નિવેદન / દર વર્ષે 5 વિદેશી નાગરિકોને કચ્છનું રણ અને સ્ટેચ્યૂ ઓફ યુનિટી બતાવવા લાવો: PM મોદીએ જુઓ કોને કરી અપીલ

• PM મોદી કચ્છની નવનિર્મિત હોસ્પિટલનું વર્ચ્યુઅલ લોકાર્પણ કર્યુ 
• CM ભૂપેન્દ્ર પટેલ અને કેન્દ્રીય મંત્રી મનસુખ માંડવિયા ઉપસ્થિત રહ્યાં 
• PM મોદીએ લેઉઆ પટેલ-માલધારી સમાજને કરી આ ખાસ અપીલ

કચ્છી બોલીમાં જય સ્વામીનારાયણના ઉદ્ઘોષ સાથે PM મોદીએ સંબોધન કર્યુ 

રાજ્યમાં એક બાદ એક વિકાસના કાર્યોનું લોકાર્પણ થઇ રહ્યુ છે. ત્યારે કચ્છ વાસીઓને આજથી એક મહત્વની ભેટ મળવા જઇ રહી છે. આજે  PM મોદીએ કચ્છની નવનિર્મિત હોસ્પિટલનું વર્ચ્યુઅલ લોકાર્પણ કર્યું હતું. આ સુવિધાનો પ્રારંભ થતા હવે લોકોએ અદ્યતન સારવાર મેળવવા માટે અન્ય ગામ સુધી નહી જવુ પડે.  કચ્છમાં જ સારામાં સારી મેડિકલ સુવિધા મળી રહેશે.ઉદ્ધાટના પ્રસંગે PM મોદીએ  કચ્છી બોલીમાં જય સ્વામીનારાયણના ઉદ્ઘોષ સંબોધન કરીને હોસ્પિટલનું કર્યું ઉદ્ઘાટન કર્યું હતું. આ પ્રસંગે રાજ્યના CM ભૂપેન્દ્ર પટેલ અને કેન્દ્રીય મંત્રી મનસુખ માંડવિયા પણ ઉપસ્થિત રહ્યાં  હતાં 

PM મોદીએ લેઉઆ પટેલ-માલધારી સમાજને કરી આ ખાસ અપીલ

PM મોદીએ કહ્યું કે, હવે કચ્છમાં પાણી આવ્યું છે હવે કચ્છમાં લીલીતોરી આવી છે. કચ્છમાં જીરુ વાવી રહ્યું છે. કચ્છમાં હવે ઘાસચારો પણ મળી રહ્યો છે. અને હવે તો કચ્છમાં ડેરી પણ આવી રહી છે. જેથી હવે માલધારી ભાઈઓએ કચ્છમાંથી હિજરત કરવાની જરૂર નથી. હવે તો તામરે બધાની પાંચેય આંગળીઓ ઘીમાં છે. તો હવે કચ્છમાં જ રહો અને કચ્છનો વિકાસ કરો  

કચ્છ સાથે ભૂકંપથી મારો ઘનિષ્ઠ નાતો જોડાયો છે : PM મોદી

કચ્છની નવનિર્મિત હોસ્પિટલનું વર્ચ્યુઅલ લોકાર્પણ  પ્રંસગે PM મોદીએ જણાવ્યું હતું કે, કચ્છનાં લોકો ભૂકંપ બાદ ઊભા થઈને હવે પોતાના પરિશ્રમથી આ વિસ્તારનું નવું ભાગ્ય લખી રહ્યા છે. તેમણે જણાવ્યું કે, કચ્છમાં ભૂકંપથી જે દર્દનાક સ્થિતિ હતી અને ત્યારે જે મારો ઘનિષ્ઠ નાતો જોડાઈ ગયો તેના કારણે ના હું કચ્છને છોડી શકું, ના કચ્છ મને છોડી શકે

કોરોનામાં હળદરનું એક્સપોર્ટ વધ્યુ, કારણ કે દુનિયા ફરી યોગ અને આર્યુવેદ તરફ વળી રહી છે. 

આ પ્રસંગે PM મોદીએ જણાવ્યું હતું કે, કચ્છનો ક હવે કર્તૃત્વનો 'ક' તરીકે ઓળખાય એવી રીતે તમે સૌ ડગ માંડી રહ્યા છો તેમણે ઉમેર્યું કે, કોરોનામાં હળદરનું એક્સપોર્ટ વધ્યુ, કારણ કે દુનિયા ફરી યોગ અને આર્યુવેદ તરફ વળી રહી છે. હવે તો કચ્છની મહેમાનગતિના આખા હિન્દુસ્તાનમાં વખાણ થઈ રહ્યા છે, જો હવે વિદેશમાં રહેતાં લોકો પાંચ પરિવારોને મોકલે તો કચ્છ હર્યુંભર્યું થઈ જાય છે.આ સાથે તેમણે જણાવ્યું કે, હવે કચ્છમાં ઓછા ખર્ચે ઉત્તમ સારવાર થશે હવે અદ્યતન સારવાર માટે અમદાવાદ કે રાજકોટ નહીં જવું પડે. આ હોસ્પિટલનું નિર્માણ શ્રી કચ્છી લેઉવા પટેલ સમાજ, ભુજ દ્વારા કરવામાં આવી છે. સમગ્ર કચ્છમાં આ પ્રથમ ચેરિટેબલ સુપર સ્પેશિયાલિટી હોસ્પિટલ છે.