાલાએ પણ જણાવ્યું હતું કે રહીશોનો કોઈ પણ રીતે નુકશાન થાય તેવો કોઈ ઈરાદો ન હોય. તેમજ રોડની પહોળાઈ 12 મીટર કરાઈ છે. જેનો ફાયદો રહીશોને જ મળવાનો છે. તેમજ જો કોઈને નુકશાન થતું હશે તો આ બાબતે ચર્ચા કરી તે પ્રશ્નનો હલ લાવવામાં આવશે.
