તપાસ / રેલવેના ખાનગીકરણનો ખોટો દાવો કરી બેઠા રાહુલ ગાંધી, ફેક્ટ ચેકમાં ખોટી નીકળી વાત

• ભારત જોડો યાત્રામાં રાહુલ ગાંધી વતી કરાયું ટ્વિટ
• મોદી સરકાર રેલવેનું ખાનગીકરણ કરી રહી છે-રાહુલે કર્યું હતું ટ્વિટ
• પીઆઈબી ફેક્ટ ચેકમાં રાહુલના દાવાને ખોટો ઠેરવાયો 

ભારત જોડો યાત્રામાં જોડાયેલા રાહુલ ગાંધીએ રેલવેના ખાનગીકરણનો ખોટો દાવો કર્યો હતો. પ્રેસ ઈન્ફોર્મેશન બ્યૂરો (પીઆઈબી)એ કોંગ્રેસ નેતાના દાવાની ફેક્ટ-ચેક કરી છે અને તેને 'નકલી' ગણાવ્યો છે. સાથે જ સ્પષ્ટ કર્યું છે કે રેલવેએ પોતાની કોઇ સંપત્તિનું ખાનગીકરણ કર્યું નથી. રાહુલે ટ્વિટમાં વડાપ્રધાન નરેન્દ્ર મોદી પર સવાલ ઉઠાવ્યા હતા.

12 लाख लोगों को रोज़गार, 2.5 करोड़ देशवासियों की रोज़ सेवा - देश को जोड़ती है भारतीय रेल।

प्रधानमंत्री जी, रेलवे देश की सम्पत्ति है, इसे निजीकरण नहीं, सशक्तिकरण की ज़रूरत है। बेचो मत! pic.twitter.com/Z6m5S0vQio

— Rahul Gandhi (@RahulGandhi) November 12, 2022

રાહુલ ગાંધીએ કર્યું હતું ટ્વિટ 
રાહુલ ગાંધીએ શનિવારે ટ્વિટ કરીને કહ્યું હતું કે, 12 લાખ લોકોને રોજગાર, 2.5 કરોડ દેશવાસીઓની દૈનિક સેવા - ભારતીય રેલવે દેશને જોડે છે. પ્રધાનમંત્રીજી, રેલવે દેશની સંપત્તિ છે, તેને ખાનગીકરણની નહીં, પણ સશક્તિકરણની જરૂર છે. આ ટ્વીટ દ્વારા તેમણે એક વીડિયો પણ શેર કર્યો છે, જેમાં કેટલાક લોકો રેલવેના ખાનગીકરણની વાત કરી રહ્યા છે. વળી, કેટલાક સમાચારોની હેડલાઈન્સ પણ શેર કરવામાં આવી હતી.

ફેક્ટચેકમાં રાહુલનો દાવો ખોટો નીકળ્યો 
સરકારી એજન્સી પીઆઈબી દ્વારા રાહુલ ગાંધીના દાવાનું ફેક્ટ ચેક કરાયું હતું જેમાં રાહુલનો દાવો ખોટો હોવાનું સાબિત થયું હતું. પીઆઈબી ફેક્ટ ચેકના સત્તાવાર ટ્વિટર હેન્ડલે ટ્વીટ કર્યું છે, "એક ટ્વીટ પર બનાવટી દાવો કરવામાં આવી રહ્યો છે કે ભારતીય રેલ્વેની 151 ટ્રેનો, રેલ્વે સંપત્તિ, સ્ટેશનો અને હોસ્પિટલોનું ખાનગીકરણ કરવામાં આવ્યું છે. આ દાવાઓ સંપૂર્ણપણે ખોટા અને પાયાવિહોણા છે" અને "રેલ્વે મંત્રાલય તેની કોઈપણ સંપત્તિનું ખાનગીકરણ કરી રહ્યું નથી. 

एक ट्वीट में फर्जी दावा किया जा रहा है कि भारतीय रेलवे की 151 ट्रेनों, रेलवे संपत्ति, स्टेशनों और अस्पतालों का निजीकरण कर दिया गया है#PIBFactCheck

▶️ ये दावे पूर्णतः फर्जी एवं तथ्यहीन हैं

▶️ @RailMinIndia अपनी किसी संपत्ति का निजीकरण नहीं कर रहा pic.twitter.com/KecWtIM7du

— PIB Fact Check (@PIBFactCheck) November 13, 2022

જાણો રાહુલની ભારત જોડો યાત્રા વિશે 

રાહુલ ગાંધીએ 7 સપ્ટેમ્બરે કેરળના કન્યાકુમારીથી ભારત જોડો યાત્રાની શરુઆત કરી હતી જેમાં રાહુલ કાર્યકરો અને નેતાઓ સાથે દરરોજ પગપાળા યાત્રા કરી રહ્યાં છે. યાત્રાની વેબસાઇટ અનુસાર, અત્યાર સુધીમાં 67 દિવસમાં આ યાત્રામાં 6 રાજ્યોના 28 જિલ્લાઓને આવરી લેવામાં આવ્યા છે.