બ્રેકિંગ ન્યુઝ
રાજ્યમાં ગરમીનો પ્રકોપ યથાવત, મોટાભાગના શહેરમાં 40 ડિગ્રી ઉપર તાપમાન, આગામી 7 દિવસ તાપમાન સૂકું રહેશે
લોકસભા ચૂંટણી 2024: કોંગ્રેસ સરકાર પાકિસ્તાનને ડોઝીયર આપતી હતી, આજે પાકિસ્તાનના આતંકનું ટાયર પંચર થઇ ગયું - PM મોદી
લોકસભા ચૂંટણી 2024: સરદાર પટેલના સપના પુરા કરવાનો પ્રયાસ કરીશ - PM મોદી
લોકસભા ચૂંટણી 2024: એક ચા વાળાએ દેશની અર્થ વ્યવસ્થાને 11માં નંબરથી 4 નંબર પર પહોંચાડી - PM મોદી
લોકસભા ચૂંટણી: વડાપ્રધાન મોદીના કોંગ્રેસ પર પ્રહાર, કહ્યુ એ શાસન કાળ હતો, આ સેવા કાળ
PM મોદીનો ગુજરાતમાં પ્રચારનો આજે બીજો દિવસ
ગુજરાતના સ્થાપના દિવસે રાજકોટને મળી સૌથી મોટી ભેટ, નવા રેસકોર્સ ખાતે અટલ સરોવર આજથી લોકો માટે ખુલ્લું મુકવામાં આવ્યું, 36 એકરની અંદર 126 કરોડના ખર્ચે બનાવવામાં આવ્યો એમ્યુઝમેન્ટ પાર્ક, અટલ સરોવરમાં ફાઉન્ટેન લેઝર શો બન્યું આકર્ષણનું કેન્દ્ર
લોકસભા ચૂંટણી: પહેલા અને બીજા તબક્કાના મતદાનથી કોંગ્રેસના હોશ ઉડી ગયા - PM મોદી
લોકસભા ચૂંટણી: આજે કોંગ્રેસમાં આગ લાગી ગઈ છે, વિભાજનની વાતો કરે છે - PM મોદી
લોકસભા ચૂંટણી: કોંગ્રેસ વોટબેંકની રાજનીતિ માટે લોકોને ડરાવે છે - PM મોદી
Dinesh
Last Updated: 09:24 PM, 24 May 2023
અમદાવાદમાં રથયાત્રા નજીક આવે એટલે શહેરમાં કોઇ અનિચ્છનીય બનાવ બને નહીં તે માટે પોલીસ તેમજ સુરક્ષા એજન્સી એલર્ટ થઇ જતાં હોય છે. બે મહિના પહેલાં ઘાતકી હથિયાર લઇને ફરતા ગુનેગારને પકડવા માટેની એક ખાસ મુહિમ ચાલુ થતી હોય છે. જે અંતર્ગત પોલીસ અને ક્રાઇમ બ્રાંચને પિસ્તોલ, તલવાર, છરી સહિતનાં અનેક હથિયાર મળી આવતાં હોય છે. સમગ્ર મામલે ચોંકાવનારી વાત એ છે કે રથયાત્રા નજીક આવે ત્યારે જ શહેરમાં પિસ્તોલ, રિવોલ્વર, દેશી તમંચા સહિતનાં હથિયાર મળી આવવાનો સિલસિલો ચાલુ થઇ જાય છે. ક્રાઇમ બ્રાંચની ટીમે ત્રણ દિવસમાં ચાર હથિયાર સાથે ચાર આરોપીને ઝડપી પાડ્યા છે. તમામ આરોપી પાસેથી દેશી બનાવટની પિસ્તોલ મળી આવી છે. ક્રાઇમ બ્રાંચે કરેલાં આ ડિટેક્શન પરથી એ સાબિત થાય છે કે જો પોલીસ ધારે તો અમદાવાદને ક્રાઇમ મુક્ત કરી શકે છે.
પોલીસ હથિયારો પકડવાની કામગીરી જોરશોરથી કરી રહી છે
ક્રાઇમ બ્રાંચ હાલ હથિયારો પકડવાની કામગીરી જોરશોરથી કરી રહી છે. રવિવાર અને સોમવારના દિવસે ક્રાઇમ બ્રાંચની ટીમે સરખેજ વિસ્તારમાંથી બે પિસ્તોલ અને પાંચ જીવતાં કારતૂસ સાથે બે શખ્સને ઝડપી પાડ્યા હતા. બે શખ્સ પૈકી એક શખ્સ ઉત્તર પ્રદેશથી હથિયાર લાવ્યો હતો જ્યારે બીજો શખ્સ સરખેજના એક યુવક પાસેથી હથિયાર લાવ્યો હતો. આ બે કેસ નોંધાયા બાદ ગઇ કાલે ક્રાઇમ બ્રાંચમાં વધુ બે કેસ નોંધાયા છે. જેમાં પિસ્તોલ અને જીવતાં કારતૂસ મળી આવ્યાં છે. ક્રાઇમ બ્રાંચની ટીમને બાતમી મળી હતી કે વેજલપુર એકતા મેદાન પાસે જાહેરમાં અનિશ અહમદ વ્હોરા (રહે, સિદ્દિકાબાદ સોસાયટી, જુહાપુરા) પોતાની પાસે હથિયાર લઇને ફરી રહ્યો છે. બાતમીના આધારે ક્રાઇમ બ્રાંચની ટીમે અનિશ અહમદ વ્હોરાને કોર્ડન કરીને ઝડપી પાડ્યો હતો. અનિશ અહમદ પાસેથી ક્રાઇમ બ્રાંચને એક પિસ્તોલ અને બે જીવતાં કારતૂસ મળી આવ્યાં છે. ક્રાઇમ બ્રાંચે અનિશ અહમદની ધરપકડ કરીને આગળની કાર્યવાહી હાથ ધરી છે.
પિસ્તોલ, મેગઝીન અને ચાર જીવતાં કારતૂસ મળી આવ્યાં
આ સિવાય ગઇ કાલે ક્રાઇમ બ્રાંચને વધુ એક બાતમી મળી હતી કુબેરનગર વિસ્તારમાં આવેલા ઇન્ડિકેપ ત્રણ રસ્તા પાસે ચિરાગ પટેલ નામના યુવક પાસે પિસ્તોલ, મેગઝીન તેમજ કારતૂસ છે. બાતમીના આધારે ક્રાઇમ બ્રાંચની ટીમ તાત્કાલીક ઘટના સ્થળે પહોંચી ગઇ હતી અને ચિરાગની અટકાયત કરી લીધી હતી. ચિરાગ કુબેરનગરના એ વોર્ડમાં રહે છે અને તે મૂળ પાટણના કટોસણ ગામનો રહેવાસી છે. ચિરાગ પાસેથી ક્રાઇમ બ્રાંચને પિસ્તોલ, મેગઝીન અને ચાર જીવતાં કારતૂસ મળી આવ્યાં છે.
હથિયાર રાખવાનું કોઈ કારણ ફરિયાદમાં જણાવાયું નથી
ક્રાઇમ બ્રાંચે સરખેજમાંથી બે આરોપીની પિસ્તોલ-કારતૂસ સાથે ધરપકડ કરી તેમાં સામે આવ્યું હતું કે એક આરોપી ઉત્તર પ્રદેશથી હથિયાર લાવ્યો હતો જ્યારે બીજો આરોપી સરખેજના યુવક પાસેથી હથિયાર લાવ્યો હતો પરંતુ કાલે ચિરાગ પટેલને હથિયાર સાથે ઝડપી પાડવામાં આવ્યો છે. તે કોની પાસેથી પિસ્તોલ ખરીદીને લાવ્યો છે અને તેનો હેતુ શો છે તેનો કોઇ ઉલ્લેખ નથી. અનિશ અહમદ પણ કોની પાસેથી પિસ્તોલ ખરીદીને લાવ્યો છે તેનો કોઇ જ ઉલ્લેખ નથી. ક્રાઇમ બ્રાંચ પોતાની કામગીરી બતાવવા માટે હથિયાર સાથે આરોપીને ઝડપી પાડે છે પરંતુ તેમના ઇરાદા શા હોય છે તે મામલે કોઇ તપાસ કરતી નથી.
હથિયારના સોદાગર સુધી ક્રાઈમ બ્રાંચ પહોંચતી નથી
રથયાત્રા પૂર્વે ક્રાઇમ બ્રાંચ હથિયાર પકડવાની કામગીરી જોરશોરથી કરી રહી છે. જેમાં તેને જોઇએ તેવી જ સફળતા મળે છે. દર વર્ષે રથયાત્રા પહેલાં શહેરમાંથી ક્રાઇમ બ્રાંચ, એસઓજી અંદાજે ૨૦થી વધુ હથિયાર સાથે આરોપીને ઝડપી પાડતાં હોય છે. આ વર્ષે પણ હથિયારના વધુને વધુ કેસ ક્રાઇમ બ્રાંચ કરશે ત્યારે ચોંકાવનારી વાત એ છે કે હથિયારના સોદાગર સુધી ક્રાઇમ બ્રાંચ પહોંચી શકતી નથી. ઉત્તર પ્રદેશ, મધ્ય પ્રદેશથી મોટાભાગના આરોપી હથિયાર લાવતા હોય છે. કેસ નોંધાય તેટલું જ ક્રાઇમ બ્રાંચ કામ કરે છે પરંતુ ઉત્તર પ્રદેશ અને મધ્ય પ્રદેશમાં હથિયારના સોદાગરને હજુ સુધી પકડી શકી નથી.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
તુલસીના પાન ઔષધીય ગુણોનો ભંડાર / રોજ સવારે ઉઠી બસ આ પત્તા ચાવી જાઓ, બીપી-શુગરની શરીરમાં ઘૂસવાની તમામ કોશિશ થશે નાકામ
પ્રચાર
ટોપ સ્ટોરીઝ
તુલસીના પાન ઔષધીય ગુણોનો ભંડાર / રોજ સવારે ઉઠી બસ આ પત્તા ચાવી જાઓ, બીપી-શુગરની શરીરમાં ઘૂસવાની તમામ કોશિશ થશે નાકામ