ક્રિકેટ / IPL 2024 માટેની તૈયારીઓ શરૂ! ખેલાડીઓના ઓક્શન પર મોટું અપડેટ આવ્યું સામે

• IPL 2024ની તૈયારીઓ શરૂ કરી દેવામાં આવી છે
• IPL 2024 માટે ઓક્શન ભારતની બહાર આયોજિત થશે!
• WPLની બીજી સિઝનનું ઓક્શન 9 ડિસેમ્બરે યોજાય તેવી શક્યતા

IPL 2024ની તૈયારીઓ શરૂ કરી દેવામાં આવી છે. દરેક ક્રિકેટ પ્રેમી ક્રિકેટ લીગ IPLની 17મી સીઝનની આતુરતાથી રાહ જોઈ રહ્યા છે.હાલ તેને લઈને એક મોટા સમાચાર સામે આવ્યા છે. IPLની 17 મી સીઝન માટે ખલાડીઓના ઓક્શનની તારીખ નક્કી કરવામાં આવી છે. 

Major IPL 2024 updates. [Cricbuzz]

- Dubai is likely to host the IPL auction.
- December 18 or 19 will be the auction date.
- Trade window is open. pic.twitter.com/VPhWTuErq1

— Johns. (@CricCrazyJohns) October 26, 2023

IPL 2024 માટે ઓક્શન ભારતની બહાર આયોજિત થશે!
IPL 2024 માટે ઓક્શન ભારતની બહાર આયોજિત કરવામાં આવશે. આ માટે ડિસેમ્બર મહિનો પસંદ કરવામાં આવ્યો છે. મળતી માહિતી મુજબ, દુબઈમાં ઈન્ડિયન પ્રીમિયર લીગ (IPL) માટે ખેલાડીઓ માટે બિડિંગ થવાની સંભાવના છે.એવું માનવામાં આવે છે કે બિડિંગ 15 થી 19 ડિસેમ્બરની વચ્ચે થઈ શકે છે.18 અને 19 ડિસેમ્બરે ઓક્શન થઈ શકે છે. હાલ ટ્રેડ વિન્ડો પણ ખુલી ગઈ છે અને ફ્રેન્ચાઈઝી ખેલાડીઓને મુક્ત કરવા માટે હવે ફ્રી છે. જો કે, હજુ સુધી કોઈપણ ફ્રેન્ચાઈઝી દ્વારા આવી કોઈ માહિતી જાહેર કરવામાં આવી નથી પણ ઘણી ફ્રેન્ચાઇઝી આ વખતે ઘણા મોટા ખેલાડીઓને પણ બહાર કરી શકે છે.

Dubai likely to host IPL 2024 auction between 15th to 19th December. (Cricbuzz). pic.twitter.com/vhIVYhot6u

— Mufaddal Vohra (@mufaddal_vohra) October 26, 2023

ગયા વર્ષે કેરળના કોચીમાં ઓક્શન યોજાયું હતું
ભારતીય ક્રિકેટ કંટ્રોલ બોર્ડ (BCCI) આ વખતે વિદેશમાં IPLના ઓક્શનનું આયોજન કરી શકે છે. ગયા વર્ષે કેરળના કોચીમાં ઓક્શન યોજાયું હતું. નોંધનીય છે કે બીસીસીઆઈએ આઈપીએલ 2023ની હરાજી ઈસ્તાંબુલમાં યોજવાનું વિચાર્યું હતું પરંતુ ત્યારબાદ કોચીને ફાઈનલ કરવામાં આવ્યું હતું. 

WPLની બીજી સિઝનનું ઓક્શન 9 ડિસેમ્બરે યોજાય તેવી શક્યતા
બીજી તરફ વુમન્સ પ્રીમિયર લીગ (WPL)ની બીજી સિઝનનું ઓક્શન 9 ડિસેમ્બરે યોજાય તેવી શક્યતા છે જે ભારતમાં થવાની ધારણા છે. બીસીસીઆઈએ હજુ સુધી માલિકોને WPL હરાજી માટે સ્થળ અને તારીખો વિશે જાણ કરી નથી. લીગ આ વર્ષે ફેબ્રુઆરીમાં યોજાઈ થઈ શકે WPLએ જ શહેરમાં યોજાશે કે કેમ તે અંગે ટીમોને પુષ્ટિ મળી નથી પણ મહત્વનું છે કે ગયા વર્ષે સમગ્ર મહિલા IPLનું આયોજન મુંબઈમાં થયું હતું.