Delhi Flood / વિદેશ યાત્રાથી પરત આવ્યાની ગણતરીની મિનિટોમાં જ PM મોદીએ LG સક્સેનાને ઘુમાવ્યો ફોન, દિલ્હીના પૂર અંગે કરી સમીક્ષા

• ભારે વરસાદ બાદ દિલ્હીના રસ્તાઓ પાણી-પાણી
• હજુ પણ ઘણા વિસ્તારોમાં પ્રવર્તી રહી છે પૂરની સ્થિતિ 
• નરેન્દ્ર મોદીએ LG વીકે સક્સેના સાથે કરી વાતચીત

દેશમાં ભારે વરસાદ જોવા મળી રહ્યો છે. જેના કારણે દેશના કેટલાક રાજ્યોમાં પૂર જેવી સ્થિતિ સર્જાઈ છે. યમુના નદીનું જળસ્તર વધવાને લીધે અનેક વિસ્તારો ડૂબી ગયાં છે. દિલ્હીની વાત કરીએ તો દિલ્હીના અનેક વિસ્તારોમાં હજુ પણ પાણી ભરાયેલા છે. રસ્તાઓ પાણીમાં ડૂબી ગયા છે. યમુના બજાર, મથુરા રોડ, પ્રગતિ મેદાન, મયુર વિહાર, આઈટીઓ અને રાજઘાટ પાણી ભરાયેલા છે. ત્યારે ફ્રાન્સ અને UAEના પ્રવાસથી પરત આવતાની સાથે જ વડાપ્રધાન નરેન્દ્ર મોદીએ આ મામલે દિલ્હીના એલજી (લેફ્ટનન્ટ ગવર્નર) વીકે સક્સેના સાથે ટેલિફોનિક વાતચીત કરી હતી.

Immediately after arriving in Delhi, PM Narendra Modi spoke to LG VK Saxena about the status of the flood-like situation in Delhi due to the increase in the water level of Yamuna River and the progress achieved in mitigation: Source

— ANI (@ANI) July 15, 2023

PM મોદીએ LG વીકે સક્સેનાને કર્યો ફોન
આ ટેલિફોનિક વાતચીત દરમિયાન PM મોદીએ યમુના નદીના જળસ્તરમાં વધારો થવાને કારણે દિલ્હીમાં સર્જાયેલી પૂરની સ્થિતિ અંગે ચર્ચા કરી હતી. સાથે જ તેને રોકવા માટે અત્યાર સુધીમાં ઉઠાવવામાં આવેલા પગલાઓ વિશે પણ જાણકારી મેળવી હતી. આ અંગે અધિકારીઓએ માહિતી આપી છે. સાથે જ આ અંગે દિલ્હીના લેફ્ટનન્ટ ગવર્નર વીકે સક્સેનાએ પણ ટ્વિટ કર્યું છે. 

વીકે સક્સેનાએ ટ્વીટ કર્યું 
તેમણે ટ્વિટમાં લખ્યું છે કે, 'માનનીય વડાપ્રધાન નરેન્દ્ર મોદીજીએ વિદેશથી પરત આવતાની સાથે જ ફોન કરીને દિલ્હીમાં પૂરની સ્થિતિની વિગતવાર માહિતી લીધી અને થઈ રહેલા સંબંધિત પ્રયાસોની સંપૂર્ણ માહિતી મેળવી. તેમણે ફરીથી કેન્દ્રની મદદ અને સહકારથી દિલ્હીવાસીઓના હિતમાં શક્ય તમામ કામ કરવાની સૂચના આપી.'

माननीय प्रधानमंत्री श्री @narendramodi जी ने स्वदेश पहुंचते ही फोन कर दिल्ली में बाढ़ की स्थिति का विस्तृत ब्योरा लिया और किये जा रहे सम्बंधित प्रयासों की पूरी जानकारी ली।
उन्होनें पुन: केंद्र की सहायता एवं सहयोग से, दिल्लीवासियों के हित में हर सम्भव कार्य करने के निर्देश दिये।

— LG Delhi (@LtGovDelhi) July 15, 2023

અમિત શાહને પણ કર્યો હતો ફોન
આપને જણાવી દઈએ કે, વડાપ્રધાન જ્યારે ફ્રાન્સમાં હતા ત્યારે પણ તેમણે કેન્દ્રીય ગૃહમંત્રી અમિત શાહ સાથે વાતચીત કરી હતી અને દિલ્હીમાં સર્જાયેલી પૂરની સ્થિતિની વિગતો મેળવી હતી. આપને જણાવી દઈએ કે, ભારે વરસાદ બાદ દિલ્હીના અનેક વિસ્તારોમાં પાણી ભરાયા છે. યમુના નદીનું જળસ્તર ખતરાના નિશાનથી ઉપર પહોંચી ગયું છે.