શિક્ષણ / મોટા સમાચાર: પ્રિ-સ્કૂલમાં ભણતા બાળકોના વાલીઓને થશે ફાયદો, સરકાર લેશે મોટો નિર્ણય

• પ્રિ-સ્કૂલો ફાવે એમ ફી નહીં વસૂલી શકે
• પ્લે ગૃપ, નર્સરી માટે લેવી પડશે સરકારની મંજૂરી
• FRC નક્કી કરશે એટલી જ ફી લઈ શકાશે

શાળા કોલેજો બાદ હવે પ્રિ સ્કૂલ ભણતા બાળકોના વાલીઓ માટે મહત્વના સમાચાર સામે આવ્યા છે, શાળા કોલેજોની જેમ હવે પ્રિ પ્રાયમરી સ્કૂલની ફી પણ  ફી નિયમન કમિટી દ્વારા નક્કી કરવામાં આવશે જેથી હવે મન ફાવે તેમ ફી વસુલતી પ્રિ પ્રાયમરી સ્કૂલ પણ લગામ લગશે. આગામી 2022થી નવી શિક્ષણ નીતિ અમલમાં આવશે, પ્રિ-પ્રાયમરી એક્ટ અમલમાં આવતા પ્રિ-સ્કૂલની ફી ઉપર લગામ લાગશે, પ્લે ગૃપ, નર્સરી માટે  સરકારની મંજૂરી લેવી પડશે એટલું જ નહીં FRC નક્કી કરશે એટલી જ ફી લઈ શકાશે,

પ્લે ગૃપ, નર્સરી માટે લેવી પડશે સરકારની મંજૂરી

મહત્વનું છે કે અગાઉ રાજ્ય સરકાર દ્વારા શાળા કોલેજ દ્વારા ઉઘરાવાતી વધુ પડતી ફીની ફરિયાદ ઉઠતા વાલીઓએ હંગામો મચાવ્યો હતો જે બાદ રાજ્ય સરકાર એક્શનમાં આવી હતી અને સમગ્ર મામલે ફી રેગ્યુરેટરી કમિટીની રચના કરવામાં આવી  હતી જે વધુ પડતી ફી વસુલતી શૈક્ષણિક સંસ્થાઓ  અને શાળા સંચાલકો માટે નિયત ફીના ધોરણો નક્કી કર્યા હતા, સરકાર દ્વારા બનાવામા આવેલી કમિટી શાળા કોલેજોમાં લેવામાં આવતી ફીનું મોનટરિંગ કરી રાજ્ય સરકારને રિપોર્ટ કરતી હવે આગામી સમયમાં નવી શિક્ષણનીતિ અમલ થવા જઈ રહી છે.

FRC નક્કી કરશે એટલી જ ફી લઈ શકાશે

નવી શિક્ષણ અંતર્ગત પ્રિ પ્રાયમરી એક્ટ લાગુ થશે, જેમાં હવે શાળા કોલેજની જેમ હવે પ્રિ સ્કૂલની ફી ઉપર પણ લગામ લાગશે, નવી શિક્ષણ નીતિ અમલી બનતા પ્લે ગૃપ, નર્સરીના વર્ગ શરૂ કરવા માટે સરકાર પાસેથી મંજૂરી લેવી પડશે, એટલું જ નહીં  FRC દ્વારા પ્રિ-પ્રાયમરી સ્કૂલની ફી મંજૂર થશે, ઉલ્લેખનિય છે કે સરકારની મંજૂરી વગર ધમધમતી પ્રિ સ્કૂલ મન ફાવે તેમ 50 હજારથી લઈને એક લાખ રૂપિયા સુધીની ફી વસુલતી હોય છે તેવામાં ફી મામલે ફી નિયમન કમિટીની લગામ કસાતા નર્સરી કે પ્રિ સ્કુલમાં અભ્યાસ કરતા બાળકોના વાલીઓને ફાયદો થશે..