- સાંસદ રાઘવ ચઢ્ઢા અને અભિનેત્રી પરિણીતી ચોપડાની સગાઈ
- દિલ્હીના કપૂરથલા હાઉસમાં યોજાયો જાજરમાન સમારોહ
- રાઘવ અને પરિણીતી છે આટલા લાખના માલિક
આમ આદમી પાર્ટીના નેતા અને રાજ્યસભાના સાંસદ રાઘવ ચઢ્ઢા અને બોલીવુડની ખ્યાતનામ અભિનેત્રી પરિણીતી ચોપડાએ આજે સગાઈ કરી લીધી છે. લાંબા ઇન્તજાર બાદ પરિણીતા ચોપડા અને રાઘવ ચઢ્ઢાની આજે સગાઈ થઈ છે. રાજકીય આગેવાનો અને બોલીવુડના દિગજ્જોની હાજરીમાં બનેં જોડાએ એક બીજાને રિંગ પહેરાવી હતી. દિલ્હીના કપૂરથલા હાઉસમાં ભવ્ય ધમાકેદાર અને જાજરમાન સમારોહ યોજાયો હતો. રાઘવ અને પરિણીતી બને પોતપોતાના ફિલ્ડમાં જબરદસ્ત સફળતા મેળવી છે. જે રૂપિયા અને નામના બને કમાઈ રહ્યા છે.
રાજ્યસભાના સૌથી યુવા સભ્ય
આમ આદમી પાર્ટીના રાઘવ ચઢ્ઢા રાજ્યસભાના સૌથી યુવા સભ્ય છે. જે ગત વર્ષે જ સભ્ય તરીકે ચૂંટાયા છે. રાઘવ ચઢ્ઢાએ વર્ષ 2012 મા આમ આદમી પાર્ટીમાં જોડાઈને રાજકીય ક્ષેત્રના ડગ માંડયા હતા. તેમનો જન્મ 11 નવેમ્બર, 1988 ના રોજ થયો હતો, રાઘવ ચઢ્ઢા પોતાના પ્રચંડ ભાષણો માટે જાણીતા છે, રાઘવ ચઢ્ઢા રાજકારણમાં પ્રવેશતા પહેલા ચાર્ટર્ડ એકાઉન્ટન્ટની પ્રેક્ટિસ કરતા હતા. હવે ખાસ રાઘવ ચઢ્ઢાની કુલ સંપત્તિની વાત કરીએ તો તે લગભગ 50 લાખ રૂપિયાના માલિક હોવાનું જાણવા મળી રહ્યું છે. તેમની પાસે મારુતિ સ્વિફ્ટ ડિઝાયર કાર છે. 37 લાખ રૂપિયાનું ઘર અને 90 ગ્રામ સોનાના દાગીના મળી, 52,839 રૂપિયાનો આરોગ્ય વીમો, 14,57, 806 રૂપિયા બેન્કમાં રકમ તથા 6.35 લાખ રૃપિયાનું શેર બજારમાં રોકાણ હોવાનું તેમણે ચૂંટણી ફોર્મ વેળાએ જાહેર કર્યું હતું.
Audi A6, Jaguar XJL અને Audi Q5નું કલેક્શન
જોકે પરિણીતી ચોપરા સંપત્તિના મામલામાં રાઘવ ચઢ્ઢા કરતાં ઘણી આગળ છે. પરિણીતી ચોપરાનો જન્મ 22 ઓક્ટોબર 1988ના રોજ હરિયાણાના અંબાલામાં થયો હતો. રિપોર્ટ અનુસાર પરિણીતી ચોપરાની સંપત્તિ 60 કરોડ જેટલી હોવાનું જાણવા મળી રહ્યું છે. ફિલ્મોમાં મળેલી ફી અને બ્રાન્ડ એન્ડોર્સમેન્ટ તેની કમાણીનો મુખ્ય સ્ત્રોત. પરિણીતી ચોપરા પાસે મુંબઈમાં લક્ઝરી સી-ફેસિંગ એપાર્ટમેન્ટ છે. તથા Audi A6, Jaguar XJL અને Audi Q5 જેવી કાર છે. હિટ ફિલ્મો સિવાય પરિણીતી રિયાલિટી શોમાં પણ ઘણી એક્ટિવ રહી છે.
