માનવું પડશે / મહામહિમને થઈ ચિંતા, રાષ્ટ્રપતિ દ્રૌપદી મૂર્મૂએ કેન્દ્ર-CJIને આપ્યો મોટો ઓર્ડર, જાણો શું કરવાનું કહ્યું

• રાષ્ટ્રપતિ દ્રૌપદી મૂર્મૂનો પહેલો મોટો ઓર્ડર
• કેન્દ્ર સરકાર અને ચીફ જસ્ટીસે કહ્યું
• લોકોને ન્યાય મળે એવું સુનિશ્ચિત કરો

ઝારખંડ હાઈકોર્ટની નવી ઇમારતનું ઉદઘાટન કરતાં રાષ્ટ્રપતિ દ્રૌપદી મૂર્મૂએ કેન્દ્ર સરકાર અને સુપ્રીમના ચીફ જસ્ટીસને એક ખાસ અપીલ કરી છે. મુર્મૂએ બુધવારે કહ્યું હતું કે કોર્ટના આદેશોનો કેટલીક વાર અમલ કરવામાં આવતો નથી, અને સરકાર અને ભારતના મુખ્ય ન્યાયાધીશે એ સુનિશ્ચિત કરવું જોઈએ કે લોકોને સાચા અર્થમાં ન્યાય મળે.

President Droupadi Murmu urges Centre, CJI to ensure implementation of court orders

— Press Trust of India (@PTI_News) May 24, 2023

કોર્ટના આદેશનો અમલ થતો નથી 
તેમણે કહ્યું કે ભારતના ચીફ જસ્ટીસ ડી વાય.ચંદ્રચુડ અને કેન્દ્રીય કાયદા પ્રધાન અર્જુન રામ મેઘવાલ અને ઘણા વરિષ્ઠ ન્યાયાધીશો અહીં છે. મુર્મૂએ કહ્યું કે, હું તેમને એ સુનિશ્ચિત કરવા માટે આગ્રહ કરીશ કે સાચા અર્થમાં લોકોને ન્યાય મળે. તેમણે કહ્યું કે અનુકૂળ ચુકાદો મળ્યા પછી પણ, લોકોની ખુશી ક્યારેક અલ્પજીવી હોય છે, કારણ કે કોર્ટના આદેશોનો અમલ કરવામાં આવતો નથી.

ન્યાય સામાન્ય લોકોની પહોંચથી દૂર રહ્યો છે
રાષ્ટ્રપતિ દ્રૌપદી મૂર્મૂએ એવું પણ કહ્યું કે ન્યાયની ભાષા સર્વાંગી હોવી જોઈએ. કેસ લડવામાં ઘણો ખર્ચ થતો હોવાથી ન્યાય સામાન્ય લોકોની પહોંચથી દૂર રહ્યો છે.