વાયનાડ / 'મેં કોઈને અપશબ્દો ન કહ્યા, મને કહેવાયા', રાહુલે ફરી ઉપાડ્યો મોટો મુદ્દો, ચકિત થઈ જવાયું તેવું બોલ્યાં

• રાહુલ ગાંધીએ પીએમના નેહરુ સરનેમવાળા ભાષણ પર આપ્યો જવાબ
• મારી સરનેમ નેહરુ કેમ નથી એવું કહીને પીએમે મારુ કર્યું અપમાન
• હું કોઈને અપશબ્દો બોલ્યો નથી, મને કહેવાયા
• ગૂગલ કરી લો મેં કોઈને એક શબ્દ કહ્યો નથી
• સાચી વાત જ કરી, સરનેમ પર સવાલ ઉઠાવવો મારુ અપમાન 

કોંગ્રેસ સાંસદ રાહુલ ગાંધીએ ફરી એકવાર પીએમ નરેન્દ્ર મોદી પર સીધો હુમલો કર્યો છે. સંસદમાં પીએમ  મોદીના ભાષણનો ઉલ્લેખ કરતા તેમણે તેમના પર અપમાનિત કરવાનો આરોપ લગાવ્યો હતો. રાહુલ ગાંધીએ કહ્યું કે પીએમ મોદીએ મારું અપમાન કર્યું છે. "મારી સરનેમ ગાંધી કેમ છે, નેહરુ કેમ નહીં? એવું કહીને પીએમે મારુ અપમાન છે. રાહુલ ગાંધીએ કહ્યું કે વડાપ્રધાન પોતાને ખૂબ જ શક્તિશાળી માને છે અને તેમને લાગે છે કે બધા તેમનાથી ડરશે. રાહુલ ગાંધીએ કહ્યું કે મેં જે પણ કહ્યું હતું, મેં સાચું કહ્યું હતું અને તેથી જ મારા મનમાં ડર નહોતો. કોંગ્રેસ નેતાએ કહ્યું કે, "મારું અપમાન કરવાથી કંઇ નહીં થાય. સત્ય બહાર આવશે.

વાયનાડમાં રાહુલે પીએમને આપ્યો જવાબ 
વાયનાડમાં બોલતા રાહુલ ગાંધીએ કહ્યું કે પીએમને લાગે છે કે બધા તેમનાથી ડરશે. પરંતુ તેઓ કદાચ જાણતા નથી કે તે છેલ્લી વ્યક્તિ હશે જેનો મને ડર લાગશે. રાહુલે કહ્યું કે મારો ચહેરો જુઓ અને જ્યારે તેઓ બોલે છે ત્યારે તેમની સામે જુઓ. જુઓ બોલતી વખતે તેમણે કેટલી વાર પાણી પીધું. પાણી પીતી વખતે પણ તેના હાથ ધ્રૂજતા હતા. વડા પ્રધાન વિચારે છે કે દરેક જણ તેમનાથી ડરશે. "મારા ભાષણનો એક ભાગ કાઢી નાખવામાં આવ્યો હતો, પરંતુ વડા પ્રધાનના શબ્દો કાઢી નાખવામાં આવ્યા ન હતા. વડા પ્રધાને સત્યનો સામનો કરવો પડશે અને આ વખતે સત્ય તેમની સાથે નથી. વડા પ્રધાનને લાગે છે કે તેઓ ખૂબ શક્તિશાળી છે. રાહુલ ગાંધીએ પણ પોતાના તરફથી પીએમ પર હુમલો કરવાના અપમાનનો જવાબ આપ્યો હતો. "મેં કોઈને અપશબ્દો કહ્યા નથી, પણ મને કહેવામાં આવ્યાં હતા. 

રાહુલ ગાંધીના ભાષણમાં કંઇ ખોટું નથી- કોંગ્રેસ 
સંસદની કાર્યવાહી દરમિયાન અસંસદીય શબ્દોના ઉપયોગ અંગે મળેલી નોટિસનો કોંગ્રેસે જવાબ આપ્યો છે. કોંગ્રેસ નેતા મલ્લિકાર્જુન ખડગેએ કહ્યું કે, રાહુલ ગાંધીના ભાષણમાં કંઇ ખોટું નથી. મલ્લિકાર્જુન ખડગેએ લોકસભા સચિવાલયની નોટિસ પર પ્રતિક્રિયા આપતા આ વાત કહી હતી. "રાહુલ ગાંધીએ સંસદમાં જે કહ્યું છે તે પહેલેથી જ જાહેર ક્ષેત્રમાં છે. એટલે કશું જ અસંસદીય નથી. તેથી તે પોતાના મુજબ જવાબ આપશે. 

રાહુલ ગાંધીને મળી લોકસભા સચિવાલયની નોટીસ
ઉલ્લેખનીય છે કે રાહુલ ગાંધીને તેમના ભાષણ પર લોકસભા સચિવાલય તરફથી નોટીસ મળી છે. નોટીસનો જવાબ આપવાની અથવા તેમની સામે આકરી કાર્યવાહી કરવાની ચેતવણી આપવામાં આવી છે.